ପ୍ରୟାଗରାଜ,୧୫।୪: ଏନକାଉଣ୍ଟରେ ମୃତ୍ୟୁ ହୋଇଥିବା ମାଫିଆ ଡନ ଅତିକ ଅହମଦଙ୍କ ପୁଅ ଅସଦ ଅହମଦଙ୍କର ପ୍ରୟାଗରାଜରେ ଅନ୍ତିମ ସଂସ୍କାର କରାଯାଇଛି। ଅସଦଙ୍କୁ ପ୍ରୟାଗରାଜର କସାରି-ମସାରି କବରସ୍ଥାନରେ ସୁପୁର୍ଦ-ଏ-ଖାକ କରାଯାଇଛି। ଅନ୍ତିମ ସଂସ୍କାରରେ ୨୫-୩୦ ଜଣ ସାମିଲ ହୋଇଥିଲେ। ଏହି ସମୟରେ ତାଙ୍କ ବୁଆଙ୍କ ସହ ପରିବାରର ଅନ୍ୟ ସଦସ୍ୟ ଉପସ୍ଥିତ ଥିଲେ। ପୋଲିସର କଡା ସୁରକ୍ଷା ମଧ୍ୟରେ ଅସଦଙ୍କର ସୁପୁର୍ଦ-ଏ-ଖାକ କରାଯାଇଛି। ଏହି ସମୟରେ ଡ୍ରୋନ୍ ସାହାଯ୍ୟରେ ସୁରକ୍ଷା ଉପରେ ନଜର ରଖାଯାଇଥିଲା। କବର ସ୍ଥାନର କିଛି ଦୂରରୁ ମିଡିଆର ଏଣ୍ଟ୍ରିକୁ ବି ଅଟକାଇ ଦିଆଯାଇଥିଲା।
ଏନକାଉଣ୍ଟରେ ମୃତ୍ୟୁ ହୋଇଥିବା ଅସଦ ଓ ତାଙ୍କ ସାଥି ଗୁଲାମ ମହମ୍ମଦଙ୍କ ମର ଶରୀରକୁ ଝାନ୍ସିରୁ ପ୍ରୟାଗରାଜ ନିଆଯାଇଥିଲା। ଉଭୟଙ୍କ ମୃତ ଶରିରକୁ ନେବାକୁ ତାଙ୍କର ପରିବାର ଲୋକେ ଶୁକ୍ରବାର ସନ୍ଧ୍ୟାରେ ଝାନ୍ସି ଆସିଥିଲେ। ଅସଦଙ୍କ ମୃତଦେହ ନେବାକୁ ତାଙ୍କ ଫୁଫା ଉସ୍ମାନ ଆସିଥିବା ବେଳେ ଗୁଲାମଙ୍କ ମୃତଦେହ ନେବାକୁ ତାଙ୍କର ଶଳା ନୁର ଆଲମ ପହଞ୍ଚିଥିଲେ। ଅସଦଙ୍କ ମୃଦଦେହକୁ କବର ଦେବାକୁ କସାରି ମସାରି କବର ସ୍ଥାନରେ ପ୍ରସ୍ତୁତି କରାଯାଇଥିଲା। ତାଙ୍କ ମୃତଦେହକୁ ଘରକୁ ନ ନେଇ ସିଧା କବର ସ୍ଥାନକୁ ନିଆଯାଇଥିଲା।
