ସିଡନୀ,୧୦।୧୧: କରୋନା ଯୋଗୁ କ୍ରିକେଟ ପ୍ରଶଂସକମାନେ ଦୀର୍ଘ ଦିନ ହେବ ଟିଭିରେ ମ୍ୟାଚ୍ ଉପଭୋଗ କରୁଛନ୍ତି। ତେବେ କରୋନା ଅବଧି ପରେ ପ୍ରଥମ ଥର ପାଇଁ ପ୍ରଶଂସକଙ୍କ ପାଇଁ ଷ୍ଟାଡିୟମର ଦ୍ୱାର ଖୋଲିବାକୁ ଅଷ୍ଟ୍ରେଲିଆ କ୍ରିକେଟ ବୋର୍ଡ ପ୍ରସ୍ତୁତ ହେଉଛି। ଆଇପିଏଲ୍ ପରେ ଭାରତୀୟ ଦଳ ଅଷ୍ଟ୍ରେଲିଆ ଗସ୍ତରେ ଯିବ। ମଙ୍ଗଳବାର କ୍ରିକେଟ ଅଷ୍ଟ୍ରେଲିଆ ଘୋଷଣା କରିଛି ଯେ ଆଡିଲେଡ ଓଭାଲରେ ଦିନରାତି ଟେଷ୍ଟ ମ୍ୟାଚ ସମୟରେ ଷ୍ଟାଡିୟମର ୫୦ପ୍ରତିଶତ ପ୍ରଶଂସକଙ୍କୁ ମ୍ୟାଚ୍ ଉପଭୋଗ କରିପାରିବାର ସୁଯୋଗ ମିଳିବ। ଏହି ମ୍ୟାଚ ଡିସେମ୍ବର ୧୭ରୁ ଖେଳାଯିବ। ଅଷ୍ଟ୍ରେଲିଆ କ୍ରିକେଟ୍ ବୋର୍ଡ ପକ୍ଷରୁ କୁହାଯାିଛି ଯେ, ଏମ୍ସିଜିରେ ଟି -୨୦ ଏବଂ ପିଙ୍କ୍ ଟେଷ୍ଟ ଖେଳାଯିବ। ପିଙ୍କ୍ ଟେଷ୍ଟ ମ୍ୟାଚ ସମୟରେ ୫୦ ପ୍ରତିଶତ ପ୍ରଶଂସକଙ୍କୁ ଷ୍ଟାଡିୟମ ଆସିବାକୁ ଅନୁମତି ଦିଆଯିବ। ଏଥି ସହିତ, ଏହା ମଧ୍ୟ ସ୍ପଷ୍ଟ କରାଯାଇଛି ଯେ ଡିସେମ୍ବର୨୬ରୁ ବକ୍ସିଂ ଟେଷ୍ଟ ମ୍ୟାଚରେ ୨୫ ପ୍ରତିଶତ ଦର୍ଶକ ଏବଂ ବ୍ରିସବେନ ଟେଷ୍ଟରେ ୭୫ ପ୍ରତିଶତ ଦର୍ଶକ ଷ୍ଟାଡିୟମକୁ ଆସିପାରିବେ। ଭାରତୀୟ କ୍ରିକେଟ ଦଳ ଅଷ୍ଟ୍ରେଲିଆ ଗସ୍ତରେ ୩ଟି ଦିନିକିଆ ଏବଂ ୪ଟି ଟେଷ୍ଟ ମ୍ୟାଚ ଖେଳିବାକୁ ପଡିବ। ଏହି ସିରିଜ ନଭେମ୍ବର ୨୭ରୁ ଆରମ୍ଭ ହେବ।
