ନୂଆଦିଲ୍ଲୀ,୨୬।୧୧: ବିଶ୍ୱକପ ୨୦୧୯ ବିଶ୍ୱକପ ସେମିଫାଇନାଲ ମ୍ୟାଚରେ ନ୍ୟୁଜିଲାଣ୍ଡ ଖେଳାଳି ମାର୍ଟିନ ଗୁପ୍ତିଲଙ୍କ ଥ୍ରୋରେ ଏମଏସ ଧୋନୀଙ୍କ ରନ୍ଆଉଟ୍ ଭାରତୀୟ ପ୍ରଶଂସକଙ୍କ ହୃଦୟ ଭାଙ୍ଗି ଦେଇଥିଲା। ଏହି ମ୍ୟାଚରେ ଭାରତକୁ ନ୍ୟୁଜିଲାଣ୍ଡକୁ ୧୮ ରନରେ ହରାଇବା ପରେ ଘରକୁ ଫେରିବାକୁ ପଡିଲା। ଯଦି ଗୁପ୍ତିଲଙ୍କ ଥ୍ରୋ ଟିକେ ବିଚ୍ୟୁତ ହୋଇଥାନ୍ତା, ଧୋନୀ ଟିମ ଇଣ୍ଡିଆକୁ ଫାଇନାଲକୁ ନେଇ ପାରିଥାନ୍ତେ। ତେବେ ଏହି ଘଟଣାର ଚାରି ବର୍ଷରୁ ଅଧିକ ସମୟ ଅତିବାହିତ ହୋଇଛି କିନ୍ତୁ ବୋଧହୁଏ ଏହି ସ୍ମୃତି କିଛି ଭାରତୀୟ ପ୍ରଶଂସକଙ୍କ ହୃଦୟରେ ସତେଜ ଅଛି। ଏବେ ବି ଏହି ଥ୍ରୋ ପାଇଁ ମାର୍ଟିନ ଗୁପ୍ତିଲଙ୍କୁ ଭାରତୀୟ ଖରାପ ମେସେଜ୍ ପଠାଉଛନ୍ତି। ଗୁପ୍ତିଲ ନିଜେ ଏହା ପ୍ରକାଶ କରିଛନ୍ତି।
ଏକ ସାକ୍ଷାତକାରରେ ମାର୍ଟିନ ଗୁପ୍ତିଲ ବିଶ୍ୱକପ ୨୦୧୯ କଥା ମନେ ପକାଇଛନ୍ତି। ସେ କହିଛନ୍ତି,ମୋର ମନେ ଅଛି, ପ୍ରଥମେ ମୁଁ ଦେଖିଲି ବଲ ଉପରକୁ ଯାଉଛି ଏବଂ ତା’ପରେ ମୁଁ ଭାବିଲି, ଏହା ମୋ ଆଡକୁ ଆସୁଛି। ମୁଁ ଦ୍ରୁତ ଗତିରେ ଦୌଡିଲି। ମୁଁ ଜାଣିଥିଲି ଷ୍ଟମ୍ପ ଉପରେ ଫିଙ୍ଗିବାର କୌଣସି ସୁଯୋଗ ରହିବ ନାହିଁ କିନ୍ତୁ ମୁଁ ଚେଷ୍ଟା କଲି। ମୁଁ ସୌଭାଗ୍ୟବାନ ଯେ ଏହା ଏକ ସଠିକ୍ ଥ୍ରୋ ହୋଇଗଲା। ଏହା ପରେ ଗୁପ୍ତିଲ କହିଛନ୍ତି, ଆଜି ବି ସମଗ୍ର ଭାରତୀୟ ମୋତେ ପସନ୍ଦ କରନ୍ତି ନାହିଁ। ମୁଁ ସେବେଠାରୁ ଅନେକ ଖରାପ ମେସଜ୍ ପାଇବାରେ ଲାଗିଛି।
