କାବୁଲ, ୨୪ା୮: ସେପ୍ଟେମ୍ବର ୯ରୁ ୟୁଏଇରେ ଖେଳାଯିବାକୁଥିବା ଏସିଆ କପ୍ କ୍ରିକେଟ ଟୁର୍ନାମେଣ୍ଟ ଲାଗି ଘୋଷଣା କରାଯାଇଥିବା ଆଫଗାନିସ୍ତାନ ଦଳର ଅଧିନାୟକ ମନୋନୀତ ହୋଇଛନ୍ତି ରଶିଦ ଖାନ୍। ଦଳରେ ୫ଜଣ ସ୍ପିନର ସ୍ଥାନ ପାଇଛନ୍ତି। ଅଧିନାୟକ ରଶିଦଙ୍କ ବ୍ୟତୀତ ଅନ୍ୟ ସ୍ପିପରମାନେ ହେଲେ ନୁର ଅହମଦ, ମୁଜିବୁର ରହମନ, ଏଏମ୍ ଘଜନଫାର ଓ ଭେଟେରାନ ଅଲରାଉଣ୍ଡର ମହମ୍ମଦ ନବି। ଆଫଗାନିସ୍ତାନ ଗତବର୍ଷ ଟି୨୦ ବିଶ୍ୱକପ୍ ସେମିଫାଇନାଲରେ ପ୍ରବେଶ କରି ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା।
ଜିମ୍ବାଓ୍ବେ ବିପକ୍ଷରେ ଖେଳିଥିବା ଦଳର ଦୁଇ ଖେଳାଳି ହଜରତୁଲ୍ଲା ଜାଜାଇ ଓ ଜୁବେଦ ଆକବରୀଙ୍କୁ ଏସିଆ କପ୍ ଦଳରେ ସ୍ଥାନ ମିଳି ନାହିଁ। ଦଳରେ ଦୁଇ ଉଇକେଟକିପର ବ୍ୟାଟର ରହମାନୁଲ୍ଲା ଗୁର୍ବାଜ ଓ ମହମ୍ମଦ ଇଶାକ୍ଙ୍କୁ ନିଆଯାଇଛି। ପେସ୍ ଆଟାକ୍ରେ ନବୀନ ଉଲ୍ହକ୍, ଫଜଲହକ୍ ଫାରୁକି ଓ ଫରିଦ ମଲିକଙ୍କୁ ସାମିଲ କରାଯାଇଛି। ଆଫଗାନିସ୍ତାନ ଗ୍ରୁପ୍ ‘ବି’ରେ ଶ୍ରୀଲଙ୍କା, ହଂକଂ ଓ ବାଂଲାଦେଶ ସହିତ ସ୍ଥାନ ପାଇଥିବାବେଳେ ଗ୍ରୁପ୍ ‘ଏ’ରେ ଭାରତ, ଓମାନ, ପାକିସ୍ତାନ ଓ ୟୁଏଇ ରହିଛନ୍ତି। ରଶିଦଙ୍କ ନେତୃତ୍ୱାଧୀନ ଦଳ ସେପ୍ଟେମ୍ବର ୯ରେ ହଂକଂ ବିପକ୍ଷରେ ଖେଳି ଏହାର ଅଭିଯାନ ଆରମ୍ଭ କରିବ।
ଆଫଗାନିସ୍ତାନ କ୍ରିକେଟ ଦଳ: ରଶିଦ ଖାନ୍ (ଅଧିନାୟକ), ରହମାନୁଲ୍ଲା ଗୁର୍ବାଜ, ଇବ୍ରାହିମ୍ ଜାଦ୍ରାନ, ଡାରଓ୍ବିସ ରସୁଲି ସିଦ୍ଦିକୁଲ୍ଲା ଅଟଲ, ଅଜମାତୁଲ୍ଲା ଓମାରଜାଇ, କରିମ ଜନତ, ମହମ୍ମଦ ନବି, ଗୁଲବଦନ ନାଇବ, ଶାରାଫୁଦ୍ଦିନ ଅଶ୍ରଫ, ମହମ୍ମଦ ଇଶାକ, ନୁର୍ ଅହମ୍ମଦ, ମୁଜିବୁର ରହମନ, ଏଏମ୍ ଘଜନଫାର, ଫରିଦ ଅହମଦ ମଲିକ, ଫଜଲହକ୍ ଫାରୁକି, ନବୀନ ଉଲ୍ ହକ୍। ରିଜର୍ଭ ଖେଳାଳି: ଓ୍ବାଫିଉଲ୍ଲା ତାରାଖିଲ, ନାଙ୍ଗେୟାଲିଆ ଖାରୋଟ୍, ଅବଦୁଲ୍ଲା ଅହମଦଜାଇ।
