ମୁମ୍ବାଇ: ବଲିଉଡ ଅଭିନେତା ଅର୍ଜୁନ କପୁରଙ୍କ ମୁଭି ‘କୁତ୍ତେ’ ଏବେ ଖୁବ୍ ଚର୍ଚ୍ଚାରେ । ପ୍ରଥମ ଦିନରୁ ହିଁ ଏହି ମୁଭି ତା’ର ଟାଇଟଲକୁ ନେଇ ଚର୍ଚ୍ଚାରେ ରହି ଆସୁଛି । ଏବେ ଅର୍ଜୁନ କପୁର ସୋସିଆଲ ମିଡିଆରେ ‘କୁତ୍ତେ’ର ଏକ ଟିଜର ପୋଷ୍ଟର ରିଲିଜ କରିଛନ୍ତି । ଏଥିରେ ତାଙ୍କ ଫାଷ୍ଟ ଲୁକ ବି ସାମ୍ନାକୁ ଆସିଛି । ଏହାସହ ଫିଲ୍ମର ବାକି ଷ୍ଟାରଙ୍କ ଲୁକ ବି ସାମ୍ନାକୁ ଆସିଛି । ଏହାସହ ସେ ଫିଲ୍ମର ରିଲିଜ ଡେଟ ବି ଆନାଉନ୍ସ କରିଦେଇଛନ୍ତି । ସୂଚନାଯୋଗ୍ୟ, ଅର୍ଜୁନ କପୁର ୨୦୨୨ ରେ କେବଳ ଗୋଟିଏ ମୁଭି ‘ଏକ ଭିଲେନ ରିଟର୍ନସ’ରେ ନଜର ଆସିଥିଲେ ଯାହା ବକ୍ସ ଅଫିସରେ ଫ୍ଲପ ହୋଇଥିଲା ।
ମୁଭିର ଫାଷ୍ଟ ଲୁକ ଶେୟାର କରି ଅର୍ଜୁନ କପୁର ପୋଷ୍ଟରେ ଲେଖିଛନ୍ତି, ‘୧ ହଡ୍ଡି ଔର ସାତ କୁତ୍ତେ । ଭସଡ ସୁରୁ କରତେ ହୈ । କୁତ୍ତେ ଜାନୁୟାରୀ ୧୩ରେ ସିନେମା ହଲରେ ରିଲିଜ ହେବ । ସୂଚନାଯୋଗ୍ୟ, ଏହି ମୁଭି ପ୍ରଥମେ ୪ ନଭେମ୍ବରରେ ରିଲିଜ ହେବାର ଥିଲା । ହେଲେ ବକ୍ସ ଅଫିସରେ ଅନ୍ୟ ଫିଲ୍ମ ସହ କ୍ଲାଶକୁ ନେଇ ଏହାର ରିଲିଜ ଡେଟକୁ ପୋଷ୍ଟପୋନ କରିଦିଆଯାଇଥିଲା ।
ଫିଲ୍ମ ‘କୁତ୍ତେ’ରୁ ଡିରେକଶନ ଡେବ୍ୟୁ କରିବେ ଆସମାନ ଭରଦ୍ୱାଜ । ଏଥିରେ ଅଜୁନ କପୁରଙ୍କ ବ୍ୟତୀତ ତବ୍ୱୁ, କୋଙ୍କଣା ସେନ ଶର୍ମା, ନସିରୁଦ୍ଦିନ ଶାହା, ରାଧିକା ମଦାନ ଓ କୁମୁଦ ମିଶ୍ର ମୁଖ୍ୟ ଭୂମିକାରେ ନଜର ଆସିବେ । ବଲିଉଡ ନିର୍ଦ୍ଦେଶକ ବିଶାଲ ଭରଦ୍ୱାଜଙ୍କ ପୁଅ ଆସମାନ ଭରଦ୍ୱାଜ ମୁଭି ‘କୁତ୍ତେ’ରୁ ତାଙ୍କ ନିର୍ଦ୍ଦେଶନା କ୍ୟାରିୟର ଆରମ୍ଭ କରୁଛନ୍ତି ।
