ବାରଙ୍ଗ,୩ା୮(ଡି.ଏନ୍.ଏ.): ଭୁବନେଶ୍ୱର ବ୍ଲକ ଅନ୍ତର୍ଗତ କଲ୍ୟାଣପୁର ପଞ୍ଚାୟତର ଢାଓ୍ବା ଗ୍ରାମର ୨ନଂ ଓାର୍ଡର ଜଣେ ଆଶାକର୍ମୀଙ୍କ ପରିବାରକୁ କରୋନା ସଂକ୍ରମିତ ହୋଇଛନ୍ତି। ସୋମବାର ସେମାନଙ୍କୁ ମେଣ୍ଢାଶାଳ ସ୍ବାସ୍ଥ୍ୟବିଭାଗ ତରଫରୁ କୋଭିଡ ହସ୍ପିଟାଲ ପଠାଯାଇଥିବା ସରପଞ୍ଚ ପ୍ରଭାସିନୀ ସାସମଲ ସୂଚନା ଦେଇଛନ୍ତି। ଏହି ପରିବାର ଜଣେ ଯୁବକ ପଟିଆ ଅଞ୍ଚଳର ଏକ ଗ୍ୟାରେଜରେ କାମ କରୁଥିବାବେଳେ ତାକୁ ଥଣ୍ଡା କାଶ ଲାଗିରହିଥିଲା। ଏହାପରେ ଆଶାକର୍ମୀ ଭାବେ କାର୍ଯ୍ୟ କରୁଥିବା ତାଙ୍କ ମାଆକୁ ମଧ୍ୟ ଥଣ୍ଡାକାଶ ଆରମ୍ଭ ହୋଇଥିଲା। ରବିବାର ପରିବାରର ୪ଜଣ ସଦସ୍ୟ ନିକଟସ୍ଥ ଟାଙ୍ଗିବନ୍ତ ଡାକ୍ତରଖାନାକୁ ଯାଇ ସ୍ବାସ୍ଥ୍ୟ ପରୀକ୍ଷା ସହ ସ୍ବାବ ଟେଷ୍ଟ କରାଇଥିଲେ। ସୋମବାର ପରିବାରର ସମସ୍ତ ସଦସ୍ୟଙ୍କ ପଜିଟିଭ ବାହାରିଥିଲା। ଏହାପରେ ସରପଞ୍ଚ ଉକ୍ତ ଅଞ୍ଚଳବାସୀଙ୍କୁ ଭୟଭୀତ ନ ହୋଇ ସତର୍କ ରହିବାକୁ ନିର୍ଦ୍ଦେଶ ଦେଇଛନ୍ତି। ଏହି ପଞ୍ଚାୟତରେ ଆକ୍ରାନ୍ତଙ୍କ ସଂଖ୍ୟା ବୃଦ୍ଧିପାଇ ୮ରେ ପହଞ୍ଚତ୍ଛି। ସେହିଭଳି କଳାରାହଙ୍ଗ ପଞ୍ଚାୟତର ଇଞ୍ଜଣା ଗ୍ରାମର ୫ନଂ. ଓାର୍ଡରେ ଜଣେ ୭୬ ବର୍ଷିୟା ବୃଦ୍ଧା କରୋନାରେ ଆକ୍ରାନ୍ତ ହୋଇଥିବା ସରପଞ୍ଚ ପଙ୍କଜିନୀ ଦଳପତି କହିଛନ୍ତି। ବୃଦ୍ଧା ଜଣଙ୍କ କଳାରାହଙ୍ଗ ଗ୍ରାମରେ ଥିବା ତାଙ୍କର ଜଣେ ସର୍ମ୍ପକୀୟ ଘରକୁ ଯାଇ ଫେରିବାପରେ ଥଣ୍ଡାକାଶ ହୋଇଥିଲା। ସେ କିମ୍ସ କୋଭିଡ୍ ହସ୍ପିଟାଲକୁ ଯାଇ ସ୍ବାବ୍ ଟେଷ୍ଟ କରାଇଥିବାବେଳେ ରବିବାର ରାତିରେ ତାଙ୍କର ପଜିଟିଭ ଜଣାପଡିଥିଲା। ଏହାକୁ ମିଶାଇ ଏହି ପଞ୍ଚାୟତରେ ଆକ୍ରାନ୍ତଙ୍କ ସଂଖ୍ୟା ୫ରେ ପହଞ୍ଚତ୍ଛି।
