ଭୁବନେଶ୍ୱର,୧୭।୨ (ଅଭୟ ଦାଶ): ରାଜ୍ୟର ପ୍ରମୁଖ ଘରୋଇ ଶିକ୍ଷାନୁଷ୍ଠାନ ତଥା କୋଚିଂ ସେଣ୍ଟର ଆପ୍ଟି ପ୍ଲସ୍ ଏକାଡେମୀର ବହୁ ପ୍ରତୀକ୍ଷିତ ‘ଓଏଏସ୍ ଫାଉଣ୍ଡେଶନ କୋର୍ସ’ ପାଠ୍ୟକ୍ରମ (କାର୍ଯ୍ୟକ୍ରମ) ସମ୍ପର୍କରେ ଘୋଷଣା କରାଯାଇଛି। ଏପରିକି ଚଳିତ ବର୍ଷ ମାର୍ଚ୍ଚରୁ ଫାଉଣ୍ଡେଶନ କୋର୍ସର ପ୍ରଥମ ବ୍ୟାଚ୍ ଆରମ୍ଭ ହେବାକୁ ଯାଉଛି। ବିଶେଷକରି ଓଡ଼ିଶା ଆଡମିନିଷ୍ଟ୍ରେଟିଭ ସର୍ଭିସ୍ (ଓଏଏସ୍)ର ପ୍ରବେଶିକା ପରୀକ୍ଷା ପ୍ରସ୍ତୁତି ପାଇଁ ଆପ୍ଟି ପ୍ଲସ୍ ପକ୍ଷରୁ ଏହି ବିଶେଷ କାର୍ଯ୍ୟକ୍ରମର ଆରମ୍ଭ କରାଯାଇଛି। ଉଲ୍ଲେଖଯୋଗ୍ୟ, ଓଡ଼ିଶା ପବ୍ଲିକ ସର୍ଭିସ୍ କମିଶନ (ଓପିଏସ୍ସି) କଟକଙ୍କ ପକ୍ଷରୁ ଓଡ଼ିଶା ସିଭିଲ ସର୍ଭିସ୍ (ଓସିଏସ୍-୨୪) ପରୀକ୍ଷା ପାଇଁ ନିକଟରେ ବିଜ୍ଞପ୍ତି ପ୍ରକାଶ ପାଇଛି। ଉକ୍ତ ବିଜ୍ଞପ୍ତି ଅନୁଯାୟୀ ଓପିଏସ୍ସି ପକ୍ଷରୁ ପ୍ରାୟ ୩୯୯ ପଦବୀ ପୂରଣ ନିମନ୍ତେ ବିଜ୍ଞାପନ ପ୍ରକାଶିତ ହୋଇଯାଇଛି। ଏପରିକି ଓସିଏସ୍-୨୪ ପାଇଁ ଅନ୍ଲାଇନ ମାଧ୍ୟମରେ ଆବେଦନ ନିକଟରେ ଶେଷ ହୋଇଛି। ଅପରପକ୍ଷରେ ଉକ୍ତ ପରୀକ୍ଷା ଉପଲକ୍ଷେ ଆପ୍ଟି ପ୍ଲସ୍ ଉଭୟ ଅନ୍ଲାଇନ ଓ ଅଫ୍ଲାଇନ ମାଧ୍ୟମରେ ଆଶାୟୀ ଛାତ୍ରୀଛାତ୍ରଙ୍କୁ ଫାଉଣ୍ଡେଶନ କୋର୍ସ ଜରିଆରେ ଓଏଏସ୍-୨୪ର ସ୍ବତନ୍ତ୍ର ପ୍ରସ୍ତୁତି ପାଇଁ ବିଶେଷ ପାଠ୍ୟକ୍ରମ ଓ କାର୍ଯ୍ୟକ୍ରମର ଆରମ୍ଭ କରିଛି। ବର୍ତ୍ତମାନର ଓପିଏସ୍ସି ଓଡ଼ିଶା ପ୍ରଶାସନିକ ସେବା ପରୀକ୍ଷାର ପରିବର୍ତ୍ତିତ ଶୈଳୀରେ ଆହୁରି ଉନ୍ନତ ମାନର ପ୍ରସ୍ତୁତି କରିବାକୁ ଆପ୍ଟି ପ୍ଲସ୍ ପ୍ରୟାସ ଆରମ୍ଭ କରିଛି। ଏହି ପରିବର୍ତ୍ତିତ ଶୈଳୀକୁ ନେଇ ଆପ୍ଟି ପ୍ଲସ୍ ଏକାଡେମୀ ପକ୍ଷରୁ ନୂତନ ପାଠ୍ୟ ଖସଡ଼ା ଅନୁଯାୟୀ ନୂତନ ପାଠ୍ୟକ୍ରମ ଛାତ୍ରୀଛାତ୍ରମାନଙ୍କୁ ଯୋଗାଇ ଦିଆଯିବ। ଏଥିପାଇଁ ଆପ୍ଟି ପ୍ଲସ୍ର ସାମ୍ପ୍ରତିକ ଘଟଣାବଳୀ ପାଇଁ ଓଏଏସ୍ ଗ୍ୟାଜେଟ୍ ସହ ଉଭୟ ପ୍ରିଲିମ୍ ଏବଂ ମେନ୍ ପରୀକ୍ଷା ପାଇଁ ମଧ୍ୟ ପୁସ୍ତକମାନ ପ୍ରକାଶ କରାଯାଉଛି। ସେହିଭଳି ଆପ୍ଟି ପ୍ଲସ୍ ଏକାଡେମୀରେ ଦିଲ୍ଲୀର ଅଭିଜ୍ଞ ଅଧ୍ୟାପକ ଅଧ୍ୟାପିକାମାନଙ୍କ ଦ୍ୱାରା ଗୁଣାତ୍ମକ ଶିକ୍ଷା ପ୍ରଦାନ କରାଯାଉଛି। ଏପରିକି ଆବଶ୍ୟକ ସମସ୍ତ ପାଠ୍ୟପୁସ୍ତକ ମଧ୍ୟ ଛାତ୍ରୀଛାତ୍ରଙ୍କୁ ଯୋଗାଇ ଦିଆଯାଉଛି। ଆପ୍ଟି ପ୍ଲସ୍ର ଛାତ୍ରୀଛାତ୍ରାଙ୍କ ପାଇଁ ଟେଷ୍ଟ ସିରିଜଠାରୁ ଆରମ୍ଭକରି କ୍ଲାସ୍ରୁମ୍ (ଶ୍ରେଣୀ ଗୃହ) ପାଠ୍ୟକ୍ରମ ପର୍ଯ୍ୟନ୍ତ ସମସ୍ତ ବ୍ୟବସ୍ଥା କରାଯାଇଛି। ବିଶେଷକରି ଆପ୍ଟି ପ୍ଲସ୍ ଲାଇବ୍ରେରିର ବ୍ୟାପକ ବ୍ୟବସ୍ଥା ମଧ୍ୟ ରହିଛି।
