Posted inଫୁରସତ

ସ୍ଥାପତ୍ୟ କହେ କଥା

କାରିଗରର ହାତର ସ୍ପର୍ଶରେ ଗଢି ଉଠେ କେତେ ଯେ ସ୍ଥାପତ୍ୟ। ସେଇ ସ୍ଥାପତ୍ୟ କେବେ ମଣିଷର ଭାବକୁ ଦର୍ଶାଏ ତ କେବେ କହେ କାହାର କାହାଣୀ। ଠିକ ଯେମିତି ଏଇ ସବୁ ସ୍ଥାପତ୍ୟ, ଯାହା ଦେଖିବାକୁ ଅଜବ ହେଲେ ବି କହେ ଅନେକ କଥା..

ଅପ୍‌ ସାଇଡ୍‌ ଡାଉନ୍‌ ଚାର୍ଲସ୍‌ ଲା ଟ୍ରୋବ୍‌ ପ୍ରତିମୂର୍ତ୍ତି: ସାଧାରଣତଃ ବିଶିଷ୍ଟ ବ୍ୟକ୍ତିଙ୍କ ପ୍ରତିମୂର୍ତ୍ତି ସହରର ଛକ ସ୍ଥାନ ଗୁଡିକରେ ଏକ ଉଚ୍ଚ ସ୍ଥାନରେ ଠିଆ ହୋଇଥିବା ଦେଖିବାକୁ ମିଳେ। ସେସବୁ ବିଭିନ୍ନ ଭଙ୍ଗୀରେ ବି ଥାଆନ୍ତି। ତେବେ ଅଷ୍ଟ୍ରେଲିଆ, ମେଲବର୍ନରେ ଥିବା ଲା ଟ୍ରୋବ୍‌ ବିଶ୍ୱ ବିଦ୍ୟାଳୟ, ବୁନ୍ଦୁରା କ୍ୟାମ୍ପସ୍‌ରେ ଥିବା ଚାର୍ଲସ୍‌ ଲା ଟ୍ରୋବ୍‌ଙ୍କ ପ୍ରତିମୂର୍ତ୍ତି ବେଶ୍‌ ଅଜବ। କାରଣ ଏହି ପ୍ରତିମୂର୍ତ୍ତିଟି ସାଧାରଣ ଭାବେ ଗୋଡରେ ଦଣ୍ଡାୟମାନ ନୁହେଁ ବରଂ ଓଲଟା ତଥା ମୁଣ୍ଡରେ ଠିଆ ହୋଇଥିବା ପ୍ରତିମୂର୍ତ୍ତି ଅଟେ। ପ୍ରତିମୂର୍ତ୍ତିଗୁଡିକ ଯେଉଁ ଭିତ୍ତି ପ୍ରସ୍ତର ଉପରେ ଠିଆ ହୁଏ ତାହା ଉପର ପଟକୁ ଅଛି। ତେବେ ଏଭଳି ହେବା ପଛର କାରଣ ହେଉଛି ଲଣ୍ଡନରେ ଜନ୍ମିତ ଚାର୍ଲସ ଲା ଟ୍ରୋବ ଅଷ୍ଟ୍ରେଲିଆର ଭିକ୍ଟୋରିଆରେ ଲିଉଟନାଣ୍ଟ ଗଭର୍ନର ଥିଲେ। ସେତେବେଳେ ସେ ଅନେକ ବିକାଶମୂଳକ କାର୍ଯ୍ୟ କରିଥିଲେ। ତଥାପି ଇତିହାସ ପୃଷ୍ଠାରେ ସେ ଜଣେ ଅସଫଳ ଲିଡର ଭାବେ ବର୍ଣ୍ଣିତ। ତେଣୁ ଲୋକେ ଭୁଲି ଯାଇଥିବା ତାଙ୍କ କାମକୁ ପୁଣିଥରେ ମନେ ପକାଇ ଦେବା ପାଇଁ ପ୍ରତିମୂର୍ତ୍ତି ତିଆରି କରିଥିବା ସ୍ଥପତି ଏହାକୁ ଚିରାଚରିତ ଧାରାରେ ସ୍ଥାପନ ନ କରି ଓଲଟା ସ୍ଥାପନ କରିଥିଲେ। ଆଉ ସତକୁ ସତ ତାହା ସମସ୍ତଙ୍କ ଦୃଷ୍ଟି ଆକର୍ଷଣ ବି କଲା।
ଦ ମୁସ୍ତାଙ୍ଗସ୍‌ ଅଫ ଲସ୍‌ କୋଲିନାସ୍‌: ଆମେରିକା, ଟେକ୍ସାସସ୍ଥ ଲସ୍‌ କୋଲିନସ୍‌ରେ ଦେଖିବାକୁ ମିଳେ ଦୌଡୁଥିବା ଘୋଡାର କିଛି ପ୍ରତିମୂର୍ତ୍ତି। ଏହାକୁ ପୃଥିବୀର ଘୋଡା ପ୍ରତିମୂର୍ତ୍ତିର ସବୁଠାରୁ ବଡ଼ ଗ୍ରୁପ୍‌ ବୋଲି ଧରାଯାଏ। ବ୍ରୋଞ୍ଜରେ ନିର୍ମିତ ଏହି ପ୍ରତିମୂର୍ତ୍ତି ଗୁଡିକ ଅସଲି ଘୋଡାଠାରୁ ଆକାରରେ ଦେଢଗୁଣ ବଡ଼। ଏହି ଘୋଡାଗୁଡିକ ଦୌଡିକି ନଦୀ ପାର୍‌ ହେଉଥିବା ପରି ଲାଗନ୍ତି। ଏହି ଦୃଶ୍ୟକୁ ଜୀବନ୍ତ କରିବା ଲାଗି ପାଣି ଭିତରେ ଥିବା ଘୋଡାଗୁଡିକର ଗୋଡ ତଳେ ଏମିତି ଜଳର ଫୁଆରା କରାଯାଇଛି ଯାହାଦ୍ୱାରା ଲାଗୁଛି ଘୋଡାଗୁଡିକ ନଦୀରେ ଦୌଡିବା ଯୋଗୁ ସତରେ ପାଣି ଛିଟ୍‌କୁଛି।
ମନୁମେଣ୍ଟ ଟୁ ଦ ଅନ୍‌ନୋନ୍‌ ବ୍ୟୁରୋକ୍ରାଟ୍‌: ବିଜନେସ୍‌୍‌ ସୁଟ୍‌ ପିନ୍ଧି ହାତରେ ବ୍ରିଫକେସ୍‌ ଧରି ଯାଉଥିବା ଏକ ବ୍ୟକ୍ତି, ଯାହାର ଗଣ୍ଡି ଭାଗ ମଣିଷର କିନ୍ତୁ ମୁଣ୍ଡ ଭାଗ ଏକ ବଡ଼ ପଥର। ଏଭଳି ଏକ ଅଜବ ପ୍ରତିମୂର୍ତ୍ତି ଦେଖିବାକୁ ମିଳେ ଆଇସ୍‌ଲାଣ୍ଡର ରିକଜାଭିକ୍‌ରେ। ଉକ୍ତ ପ୍ରତିମୂର୍ତ୍ତି ହେଉଛି ଜଣେ ସରକାରୀ କର୍ମଚାରୀର ପ୍ରତୀକ। ଯିଏକି ପ୍ରତିଦିନ ଅନେକ ଚାପ, ନିନ୍ଦା, ଅପମାନ ସହି ବହୁ କଷ୍ଟରେ କାମ କରିଥାଏ। ୧୯୯୪ରେ ସ୍ଥପତି ମାଗ୍ନସ୍‌ ଟୋମାସନ୍‌ ଏହାକୁ ଗଢିଥିଲେ।
କର୍ପୋରେଟ୍‌ ହେଡ୍‌: କାନ୍ଥ ଭିତରେ ମୁଣ୍ଡ ପଶି ଯାଇଥିବା ଜଣେ ବ୍ୟୁରୋକ୍ରାଟଙ୍କର ଏହି ପ୍ରତିମୂର୍ତ୍ତି ପାଶ୍ଚାତ୍ୟ ସମାଜକୁ ଦର୍ଶାଏ। ଯେଉଁଠି ଲୋକେ ଅଧିକ ରୋଜଗାର ଅଧିକ ଲାଭ ପାଇଁ ନିଜ ମୁଣ୍ଡରେ ଚାପ ପକାଇ ତାକୁ ଅଫିସ୍‌ର ଚାରି କାନ୍ଥ ଭିତରେ ବାନ୍ଧି ରଖନ୍ତି। ଲସ୍‌ ଆଞ୍ଜେଲସ୍‌ରେ ଦେଖିବାକୁ ମିଳେ ଉକ୍ତ ପ୍ରତିମୂର୍ତ୍ତି।
ଓ୍ବାକିଂ ଟୁ ଦ ସ୍କାଏ: ଉଚ୍ଚାଭିଳାଷୀ, ଉଚ୍ଚ ମନା ହେବା ଓ ସଫଳତାର ଶୀର୍ଷରେ ପହଞ୍ଚତ୍ବାର ଏକ ସକାରାତ୍ମକ ଭାବ ରଖିବାକୁ ଦର୍ଶାଏ ଏହି ସ୍ଥାପତ୍ୟ। ଯେଉଁଥିରେ ୭୫ଂ କୋଣ କରି ରହିଥିବା ଏକ ୧୦୦ ଫୁଟ୍‌ ଉଚ୍ଚ ଲମ୍ବ ଖମ୍ବ ଉପରେ ଚାଲି ଚାଲି ଆକାଶ ପର୍ଯ୍ୟନ୍ତ ଯାଉଥିବା ଜଣେ କୁନି ଝିଅ, ବିଜନେସ୍‌ ଓମେନ, ଜଣେ ଯୁବକଙ୍କ ସହ ଆହୁରି କେତେଜଣ ବ୍ୟକ୍ତିଙ୍କୁ ଦେଖିବାକୁ ମିଳେ। ଉକ୍ତ ସ୍ଥାପତ୍ୟ ପିଟ୍‌୍‌ସବର୍ଗ ପେନ୍‌ସିଲଭାନିଆରେ ଅଛି।
ମେମୋରିଆଲ ଟୁ ନେଲସନ୍‌ ମଣ୍ଡେଲା: ଦକ୍ଷିଣ ଆଫ୍ରିକାର ସ୍ଥପତି ମାର୍କୋ ସିଆନଫାନେଲି ୫୦ଟି ଷ୍ଟିଲ୍‌ର ଖମ୍ବକୁ କଂକ୍ରିଟ୍‌ ଭୂମିରେ ପୋତି ଦକ୍ଷିଣ ଆଫ୍ରିକାର ପ୍ରଥମ ରାଷ୍ଟ୍ରପତି ନେଲସନ୍‌ ମଣ୍ଡେଲାଙ୍କ ଚେହେରାକୁ ଗଢିଛନ୍ତି। ଏହି ସ୍ଥାପତ୍ୟଟିର କେବଳ ଗୋଟିଏ କୋଣରୁ ଦେଖିଲେ ନେଲସନ୍‌ ମଣ୍ଡେଲାଙ୍କ ଚେହେରା ଦେଖାଯାଏ। ବର୍ଣ୍ଣବୈଷମ୍ୟ ବିରୋଧରେ ସ୍ବର ଉତ୍ତୋଳନ କରିଥିବା ତଥା କଷ୍ଣକାୟଙ୍କ ଅଧିକାର ପାଇଁ ଲଢିଥିବା ନେଲସନ୍‌ ମଣ୍ଡେଲା ୨୮ ବର୍ଷ ଜେଲରେ କାଟିଥିଲେ। ତାଙ୍କ ଜେଲ ରହଣୀ ୧୯୬୨ରେ ଆରମ୍ଭ ହେଇଥିଲା। ଜେଲ ରହଣୀର ୫୦ ତମ ବାର୍ଷିକୀକୁ ଦର୍ଶାଏ ଏହି ୫୦ଟି ଖମ୍ବ।
ଫୋର୍ସ ଅଫ୍‌ ନେଚର୍‌: ଇଟାଲିର ସ୍ଥପତି ଲୋରେଞ୍ଜୋ କୁଇନ୍‌ ଗଢିଛନ୍ତି ଏକ ସିରିଜ୍‌ ସ୍ଥାପତ୍ୟ। ଯାହା ଫୋର୍ସ ଅଫ୍‌ ନେଚର୍‌ ଭାବେ ପରିଚିତ।ଏଥିରେ ଜଣେ ମହିଳା ଏକ ଲମ୍ବା କପଡାରେ ପୃଥିବୀକୁ ଟାଣି ଧରିଥିବା ଦେଖିବାକୁ ମିଳେ। ଏହି ପ୍ରତିମୂର୍ତ୍ତି ପୃଥିବୀର ବିଭିନ୍ନ ସହରରେ ସ୍ଥାପନ କରାଯାଇଛି। ଯେଉଁଥିରେ ଆମେରିକା, ଲଣ୍ଡନ, ମୋନାକୋ, ସିଙ୍ଗାପୁର ଆଦି ଅନ୍ତର୍ଭୁକ୍ତ।
ଦ ନଟେଡ୍‌ ଗନ୍‌: ଏକ ରିଭଲ୍‌ଭର୍‌ର ନଳୀକୁ ମୋଡି ବାନ୍ଧି ଦିଆଯାଇଥିବା ଦୃଶ୍ୟ ଦେଖିବାକୁ ମିଳେ ଏହି ସ୍ଥାପତ୍ୟରେ। ଅହିଂସାର ପ୍ରତୀକ ଏହି ସ୍ଥାପତ୍ୟଟି ନ୍ୟୁୟର୍କସ୍ଥ ୟୁନାଇଟେଡ ନେସନ୍‌ସର ହେଡକ୍ୱାର୍ଟର୍‌ରେ ଅଛି। ବ୍ରୋଞ୍ଜରେ ନିର୍ମିତ ଉକ୍ତ ସ୍ଥାପତ୍ୟକୁ ସ୍ବିଜରଲାଣ୍ଡର ସ୍ଥପତି କାର୍ଲ ଫ୍ରେଡ୍ରିକ୍‌ ରିଉଟରସ୍ବାର୍ଡ ତିଆରି କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ଦିଲ୍ଲୀରେ ଚାଞ୍ଚଲ୍ୟ: ଟ୍ରାଏଲ୍‌ ରୁମ୍‌ରେ ମହିଳା କର୍ମଚାରୀଙ୍କୁ ଗଳାକାଟି ହତ୍ୟା

ନୂଆଦିଲ୍ଲୀ,୧୫ା୧୧: ଦିଲ୍ଲୀର ଏକ ପୋଷାକ ଶୋ’ରୁମ୍‌ରେ କାମ କରୁଥିବା ଜଣେ ୧୮ ବର୍ଷୀୟା କର୍ମଚାରୀଙ୍କୁ ଟ୍ରାଏଲ୍‌ ରୁମ୍‌ରେ ଗଳାକାଟି ହତ୍ୟା କରାଯାଇଛି। ବ୍ୟକ୍ତିଗତ ସମ୍ପର୍କରେ ଫାଟ ଏବଂ…

ଏହି ୪ଟି ରାଶି ପାଇଁ ଆଗକୁ ରହିଛି କଠିନ ସମୟ, ସତର୍କ ନ ରହିଲେ ବଡ଼ ବିପଦ…

୧୬ ନଭେମ୍ବର ୨୦୨୬ରେ ସୂର୍ଯ୍ୟଦେବ ବିଛା ରାଶିକୁ ପ୍ରବେଶ କରିବେ। ଜ୍ୟୋତିଷ ଶାସ୍ତ୍ର ଅନୁସାରେ, ଏହି ଗୋଚରର ପ୍ରଭାବ କିଛି ରାଶିର ଜାତକଙ୍କ ଜୀବନରେ ପଡ଼ିପାରେ। ବିଶେଷକରି…

ଅତି ଖରାପ ସ୍ଥିତିରେ ଦିଲ୍ଲୀ ବାୟୁ ଗୁଣବତ୍ତା, ଘେରି ରହୁଛି ଧୂଳି, ଧୂଆଁର ଘନ ଆସ୍ତରଣ

ନୂଆଦିଲ୍ଲୀ,୧୫ା୧୧: ଦିଲ୍ଲୀର ବାୟୁ ଗୁଣବତ୍ତା ସୂଚକାଙ୍କ (ଏକ୍ୟୁଆଇ) ରବିବାର ସକାଳେ ଅଧିକାଂଶ ପର୍ଯ୍ୟବେକ୍ଷଣ କେନ୍ଦ୍ରରେ ଅତି ଖରାପ ଦର୍ଶାଇଥିବା ବେଳେ ୭ଟିରେ ଗମ୍ଭୀର ସ୍ଥିତି ଦର୍ଶାଇଛି। ମୋଟାମୋଟି…

ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ: ଏକାଠି ହେଲେ କନ୍ଧମାଳ,ଗଜପତିର ଆଦିବାସୀ ସମାଜ

ବ୍ରାହ୍ମଣୀଗାଁ,୧୫।୧୧(ମନୋରଞ୍ଜନ ରଣା): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅନ୍ତର୍ଗତ ବ୍ରାହ୍ମଣୀଗାଁ ଶିବ ମନ୍ଦିର ପଡ଼ିଆରେ ରବିବାର ଭଗବାନ ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ ପାଳିତ ହୋଇଯାଇଛି।…

ଗୁଣପୁରରେ ମହିଳାଙ୍କୁ ଧାରୁଆ ଅସ୍ତ୍ରରେ ମରଣାନ୍ତକ ଆକ୍ରମଣ

ଗୁଣପୁର,୧୫।୧୧(ସୁଜାତା ପାଢ଼ୀ): ରାୟଗଡ଼ା ଜିଲା ଗୁଣପୁର ଥାନା ଅନ୍ତର୍ଗତ ହାଉସିଂ ବୋର୍ଡ କଲୋନୀରେ ଜଣେ ମହିଳାଙ୍କୁ ମରଣାନ୍ତକ ଆକ୍ରମଣ ହୋଇଥିବା ଘଟଣା ସାମ୍ନାକୁ ଆସିଛି। ମିଳିଥିବା ସୂଚନା…

କେରଳ ହାଇକୋର୍ଟଙ୍କ ବଡ଼ ପ୍ରସ୍ତାବ, କିଶୋର ବୟସର ସୀମା ୧୮ରୁ ୧୬ ବର୍ଷକୁ ହ୍ରାସ….

କୋଚି,୧୫ା୧୧: ନାବାଳକ ବୟସ ସୀମାକୁ ନେଇ ବଡ଼ କଥା କହିଛନ୍ତି କେରଳ ହାଇକୋର୍ଟ । ଅପରାଧର ବଦଳୁଥିବା ସ୍ବରୂପ ଏବଂ ପିଲାମାନଙ୍କଠାରେ ଦେଖାଯାଉଥିବା ପରିପକ୍ୱତାକୁ ଦୃଷ୍ଟିରେ ରଖି…

ଠେଙ୍ଗାରେ ଆକ୍ରମଣ କରି ହତ୍ୟା ଉଦ୍ୟମ, ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୫।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ସାନଖେମୁଣ୍ଡି ବ୍ଲକ ଶ୍ରୀଚନ୍ଦନପୁର ଗ୍ରାମର ବିରୁପାକ୍ଷ ମହାପାତ୍ରଙ୍କୁ ଗ୍ରାମର ହିନ ଗଉଡ଼(୫୦) ଶନିବାର ଅପରାହ୍ନରେ ଏକ ଠେଙ୍ଗାରେ ଆକ୍ରମଣ କରି…

ମାଡ଼ି ଆସୁଛି ବାତ୍ୟା: ମୁକାବିଲା ପାଇଁ ଗଞ୍ଜାମ ପ୍ରଶାସନର ଆଗୁଆ ପ୍ରସ୍ତୁତି

ପୁରୁଷୋତ୍ତମପୁର,୧୫।୧୧(ସବିତା ମିଶ୍ର): ପୁଣି ଏକ ସାମ୍ଭାବ୍ୟ ବାତ୍ୟାର ମୁକାବିଲା ପାଇଁ ପୁରୁଷୋତ୍ତମପୁର ପ୍ରଶାସନ ପକ୍ଷରୁ ଆଗୁଆ ପ୍ରସ୍ତୁତି ସହ ବ୍ୟାପକ ସତର୍କତାମୂଳକ ପଦକ୍ଷେପ ଗ୍ରହଣ କରାଯାଇଛି। ଏନେଇ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?