ମୁମ୍ବାଇ: ଅଭିନନ୍ଦନ! ଅରବାଜ ଖାନ ଏବଂ ଶୌରା ଖାନ ବର୍ତ୍ତମାନ ସାତ ଜନ୍ମର ସାଥି ହୋଇଛନ୍ତି। ୫୬ ବର୍ଷିୟ ଅରବାଜ ଖାନ ୪୧ବର୍ଷିୟ ଶୌରାଙ୍କ ସହ ବିବାହ କରିଛନ୍ତି। ଏହି ସୂଚନା ଅରବାଜ ଖାନଙ୍କ ଘନିଷ୍ଠ ବନ୍ଧୁ ରବିନା ଟଣ୍ଡନ ଦେଇଛନ୍ତି।
କିଛି ସମୟ ପୂର୍ବରୁ ରବିନା ସୋସିଆଲ ମିଡିଆରେ ଅରବାଜ ଏବଂ ଶୌରାଙ୍କ ବିବାହକୁ ନିଶ୍ଚିତ କରିଥିଲେ। ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ ଭିଡିଓ ଷେୟାର କରିବାବେଳେ ସେ ନବ ବିବାହିତ ଦମ୍ପତିଙ୍କୁ ବିବାହ ପାଇଁ ଅଭିନନ୍ଦନ ଜଣାଇଛନ୍ତି। ଭିଡିଓ ଶେୟାର କରିବାବେଳେ ଅଭିନେତ୍ରୀ ଲେଖିଛନ୍ତି, ଅଭିନନ୍ଦନ, ଅଭିନନ୍ଦନ, ଅଭିନନ୍ଦନ !!! ମୁଁ ତୁମ ଦୁହିଁଙ୍କ ପାଇଁ ବହୁତ ଖୁସି … ମୋର ପ୍ରିୟ ଶୌରା ଖାନ ଏବଂ ଅରବାଜ ଖାନ .. ପାର୍ଟି ତୋ ଅଭି ଶୁରୁ ହୁଇ ହୈ ମିସେସ ଓ ମିଷ୍ଟର ଶୌରା ଅରବାଜ ଖାନ… ’।
ଏହି ଭିଡିଓ ବିବାହ ପୂର୍ବରୁ ହୋଇଥିବା ଜଣାପଡିଛି, ଯେଉଁଠାରେ ରବିନା ଅରବାଜ ଖାନଙ୍କ ସହ ପାର୍ଟି କରୁଥିବା ନଜର ଆସିଛନ୍ତି। ଭିଡିଓରେ ଉଭୟ ‘ଅଭି ତୋ ପାର୍ଟି ଶୁରୁ ହୁଇ ହୈ’ ଗୀତରେ ଜୋରରେ ନାଚୁଥିବା ନଜର ଆସିଛନ୍ତି। ତାଙ୍କର ଏହି ଭିଡିଓ ସୋସିଆଲ ମିଡିଆରେ ନିଆଁ ଭଳି ବ୍ୟାପୁଛି। ତାଙ୍କର ଦ୍ୱିତୀୟ ବିବାହ ପାଇଁ ପ୍ରଶଂସକମାନେ କ୍ରମାଗତ ଭାବରେ ଅରବାଜଙ୍କୁ ଅଭିନନ୍ଦନ ଜଣାଇଛନ୍ତି।
ସୂଚନାଯୋଗ୍ୟ, ଶୌରା ଖାନ ରବିନା ଟଣ୍ଡନ ଏବଂ ତାଙ୍କ ରାଶା ଥାଡାନୀଙ୍କ ମେକଅପ ଆର୍ଟିଷ୍ଟ ରହି ଆସିଛନ୍ତି। ସେମାନଙ୍କ ବିବାହରେ ତାଙ୍କ ଝିଅ ରାଶା ଥାଡାନୀଙ୍କ ସହ ଫୁଲ ଗେଟଅପରେ ରବିନା ଟଣ୍ଡନ ପହଞ୍ଚିଛନ୍ତି। ସୋସିଆଲ ମିଡିଆରେ ଏହାର ଏକ ଭିଡିଓ ସାମ୍ନାକୁ ଆସିଥିଲା, ଯେଉଁଠାରେ ମା ଏବଂ ଝିଅ ସମାନ ଶରାରା ପିନ୍ଧିଥିବାର ନଜର ଆସିଥିଲେ।
