ଭୁବନେଶ୍ୱର,୬।୫: ବଜାଜ୍ ଆଲିଆଞ୍ଜ୍ ଜେନେରାଲ ଇନ୍ସ୍ୟୁରାନ୍ସ (ବିଏଜିଆଇ ବା ବାଗୀ)ର ନୂତନ ଉତ୍ପାଦ ‘ପ୍ରିଭେ’ର ଅନାବରଣ ନିକଟରେ ହୋଇଯାଇଛି। ଏପରିକି କମ୍ପାନୀ ଏକ ବର୍ଦ୍ଧିତ ଏବଂ ଅତୁଳନୀୟ ଗ୍ରାହକ ସେବାପ୍ରାପ୍ତ କରିବାର ସୁବିଧା ପ୍ରଦାନ କରୁଛି। ପାରମ୍ପରିକ ଭାବେ ଭାରତରେ ବୀମା ଶିଳ୍ପର ଚାହିଦା ରହିଛି। କିଛି ବର୍ଷ ମଧ୍ୟରେ ବୀମାର ବ୍ୟବହାରକୁ ବଢ଼ାଇବା ପାଇଁ ପ୍ରୟାସ କରାଯାଉଛି। ମୁଖ୍ୟତଃ ଟାୟାର-୨ ଓ ଟାୟାର-୩ ଅଞ୍ଚଳ ସହ ଗାଁଗହଳିରେ ଥିବା ଗ୍ରାହକମାନଙ୍କ ସଂଖ୍ୟା ବୃଦ୍ଧି ଉପରେ ମଧ୍ୟ ବିଶେଷ ଧ୍ୟାନ ଦିଆଯାଇଛି।
ଏଥିମଧ୍ୟରେ ମୁଖ୍ୟତଃ ମଧ୍ୟମ ବର୍ଗ, ଉଚ୍ଚ ମଧ୍ୟମ ବର୍ଗ ଓ ଗ୍ରାମାଞ୍ଚଳ କ୍ଷେତ୍ରରେ ରହୁଥିବା ଗ୍ରାହକମାନେ ଅନ୍ତର୍ଭୁକ୍ତ ରହିଥିଲାବେଳେ ଉପରୋକ୍ତ ସମସ୍ତ ଗ୍ରାହକ ବର୍ଗରେ ବୀମାର ବ୍ୟବହାର ବୃଦ୍ଧି ଉପରେ ମୁଖ୍ୟତଃ ଧ୍ୟାନଦେବା ସହ ବାଗୀ ବର୍ତ୍ତମାନ ଗ୍ରାହକମାନଙ୍କର ବିଶେଷ ବର୍ଗକୁ ମଧ୍ୟ ସେବା ପ୍ରଦାନ କରିବ; ଯେଉଁଥିରେ ସାଧାରଣତଃ ବର୍ଦ୍ଧିତ କଭରେଜ୍ ସୀମା ସହ ଇନ୍ସ୍ୟୁରାନ୍ସଜନିତ ସମାଧାନ ମଧ୍ୟ ଆବଶ୍ୟକ ହୋଇଥାଏ।
ଏପରି ବିବେକଶୀଳ ଗ୍ରାହକମାନଙ୍କର ଆର୍ଥତ୍କ ଓ ଜୀବନଶୈଳୀର ପସନ୍ଦ ସହ ସଂଯୁକ୍ତ ଥିବା ବହୁମୁଖୀ ଆବଶ୍ୟକତା ଓ ବ୍ୟାପକ ସୁରକ୍ଷାକୁ ଚିହ୍ନଟକରି ପ୍ରିଭେ ପାରମ୍ପରିକ ଇନ୍ସ୍ୟୁରାନ୍ସଠାରୁ ବହୁତ ଅଧିକ ସୁବିଧା ପ୍ରଦାନ କରିଥାଏ। ଏ ସମ୍ପର୍କରେ ବାଗୀର ଏମ୍ଡି ତଥା ସିଇଓ ତପନ ସିଂଘେଲ କହିଛନ୍ତି, ଆମର ମୂଳ ଉଦ୍ଦେଶ୍ୟ ହେଉଛି, ସାରା ଦେଶରେ ପ୍ରତ୍ୟେକ ବ୍ୟକ୍ତିଙ୍କର ବିଭିନ୍ନ ଆବଶ୍ୟକତା ପୂରଣ କରୁଥିବା ଅଗ୍ରଣୀ ବୀମା ସେବା (ଇନ୍ସ୍ୟୁରାନ୍ସ ସଲ୍ୟୁସନ) ପାଇଁ ସମର୍ପିତ ଭାବେ କାର୍ଯ୍ୟ କରିବା। ଏପରିକି ପ୍ରିଭେ ଜରିଆରେ ଆମେ ନିରନ୍ତର ଭାବେ ଅଭିନବତା ଆଣୁଛୁ ଓ ବିବେକଶୀଳ ବ୍ୟକ୍ତିମାନଙ୍କର ବିଶିଷ୍ଟ ଆବଶ୍ୟକତାକୁ ସମାଧାନ କରିବା ପାଇଁ ପ୍ରତିଶ୍ରୁତିବଦ୍ଧ ରହିଛୁ। ସେହିଭଳି ଆମେ ଜାଣୁ ଯେ ସେମାନଙ୍କର ଅତ୍ୟାଧୁନିକ ଆସେଟ୍ ପୋର୍ଟଫୋଲିଓ,ଆସ୍ୟୁଟ୍ ଫାଇନାନ୍ସିଆଲ ପ୍ଲାନିଂ ଏବଂ ବିଶିଷ୍ଟ ଲାଇଫଷ୍ଟାଇଲ୍ ପାରମ୍ପରିକ ମାନଦଣ୍ଡରୁ ଆଗରେ ଥିବା ଇନ୍ସ୍ୟୁରାନ୍ସ ଅଫରିଂ ଆବଶ୍ୟକ କରିଥାଏ ା
