ବଲାଙ୍ଗୀର,୧୪।୪( ସୁନିଲ କୁମାର ମହାନ୍ତି): ଆଜି ପବିତ୍ର ମହାବିଷୁବ ସଂକ୍ରାନ୍ତି ତଥା ହନୁମାନ ଜୟନ୍ତୀ । ଏହି ଅବସରରେ ବିଭିନ୍ନ ମନ୍ଦିରରେ ହନୁମାନ ଜୟନ୍ତୀ ପାଳନ କରାଯାଉଅଛି । ବଲାଙ୍ଗୀର ମେନ ମାର୍କେଟ ଥିବା ହନୁମାନ ଘାଟ ପୂଜା ମଣ୍ଡପ ତରଫରୁ ଶ୍ରୀ ଶ୍ରୀ ରାମ ଚନ୍ଦ୍ର ଭଗବାନଙ୍କ ଭକ୍ତ ଜୟଶ୍ରୀ ହନୁମାନଙ୍କ ଜନ୍ମ୍ମୋସ୍ରବ ସନାତନୀ ପରମ୍ପରା ଅନୁଯାୟୀ ବିଶ୍ବ କଲ୍ୟାଣ ପୂଜା ଅନୁଷ୍ଠିତ ହୋଇଥିଲା । ଏହି ଉତ୍ସବରେ କମିଟିର ସଭାପତି ବାଦଲ ମହାକୁରଙ୍କ ଉଦ୍ୟମରେ ହନୁମାନ ପୂଜା ମଣ୍ଡପ ଠାରେ ଧୂମଧାମରେ ହନୁମାନ ଜୟନ୍ତୀ ପାଳନ କରାଯାଇଥିଲା। ମହସ୍ନାନ,ହୋମଯଜ୍ଞ, ହନୁମାନ ଚାଳିଶା ଓ ଭଜନ କରାଯାଇଥିଲା ପରେ ପୂର୍ଣ୍ଣାହୁତି ଦିଆଯାଇଥିଲା। ହନୁମାନ ଶ୍ରଦ୍ଧାଳୁଙ୍କୁ ବେଲପଣା ବଣ୍ଟନ ,ପ୍ରସାଦ ବଣ୍ଟନ କରାଯାଇଥିଲା । ପୂଜାରେ ଚନ୍ଦନ କୁମାର ଦାସ କର୍ତ୍ତା ହୋଇଥଲେ । ସହରର ବରିଷ୍ଠ ନାଗରିକ ଭକ୍ତଗଣ ସର୍ବଶ୍ରୀ ରମେଶ ପୁରୋହିତ, ଶିବଶଙ୍କର ଖୁଆସ, ସିଦ୍ଧେଶ୍ୱର ପାଣିଗ୍ରାହି, ପୁଜକ ରାୟ ପୂଝାରୀ , ଓଁକାର ଦାଶ, ରାଜୁ ବଗର୍ତ୍ତି, ସଂଗ୍ରାମ ବାଗ ଦୁରିଆ, ପଦ୍ମ ଲୋଚନ ମେହେର ଓ ଅନ୍ୟ ମାନେ ଯୋଗ ଦେଇଥିଲେ । ଦର୍ଶନ କରିବା ପାଇଁ ଶ୍ରଦ୍ଧାଳୁଙ୍କ ଭିଡ଼ ଲାଗି ରହିଥିଲା ।