ଇସଲାମାବାଦ,୪।୧୦:ପାକିସ୍ତାନ ଅଧିନାୟକ ବାବର ଆଜମଙ୍କ ଜବରଦସ୍ତ ଫର୍ମ ଜାରି ରହିଛି। ରବିବାର ସେ ଏକ ବିଶ୍ୱ ରେକର୍ଡ ସୃଷ୍ଟି କରିଥିଲେ। ସେ ଟି -୨୦ରେ ୭୦୦୦ ରନ ସ୍କୋର କରିବାରେ ଦ୍ରୁତତମ ବ୍ୟାଟ୍ସମ୍ୟାନ ହୋଇଛନ୍ତି। ଜାତୀୟ ଟି -୨୦ କପ୍ର ଏକ ମ୍ୟାଚରେ ବାବର ଅପରାଜିତ ୫୯ ସ୍କୋର କରି ତାଙ୍କ ନାମରେ ଏହି ରେକର୍ଡ ସୃଷ୍ଟି କରିଥିଲେ। ୨୬ ବର୍ଷୀୟ ବାବର ତାଙ୍କଠାରୁ ୧୬ ବର୍ଷ ବଡ କ୍ରିସ ଗେଲ ଏବଂ ଭାରତୀୟ ଅଧିନାୟକ ବିରାଟ କୋହଲିଙ୍କୁ ପଛରେ ପକାଇଛନ୍ତି। ଟି -୨୦ ବିଶ୍ୱକପ ପୂର୍ବରୁ ବାବର ଆଜମ ଜବରଦସ୍ତ ଫର୍ମରେ ଅଛନ୍ତି। ଜାତୀୟ ଟି -୨୦ କପରେ ସେଣ୍ଟ୍ରାଲ ପଞ୍ଜାବ ପାଇଁ ଖେଳୁଥିବାବେଳେ ବାବର ଆଜମ ୪୯ ବଲରୁ ଅପରାଜିତ ୫୯ ରନ କରିଥିଲେ। ବାବର ୧୮୭ ଇନିଂସରେ ୭ ହଜାର ରନ ଛୁଇଁଛନ୍ତି॥ ଏହାପୂର୍ବରୁ ଏହି ବିଶ୍ୱ ରେକର୍ଡ କ୍ରିସ ଗେଲଙ୍କ ନାମରେ ଥିଲା। ସେ ସବୁଠାରୁ କମ ୧୯୨ ଇନିଂସରେ ଏହା କରିଥିଲେ। ଏଥି ସହିତ ବିରାଟ କୋହଲି ୨୧୨ଇନିଂସ ସହ ତୃତୀୟ ସ୍ଥାନରେ ଅଛନ୍ତି।
