ବେଙ୍ଗାଲୁରୁ,୩୦।୧: କର୍ନାଟକରେ ଏକ ସଙ୍ଗୀତ କନସର୍ଟ ସମୟରେ ହିନ୍ଦୀ ସିନେମାର ଜଣାଶୁଣା ଗାୟକ କୈଳାଶ ଖେରଙ୍କ ଉପରକୁ ଆକ୍ରମଣ କରାଯାଇଛି। ପୋଲିସ ଅଭିଯୁକ୍ତଙ୍କୁ ଗିରଫ କରିଛି। ଜାନୁଆରୀ ୨୯ରେ କୈଳାଶ କର୍ନାଟକରେ ଏକ ସଙ୍ଗୀତ କନସର୍ଟ ପାଇଁ ଉପସ୍ଥିତ ଥିଲେ। ଏହି ସମୟରେ ଭିଡ଼ରେ ଉପସ୍ଥିତ ଜଣେ ବ୍ୟକ୍ତି କୈଳାଶଙ୍କ ଉପରେ ବୋତଲ ଫିଙ୍ଗି ଆକ୍ରମଣ କରିଥିଲେ। ଏହି ଘଟଣା ଦେଖି ଘଟଣାସ୍ଥଳରେ ଉପସ୍ଥିତ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରି ଆକ୍ରମଣକାରୀଙ୍କୁ ଚିହ୍ନଟ କରି ଗିରଫ କରିଥିଲା। ତେବେ ଏହି ଆକ୍ରମଣରେ କେତେ କୈଳାଶ ଆହତ ହୋଇଛନ୍ତି ସେନେଇ ସୂଚନା ଏପର୍ଯ୍ୟନ୍ତ ସାମ୍ନାକୁ ଆସିନାହିଁ।
ଜାନୁଆରୀ ୨୭ ରୁ ୩ ପର୍ଯ୍ୟନ୍ତ କର୍ନାଟକରେ ଚାଲିଥିବା ହାମ୍ପି ମହୋତ୍ସବ ସମୟରେ ସିନେମା ଜଗତର ଅନେକ କଳାକାର ଏହି ଉତ୍ସବର ଏକ ଅଂଶ ହେବାକୁ ଯାଉଛନ୍ତି।
