ଆମେରିକାର ୧୧ ରାଜ୍ୟରେ ବଢୁଛି ଶ୍ୱାସରୋଗ

ଓ୍ବାଶିଂଟନ,୩।୧୨: ଚାଇନାରେ ରହସ୍ୟମୟ ନିମୋନିଆ ସଂକ୍ରମଣ ବ୍ୟାପିଚାଲିଥିବାବେଳେ ଏବେ ଆମେରିକାର ୧୧ଟି ରାଜ୍ୟରେ ଶ୍ୱାସକ୍ରୟାଜନିତ ରୋଗ ବଢ଼ୁଥିବାରୁ ଆତଙ୍କ ସୃଷ୍ଟି ହୋଇଛି। ସଂଗୃହୀତ ତଥ୍ୟ ଅନୁଯାୟୀ ଚଳିତ ବର୍ଷ ବହୁ ଅଧିକ ଲୋକ ଶ୍ୱାସଜନିତ ରୋଗରେ ଆକ୍ରାନ୍ତ ହୋଇପାରନ୍ତି ବୋଲି ସିଡିସି (ସେଣ୍ଟର ଫର୍‌ ଡିଜିଜ୍‌ କଣ୍ଟ୍ରୋଲ ଆଣ୍ଡ ପ୍ରିଭେନ୍‌ଶନ) ବିଶେଷଜ୍ଞମାନେ ପୂର୍ବାନୁମାନ କରିଛନ୍ତି। ଚଳିତ ଥର ଫ୍ଲୁ ଅଧିକ ଗମ୍ଭୀର ହୋଇପାରେ ବୋଲି ସେମାନେ ଆଶଙ୍କା ବ୍ୟକ୍ତ କରିଛନ୍ତି। ବିଶେଷକରି ଆମେରିକାର ଦକ୍ଷିଣ କେନ୍ଦ୍ରୀୟ, ଦକ୍ଷିଣପୂର୍ବ, ପାର୍ବତ୍ୟାଞ୍ଚଳ ଏବଂ ପଶ୍ଚିମ ଉପକୂଳ ଅଞ୍ଚଳରେ ଋତୁକାଳୀନ ଇନ୍‌ଫ୍ଲୁଏଞ୍ଜା କ୍ରମାଗତ ଭାବେ ବଢ଼ିଚାଲିଛି। ଲୁଇଜିଆନା ଏବଂ ସାଉଥ୍‌ କାରୋଲିନାରେ ଏହି ସଂଖ୍ୟା ଯଥେଷ୍ଟ ଅଧିକ ଏବଂ ଅତ୍ୟଧିକ ଗମ୍ଭୀର ସ୍ଥିତି ସୃଷ୍ଟି କରିଥିବା ରିପୋର୍ଟରେ କୁହାଯାଇଛି। ଏହା ବ୍ୟତୀତ ଆଲବାମା, କାଲିଫର୍ନିଆ, କଲରାଡୋ, ଫ୍ଲୋରିଡା, ଜର୍ଜିଆ, ମିସିସିପି, ନ୍ୟୁ ମେକ୍ସିକୋ, ପୁଏର୍ଟୋ ରିକୋ, ଟେନେସି, ଟେକ୍ସାସ୍‌ ଏବଂ ନ୍ୟୁୟର୍କ ସିଟିରେ ଶ୍ୱାସଜନିତ ରୋଗ ସଂକ୍ରମଣ ଅଧିକ ରହିଛି। ଜ୍ୱର, କାଶ ଓ ଗଳା ଦରଜ ଆଦି ଅଭିଯୋଗ ନେଇ ବହୁସଂଖ୍ୟାରେ ରୋଗୀ ପ୍ରତିଦିନ ହସ୍ପିଟାଲ ଆସୁଛନ୍ତି, ଯାହାକି ଫ୍ଲୁ’ର ଲକ୍ଷଣ। ଚଳିତ ସପ୍ତାହର ଫ୍ଲୁ’ ଭିଉ ରିପୋର୍ଟ ଅନୁଯାୟୀ ପରୀକ୍ଷା କରାଯାଇଥିବା ନମୁନା ମଧ୍ୟରୁ ୬%ରେ ଫ୍ଲୁ ପଜିଟିଭ୍‌ ରିପୋର୍ଟ ଆସିଛି। ଏହି ଫ୍ଲୁ କୋଭିଡ୍‌, ଆର୍‌ଏସ୍‌ଭି ଭଳି ଅନ୍ୟାନ୍ୟ ଶ୍ୱାସଜନିତ ରୋଗରେ ବଦଳିପାରେ ବୋଲି ଆଶଙ୍କା କରାଯାଉଛି।
ବଢ଼ୁଥିବାରୁ ତୁରନ୍ତ ଆମେରିକା ଏବଂ ଚାଇନା ମଧ୍ୟରେ ଯାତାୟାତ କଟକଣା ଲଗାଇବାକୁ ମାର୍କୋ ରୁବିଓଙ୍କ ନେତୃତ୍ୱରେ ଅନେକ ରିପବ୍ଲିକାନ୍‌ ସିନେଟର ରାଷ୍ଟ୍ରପତି ଜୋ ବାଇଡେନ୍‌ଙ୍କୁ ପତ୍ର ଲେଖିଛନ୍ତି। ଚାଇନାରେ ପିଲାମାନଙ୍କ ମଧ୍ୟରେ ଶ୍ୱାସକ୍ରିୟାଜନିତ ରୋଗ ଏବଂ ନିମୋନିଆ ବଢ଼ିଚାଲିଥିବାରୁ ବିଶ୍ୱ ସ୍ବାସ୍ଥ୍ୟ ସଂଗଠନ (ଡବ୍ଲ୍ୟୁଏଚ୍‌ଓ ) ଉଦ୍‌ବେଗ ପ୍ରକାଶ କରିବା ସହ ଏହା ଉପରେ ବେଜିଂ ସବିଶେଷ ତଥ୍ୟ ଦେବା ପାଇଁ ଅନୁରୋଧ କରିଛି। ଚାଇନାରେ ଅଜଣା ଶ୍ୱାସରୋଗ ବଢ଼ୁଥିବାବେଳେ ଏହି ଦେଶ ରୋଗକୁ ଲୁଚାଇ ରଖିବାର ଇତିହାସ ରହିଛି। କୋଭିଡ୍‌ ସମୟରେ ବେଜିଂ ତଥ୍ୟ ଲୁଚାଇଥିଲା। ତେଣୁ ଏହି ଦେଶ ସହ ଗମନାଗମନ ସମ୍ପୂର୍ଣ୍ଣ ବନ୍ଦ କରାଯିବା ଜରୁରୀ ବୋଲି ସିନେଟର ରୁବିଓ, ଜେ.ଡି. ଭାନ୍ସ, ରିକ୍‌ ସ୍କଟ୍‌, ଟମି ଟୁବେର୍‌ଭିଲେ ଏବଂ ମାଇକ୍‌ ବ୍ରାଉନ୍‌ ପତ୍ରରେ ଲେଖିଛନ୍ତି। ଚାଇନା ରିପୋର୍ଟ ଆଧାରରେ ଡବ୍ଲ୍ୟୁଏଚ୍‌ଓର କାର୍ଯ୍ୟାନୁଷ୍ଠାନକୁ ଅପେକ୍ଷା ନ କରି ଆମେରିକୀୟମାନଙ୍କ ସ୍ବାସ୍ଥ୍ୟ ଏବଂ ଅର୍ଥନୀତିର ସୁରକ୍ଷା ପାଇଁ ଆମକୁ ଜରୁରୀ ପଦକ୍ଷେପ ନେବାକୁ ହେବ ବୋଲି ସେମାନେ କହିଛନ୍ତି। ଏବେଠାରୁ ଟ୍ରାଭେଲ୍‌ ବ୍ୟାନ୍‌ କରାଗଲେ ଆମ ଦେଶକୁ ମୃତ୍ୟୁ, ଲକ୍‌ଡାଉନ୍‌ ଆଦି ସଙ୍କଟରୁ ରକ୍ଷା କରାଯାଇପାରିବ ବୋଲି ଚିଠିରେ ଉଲ୍ଲେଖ କରାଯାଇଛି।
ଅନ୍ୟପକ୍ଷରେ ଶ୍ୱାସରୋଗ ସଂକ୍ରମଣ ବୃଦ୍ଧିଜନିତ ଉଦ୍‌ବେଗକୁ ହ୍ରାସ କରିବାକୁ ଯାଇ ଚାଇନା ବହିର୍ବ୍ୟାପାର ମନ୍ତ୍ରୀ ଓ୍ବାଙ୍ଗ୍‌ ଓ୍ବି କହିଛନ୍ତି, ଏହା ଏକ ପ୍ରଚଳିତ ବିଶ୍ୱ ପ୍ରସଙ୍ଗ। ସ୍ଥିତିକୁ ପ୍ରଭାବଶାଳୀ ଢଙ୍ଗରେ ନିୟନ୍ତ୍ରଣ କରିବା ଲାଗି ଚାଇନା କର୍ତ୍ତୃପକ୍ଷ ଉଦ୍ୟମ ଚଳାଇଥିବା ସେ କହିଛନ୍ତି। ଚାଇନାର କେତେକ ଅଞ୍ଚଳରେ ଶିଶୁମାନଙ୍କ ମଧ୍ୟରେ ଗୋଷ୍ଠୀ ଫ୍ଲୁ ସଂକ୍ରମଣ ଦେଖାଯାଇଛି। ବିଭିନ୍ନ ଦେଶରେ ଏଭଳି ସମସ୍ୟା ରହିଥିବା ଓ୍ବାଙ୍ଗ୍‌ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

କୋଟିଏ ଟଙ୍କାର ଚାକିରି ଛାଡି ଆବୁଧାବି ମନ୍ଦିରରେ ସେବା ଆରମ୍ଭ କଲେ ଏହି ଭାରତୀୟ ବ୍ୟାଙ୍କର, ପ୍ରଧାନମନ୍ତ୍ରୀ ମୋଦି କରିଥିଲେ ଉଦ୍‌ଘାଟନ

ଆବୁଧାବି,୨୭।୨: ୟୁଏଇର ଆବୁଧାବିରେ ନିର୍ମିତ ଭବ୍ୟ ମନ୍ଦିରରେ ବିଶାଳ ପଟେଲ ମଧ୍ୟ ସହଯୋଗ କରୁଛନ୍ତି। ଦୁବାଇରେ ଏକ ନିବେଶ ବ୍ୟାଙ୍କର ଭାବରେ ଉଚ୍ଚ ବେତନ ଅର୍ଜନ...

ଆଉ ୭ ଦିନ ମଧ୍ୟରେ ବନ୍ଦ ହୋଇଯିବ ଯୁଦ୍ଧ: ଆଶା ପ୍ରକଟ କଲେ ବାଇଡେନ

ଓ୍ବାଶିଂଟନ,୨୭।୨: ପାଞ୍ଚ ମାସରୁ ଅଧିକ ସମୟ ଧରି ଇସ୍ରାଏଲ ଏବଂ ହମାସ ମଧ୍ୟରେ ଯୁଦ୍ଧ ଚାଲିଛି। ଅକ୍ଟୋବର ୭, ୨୦୨୩ରେ, ହମାସ ଆତଙ୍କବାଦୀମାନେ ଇସ୍ରାଏଲ ଉପରେ...

ଭାରତୀୟଙ୍କୁ ବିଦା କଲା ରୁଷିଆ ସେନା

ନୂଆଦିଲ୍ଲୀ,୨୭।୨:ରୁଷିଆ ସେନାରେ ଅନେକ ଭାରତୀୟ ଯୁବକ ସୁରକ୍ଷା ସହାୟକ ଭାବେ କାର୍ଯ୍ୟ କରୁଥିଲେ। ଭଲ ଦରମାରେ ଚାକିରି କରିବା ଲାଗି ପ୍ରଲୋଭିତ ହୋଇ ରୁଷିଆ ଯାଇ...

ଶଟ୍‌ଡାଉନ୍‌କୁ ନେଇ ଆମେରିକା କଂଗ୍ରେସରେ ଝଡ଼

ଓ୍ବାଶିଂଟନ,୨୭।୨: ନିର୍ବାଚନୀ ବର୍ଷରେ ଆମେରିକା ସରକାର ଆଉ ୫ ଦିନ ପରେ ଆଂଶିକ ଶଟ୍‌ଡାଉନ୍‌ର ସମ୍ମୁଖୀନ ହେବାକୁ ଯାଉଛନ୍ତି। ଏଥିରୁ ବର୍ତ୍ତିବା ଲାଗି ଆଇନ ପ୍ରଣେତାମାନେ...

ପାଲେଷ୍ଟିନୀୟ ପ୍ରଧାନମନ୍ତ୍ରୀଙ୍କ ଇସ୍ତଫା

ଜେରୁଜେଲମ୍‌,୨୭।୨: ପାଲେଷ୍ଟିନୀୟ ପ୍ରଧାନମନ୍ତ୍ରୀ ମହମ୍ମଦ ଶତାୟେହଙ୍କ ସରକାର ସୋମବାର ଇସ୍ତଫା ଦେଇଛନ୍ତି। ଫଳରେ ସେଠାରେ ଆମେରିକା ସମର୍ଥିତ ସଂସ୍କାର ପାଇଁ ବାଟ ଫିଟିପାରିବ ବୋଲି କୁହାଯାଉଛି।...

ସ୍କୁବା ଡାଇଭିଂରେ ଓଡ଼ିଶାର ବାପଝିଅଙ୍କ ସଫଳତା

ଦୁବାଇ,୨୬।୨: ଦୁବାଇରେ ରହୁଥିବା ଓଡ଼ିଶାର ବାପଝିଅ ସ୍କୁବା ଡାଇଭିଂରେ ଆଉ ଏକ ସଫଳତା ହାସଲ କରିଛନ୍ତି। ପ୍ରିୟଦର୍ଶୀ ପାଣିଗ୍ରାହୀ ଓ ତାଙ୍କର ୧୩ ବର୍ଷର ଝିଅ...

ଇତିହାସ ରଚିଲେ ମରିୟମ, ହେଲେ ପ୍ରଥମ ମହିଳା ମୁଖ୍ୟମନ୍ତ୍ରୀ

ଇସଲାମାବାଦ,୨୬।୨: ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ନୱାଜ ସରିଫଙ୍କ ଝିଅ ମରିୟମ ନୱାଜ ପାକିସ୍ତାନର ପଞ୍ଜାବ ପ୍ରଦେଶର ମୁଖ୍ୟମନ୍ତ୍ରୀ ଭାବରେ ନିର୍ବାଚିତ ହୋଇଛନ୍ତି। ଏହା ସହିତ ମରିୟମ...

ଆମେ ୩୧ ହଜାର ସୈନିକଙ୍କୁ ହରାଇଛୁ: ୨ ବର୍ଷର ଯୁଦ୍ଧକୁ ନେଇ ମୁହଁ ଖୋଲିଲେ ଜେଲେନସ୍କି

କିଭ୍‌,୨୬।୨: ରୁଷିଆ-ୟୁକ୍ରେନ ଯୁଦ୍ଧର ଦୁଇ ବର୍ଷ ବିତିଗଲାଣି । ଏହି ଦୁଇ ଦେଶ ମଧ୍ୟରେ ଯୁଦ୍ଧ ୨୪ ଫେବୃଆରୀ ୨୦୨୨ରେ ଆରମ୍ଭ ହୋଇଥିଲା, ଯାହା ଏବେବି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri