ଗୁଆହାଟି,୧୪ ।୮: ଆସାମର ଏକ ସ୍କୁଲରେ ଶୁକ୍ରବାର ବିଳମ୍ବିତ ରାତିରେ ହୋଇଥିବା ବିସ୍ଫୋରଣ ଫଳରେ ଆସାମ-ମିଜୋରାମ ସୀମାରେ ପୁଣିଥରେ ଉତ୍ତେଜନା ଦେଖାଦେଇଛି । ଆମାସ-ମିଜୋରାମ ସୀମାରେ କିଛିଦିନ ହେବ ଶାନ୍ତି ଫେରିଥିବା ବେଳେ ପୁଣିଥରେ ଏଭଳି ଘଟଣା ଉତ୍ତେଜନା ସୃଷ୍ଟି କରିଛି । କିଛି ନାଗରିକ ସଙ୍ଗଠନ ଦ୍ୱାରା ଏକ ସପ୍ତାହରୁ ଅଧିକ ସମୟ ଧରି ଅର୍ଥନୈତିକ ଅବରୋଧ ପରେ ଆସାମ ସୀମାରେ ଶାନ୍ତି ପୁନଃ ସ୍ଥାପିତ ହେବାର କିଛିଦିନ ପରେ ଏହି ଘଟଣା ଘଟିଛି । ସୂଚନାଯୋଗ୍ୟ, ଆସାମର ହୈଲାକାଣ୍ଡି ଜିଲା ଗୁଟଗୁଟି ଅଞ୍ଚଳରେ ଶୁକ୍ରବାର ରାତିରେ ପାକୁଆ ପୁଞ୍ଜି ଲୋୟର ପ୍ରାଇମେରୀ ସ୍କୁଲରେ ବିସ୍ଫୋରଣ ହୋଇଥିଲା । ଯାହା ଫଳରେ ସ୍କୁଲର କିଛି ଅଂଶ କ୍ଷତିଗ୍ରସ୍ତ ହୋଇଛି । ପୋଲିସର ସୂଚନା ଅନୁଯାୟୀ, ଏହା ସୀମାଠାରୁ ମାତ୍ର ୫୦୦ ମିଟର ଦୂରରେ ଅବସ୍ଥିତ ।
