ନୂଆଦିଲ୍ଲୀ,୨।୧୧ : ସମ୍ପ୍ରତି ଅଧିକାଂଶ ଫାଷ୍ଟ ଫୁଡ ଖାଇବାକୁ ଅଧିକ ପସନ୍ଦ କରୁଛନ୍ତି। ତେବେ ଏଭଳି ଖାଦ୍ୟରେ ଅଳ୍ପ ରନ୍ଧା ଅବା ଅଧା ରନ୍ଧା ହୋଇଥିବା ମାଂସ ଖାଇବା ପ୍ରତି ସାବଧାନ ରହିବା ଜରୁରୀ। ଏଭଳି ଖାଦ୍ୟଠାରୁ ଦୁରେଇ ରହିବା ଆବଶ୍ୟକ ନଚେତ ବିଭିନ୍ନ ସ୍ବାସ୍ଥ୍ୟ ସମସ୍ୟା ଉପୁଜିବାର ଆଶଙ୍କା ରହିଛି। ମଣିଷଙ୍କଠାରେ ଦେଖାଦେଉଥିବା ଟେନିୟାସିସ ସଂକ୍ରମଣ ଟେପୱାର୍ମ ପ୍ରଜାତିର ଟେନିଆ ସାଗିନାଟା (ଗୋମାଂସ ଟେପୱାର୍ମ), ଟେନିଆ ସୋଲିୟମ (ଘୁଷୁରୀ ଟେପୱାର୍ମ) ଏବଂ ଟେନିଆ ଏସିଆଟିକା (ଏସୀୟ ଟେପୱାର୍ମ) ଦ୍ୱାରା ସୃଷ୍ଟି ହୋଇଥିବା ପରଜୀବୀ ସଂକ୍ରମଣ।
କଞ୍ଚା କିମ୍ବା ଅଳ୍ପ ରନ୍ଧା ବା ଅଧା ରନ୍ଧା ମାଂସ ଖାଇବା ଦ୍ୱାରା ମଣିଷ ଏହି ଟେପୱାର୍ମ ସଂକ୍ରମଣରେ ସଂକ୍ରମିତ ହୋଇପାରେ। ଟେନିଆସିସ ରୋଗୀମାନେ ହୁଏତ ଜାଣିପାରିବେ ନାହିଁ ସେମାନଙ୍କର ଟେପୱାର୍ମ ସଂକ୍ରମଣ ଅଛି କାରଣ ଲକ୍ଷଣଗୁଡ଼ିକ ସାଧାରଣତଃ ସାମାନ୍ୟ କିମ୍ବା ପ୍ରକାଶ ପାଇ ନ ଥାଏ।
ଏହି ପ୍ରକାର ସ୍ବାସ୍ଥ୍ୟ ସମସ୍ୟା ବିଶେଷତଃ ପୂର୍ବ ୟୁରୋପ, ରୁଷିଆ, ପୂର୍ବ ଆଫ୍ରିକା ଏବଂ ଲାଟିନ ଆମେରିକାରେ ଅଧିକ ଦେଖିବାକୁ ମିଳିଥାଏ। ଟି ସାଗିନାଟା ଦ୍ୱାରା ସୃଷ୍ଟି ହୋଇଥିବା ଟେନିୟାସିସ ଆମେରିକାରେ ବିରଳ, ଯେଉଁଠାରେ ଗୋରୁ ଏବଂ ଲୋକ ମିଳିତ ଭାବେ ରହିଥାନ୍ତି ଏବଂ ପରିମଳ ବ୍ୟବସ୍ଥା ଖରାପ। ଗୋରୁ ମାନବ ମଳ ସଂସ୍ପର୍ଶରେ ଆସିବା ଦ୍ୱାରା ଏହି ସ୍ବାସ୍ଥ୍ୟ ସମସ୍ୟା ସୃଷ୍ଟି ହୋଇଥାଏ।
ଏହି ସମସ୍ୟାରେ ପେଟ ବ୍ୟଥା ହେବା ସହିତ ହଜମ ସମ୍ବନ୍ଧୀୟ ସମସ୍ୟା ମଧ୍ୟ ଉପୁଜିଥାଏ। ଟି ସୋଲିୟମ ଟେପୱାର୍ମ ସଂକ୍ରମଣ ମଣିଷରେ ସିଷ୍ଟିକେରୋସିସ ସୃଷ୍ଟି କରିପାରେ, ଯାହା ଏକ ଗୁରୁତର ସମସ୍ୟା ହୋଇଥାଏ।
ତେବେ ଏଥିରୁ ମୁକ୍ତି ପାଇବା ପାଇଁ ଗୋଟିଏ ଉପାୟ ହେଉଛି ମାଂସକୁ ଭଲଭାବେ ରାନ୍ଧିବା । ଭଳ ଭାବେ ରନ୍ଧା ହୋଇଥିବା ମାଂସ ଖାଇଲେ ଏଭଳି ସମସ୍ୟା ଦେଖାଦେବା ଆଶଙ୍କା କମ ରହିଥାଏ।
