ନୟାଗଡ଼ ଅଫିସ, ୪।୬: ନୟାଗଡ ଜିଲା ମୁଖ୍ୟ ଚିକିସତ୍ାଳୟ ପରିସରରେ ଥିବା ମାତୃ ଓ ଶିଶୁ ଚିକିସତ୍ାଳୟର ନବଜାତ ଶିଶୁଙ୍କ ୱାଡର୍ର୍ର ଝରକା ଦେଇ ବାଉଁଶ ରହିଥିବାରୁ ମା ଓ ଶିଶୁ ଅଭିଶପ୍ତ ଜୀବନଯାପନ କରୁଛନ୍ତି । ବର୍ଷା ହେଲେ ବର୍ଷା ଜଳ ବାଉଁଶ ଦେଇ ବେଡ୍ରେ ପଡୁଛି। ଗ୍ରୀଷ୍ମର ପ୍ରକୋପ ବଢ଼ି ଚାଲିଥିବାବେଳେ ନବଜାତ ଶିଶୁ ୱାର୍ଡରେ ଏସି ଲାଗି ପାରୁନି। ଝରକା ଖୋଲା ରହୁଥିବାରୁ ଏସି ଲଗା ଯାଇ ପାରୁନି । ମାତୃ ଓ ଶିଶୁ ଚିକିତ୍ସାଳୟାରେ ରଙ୍ଗ ଓ ବିଦ୍ୟୁତ୍ କାମ ପାଇଁ ବାଉଁଶ ପୋତି କାମ କରାଯାଉଥିଲା । ୩ ମାସ ହେଲା କାମ ଶେଷ ହୋଇଥିଲେ ମଧ୍ୟ ଜେନେରାଲ ଇଲେକ୍ଟ୍ରିକାଲ ଡିପାର୍ଟମେଣ୍ଟ (ଜିଇଡି) ବାଉଁଶ ଖୋଲୁ ନାହିଁ । ବାଉଁଶ ନ ଖୋଲିବାରୁ ମାତୃ ଓ ଶିଶୁ ଚିକିସତ୍ାଳୟରେ ଅବ୍ୟବସ୍ଥା ବଢ଼ି ଚାଲିଥିବାରୁ ବିଭିନ୍ନ ସମୟରେ ସିଡିଏମଓ ଜିଇଡିକୁ ଅବଗତ କରାଇଛନ୍ତି । ଏପରି କି ବାଉଁଶ ଖୋଲିବାକୁ ବାରମ୍ବାର ଅବଗତ କରାଇଛନ୍ତି । ହେଲେ ଜିଇଡି ପକ୍ଷରୁ ଖୋଲାଯିବ ଦର୍ଶାଯାଇ ବାଉଁଶ ଖୋଲିବାରେ ସମୟ ଗଢ଼ି ଚାଲିଛି । ଏନେଇ ଭାପୁରର ହେମଲତା ପ୍ରଧାନ କୁହନ୍ତି, ମୋର ଜଣେ ସମ୍ପର୍କୀୟଙ୍କ ମାତୃ ଓ ଶିଶୁ ଚିକିସତ୍ାଳୟରେ ଝିଅଟିଏ ହୋଇଛି । ତେବେ ନବଜାତ ଶିଶୁ ୱାର୍ଡରେ ବାଉଁଶ ଥିବା କାରଣରୁ ମା ଓ ଶିଶୁ ଗୁଳୁଗୁଳିରେ ସିଝୁଛନ୍ତି । ବର୍ଷା ହେଲେ ବର୍ଷା ପାଣି ବେଡ୍ ଉପରେ ପଡୁଛି । ବାଉଁଶ କଢ଼ାଯିବା ନେଇ ରୋଗୀଙ୍କ ପକ୍ଷରୁ ବିଭିନ୍ନ ସମୟରେ ଅଭିଯୋଗ କରାଯାଇଥିଲେ ମଧ୍ୟ ସୁଫଳ ମିଳୁନି । ଦଶପଲ୍ଲାର ମାଧବୀ ନାୟକ କୁହନ୍ତି, ବାଉଁଶ ଯୋଗୁ ମା ଓ ଶିଶୁ କିଭଳି ଅଭିଶପ୍ତ ଜୀବଯାପନ କରୁଛନ୍ତି ଅନୁଭବୀ ହିଁ କହିପାରିବ । ରଙ୍ଗ ଓ ବିଦ୍ୟୁତ୍ କାମ ଶେଷ ପରେ ପୋତା ଯାଇଥିବା ବାଉଁଶ ମାତୃ ଓ ଶିଶୁ ଚିକିସତ୍ାଳୟରୁ ହଟା ଯାଉ ନାହିଁ ତାର କାରଣ ଖୋଜା ଯାଉନି। ୩ମାସ ଧରି ବେଡ୍ ଉପରେ ବାଉଁଶ ଝୁଲୁଛି । ସେ ଦିଗରେ ପଦକ୍ଷେପ ନାହିଁ । ଏଥିରୁ ଜଣାପଡୁଛି ସରକାର ଓ ପ୍ରଶାସନ କେତେଦୁର ମା ଓ ଶିଶୁ ପାଇଁ କୁମ୍ଭୀରକାନ୍ଦଣା କାନ୍ଦୁଛନ୍ତି । ଜିଲା ମୁଖ୍ୟ ଚିକିସତ୍ାଳୟରେ ଏପରି ଅବ୍ୟବସ୍ଥା ଶୋଭା ପାଉନି । ସିଡିଏମଓ ଜଦି ପାରୁ ନାହାନ୍ତି ଜିଲାପାଳଙ୍କୁ କାହିଁକି ଅବଗତ କରାଉ ନାହାନ୍ତି । ତୁରନ୍ତ ବାଉଁଶ ହଟାଇବା ଦରକାର ବୋଲି ମାଧବ କ୍ଷୋଭର ସହ କହିଛନ୍ତି । ଘଟଣା ସମ୍ପର୍କରେ ଜିଇଡିର ଏସଡିଓ ରାଜେଶ ବେହେୁରାଙ୍କ ୯୪୩୯୮ ୩୮୬୭୭ନଂ ଫୋନକୁ ଯୋଗାଯୋଗ କରାଯାଇଥିଲା । ହେଲେ ସେ ଫୋନ ଉଠାଇ ନଥିଲେ । ସିଡିଏମଓ ମକରନ୍ଦ ବେଉରା କୁହନ୍ତି ବାଉଁଶ କାମ ଶେଷ ହୋଇ ଯାଇଥିବାରୁ ଏହାକୁ ତୁରନ୍ତ ହଟାଇବାକୁ କୁହାଯାଇଛି । ହେଲେ ଜିଇଡି ଓ ଆନୁସଙ୍ଗିକ ବିଭାଗ ବାଉଁଶ ହଟାଉ ନାହାନ୍ତି। ଏଣୁ ରୋଗୀ ହଇରାଣ ହେଉଥିଲେ ମଧ୍ୟ କିଛି କରି ହେଉ ନାହିଁ ବୋଲି କହିଛନ୍ତି ।
