ଛୋଟ ପିଲାମାନଙ୍କର କେଶ କାଟିବା ସେଲୁନବାଲାଙ୍କ ପାଇଁ ଏକ ଚ୍ୟାଲେଞ୍ଜିଂ କାର୍ଯ୍ୟ ହୋଇଥାଏ। ଏହାର କାରଣ ହେଉଛି ପିଲାମାନେ ପ୍ରାୟତଃ ମୁଣ୍ଡ ଏପଟ ସେପଟ କରନ୍ତି। ଫଳରେ କଇଁଚିରେ କଟିଯିବାର ଭୟ ରହିଥାଏ। ଆଉ ବେଳେବେଳେ ପିଲାମାନଙ୍କୁ କେଶ କାଟିବା ସମୟରେ କୁତୁକୁତୁ ବି ଲାଗିଥାଏ। ଫଳରେ ସେମାନେ ହସିହସି ଗଡ଼ନ୍ତି। ଏବେ ସେମିତି ଏକ ଭିଡିଓ ଭାଇରାଲ ହେଉଛି। ଯେଉଁଥିରେ ପିଲାଟି କେଶ କାଟିବା ସମୟରେ ଏତେ ହସୁଛି ଯେ, ତା’ର ହସ ଦେଖିଲେ ଆପଣ ବି ହସିିହସି ଗଡ଼ିବେ।
My heart can’t take this😭❤️
(Via: @ trimologyofficial ) pic.twitter.com/sBgh7qm5Ko
— Sadie 🖼️ 🕊 (@Sadie2901) February 23, 2024
@ Sadie2901 ନାମକ ଏକ ‘ଏକ୍ସ’ ପେଜ୍ରେ ଭିଡିଓଟି ପୋଷ୍ଟ କରାଯାଇଛି, ଯେଉଁଥିରେ ଜଣେ ପିଲା ଏକ ସେଲୁନରେ ବସି କେଶ କାଟିବାରେ ଲାଗିଛି। ସେ ବହୁତ ହସୁଛି, ଯେଉଁ କାରଣରୁ ବାରିକ ଜଣକ ମଧ୍ୟ ହସୁଛନ୍ତି। ଶିଶୁର ହସ ଏବଂ ସ୍ବର ଏତେ ସୁନ୍ଦର ଦେଖାଯାଉଛି ଯେ, ଆପଣ ମଧ୍ୟ ଏହି ଭିଡିଓ ଦେଖିବା ପରେ ନିଜ ହସ ଅଟକାଇ ପାରିବେ ନାହିଁ।
ଏହି ଭିଡିଓକୁ ବର୍ତ୍ତମାନ ସୁଦ୍ଧା ୧୭ ହଜାରରୁ ଅଧିକ ଲୋକ ଦେଖିସାରିଲେଣି। କିଛି ଲୋକ ମନ୍ତବ୍ୟ ଜରିଆରେ ନିଜର ମତାମତ ଦେଇଛନ୍ତି। ଜଣେ କହିଛନ୍ତି, ଏତେ ହସ ଦେଖିବା ପରେ ପିଲାଟି କାହିଁକି ହସୁଛି, ତାହା ଜାଣିବା ଭଳି ଲାଗିଲା। ଜଣେ କହିଛନ୍ତି, ପିଲାଟି ଖୁବ୍ ସୁନ୍ଦର, ଆଉ ତାଙ୍କ ହସ ମଧ୍ୟ ତା’ଠୁ ଅଧିକ ସୁନ୍ଦର।
