ଖଇରା, ୨।୧୧(ଉତ୍କଳବନ୍ଧୁ ପଣ୍ଡା) ବାଲେଶ୍ୱର ଜିଲା ଖଇରା ବ୍ଲକର ସର୍ବପୁରାତନ ଖଇରା ହାଇସ୍କୁଲ ସ୍ବତନ୍ତ୍ର ସ୍ଥାନ ଅଧିକାର କରିଛି ା ବିଦ୍ୟାଳୟର କିଛି ଜମିକୁ କିଛି ଦିନ ତଳେ ଖଇରା ମେଡିକାଲ ସମ୍ପ୍ରସାରଣ ପାଇଁ ପ୍ରଶାସନ ଅନୁମତି ପ୍ରଦାନ କରିବା ପରେ ଅଭିଭାବକ, ବୁଦ୍ଧିଜୀବୀଙ୍କ ମଧ୍ୟରେ ବିରୋଧାଭାସ ଆରମ୍ଭ ହୋଇଛି ା ସେହିଭଳି ଉକ୍ତ ବିଦ୍ୟାଳୟ ଜମିରେ ଆହାର କେନ୍ଦ୍ର, ମିଶନଶକ୍ତି କାଫେ ଭଳି ଅନ୍ୟାନ୍ୟ କାର୍ଯ୍ୟ ପାଇଁ ଉକ୍ତ ଜମିରେ ନିର୍ମାଣ କାର୍ଯ୍ୟ ଆରମ୍ଭ ପରେ ବିଦ୍ୟାଳୟ କମିଟି, ପୁରାତନ ଛାତ୍ର ପରିଷଦ ପକ୍ଷରୁ ପ୍ରତିକ୍ରିୟା ଦେଖିବାକୁ ମିଳିଛି। ତେବେ ଖଇରା ଅଞ୍ଚଳର ବୁଦ୍ଧିଜୀବୀ, ଶିକ୍ଷାବିତ୍ ଓ ପୁରାତନ ଛାତ୍ର ଆହାର କେନ୍ଦ୍ର ନିର୍ମାଣକୁ ସ୍ବାଗତ କରୁଥିଲେ ହେଁ ବିଦ୍ୟାଳୟ ଜମିକୁ ବ୍ୟବହାର କରାଯିବାକୁ ନେଇ ବିରୋଧ କରିବା ସହ ଏ ନିଷ୍ପତ୍ତିର ପୁନର୍ବିଚାର କରି ଅନ୍ୟ ସରକାରୀ ଜମିକୁ ସ୍ଥାନାନ୍ତର କରିବାକୁ ଦାବି କରିଛନ୍ତି ା ଏ ସମ୍ପର୍କରେ ଲିଖିତ ଦାବିପତ୍ର ବାଲେଶ୍ୱର ଜିଲାପାଳ, ଜିଲା ଶିକ୍ଷାଧିକାରୀ ତଥା ରାଜ୍ୟସ୍ତରୀୟ ଅଧିକାରୀଙ୍କୁ ପ୍ରଦାନ କରାଯାଇଛି ା
ମସିହାରେ ପ୍ରତିଷ୍ଠା ଲାଭ କରିଥିବା ବିଦ୍ୟାଳୟର ବର୍ତ୍ତମାନର ପିଲା ସଂଖ୍ୟା ପାଖାପାଖି ୫ ଶହ ା ବିଧାୟକ ଜ୍ୟୋତିପ୍ରକାଶ ପାଣିଗ୍ରାହୀଙ୍କ ପ୍ରଚେଷ୍ଟାରେ ଉକ୍ତ ବିଦ୍ୟାଳୟ ପ୍ରଥମ ବିଦ୍ୟାଳୟ ଭାବେ ୫-ଟି ରୂପାନ୍ତୀକରଣ ପ୍ରକ୍ରିୟାରେ ସାମିଲ ହୋଇଥିଲା। ବିଦ୍ୟାଳୟ ସମ୍ପ୍ରସାରଣ ତଥା ଏହାର ଉନ୍ନତୀକରଣ ପାଇଁ ବହୁ ବଦାନ୍ୟ ବ୍ୟକ୍ତି ଜମିଦାନ କରିଥିଲେ। ହାଇସ୍କୁଲ ନାମରେ ୩.୭୨ ଏକର ଜମି ରହିଥିବା ବେଳେ ଚତୁଃପାର୍ଶ୍ୱରେ ଜବରଦଖଲ ଯୋଗୁ ବାସ୍ତବରେ ଏବେ ମାତ୍ର ୩ ଏକର ଜମି ରହିଛି ା ହେଲେ ନିକଟରେ ଏହି ଜମିରୁ ୫୫ ଡିସିମିଲ ଜମିକୁ ଖଇରା ମେଡିକାଲ ସମ୍ପ୍ରସାରଣ ପାଇଁ ପ୍ରଦାନ କରାଯିବା ପରେ ଆହା
ର କେନ୍ଦ୍ର, ମିଶନଶକ୍ତି କାଫେ ଓ ଜିମ୍ ନିର୍ମାଣ କାର୍ଯ୍ୟ ଆରମ୍ଭ ହୋଇଛି ା ଜମି ହସ୍ତାନ୍ତର ପାଇଁ ତହସିଲଦାର, ଗୋଷ୍ଠୀ ଶିକ୍ଷାଧିକାରୀ, ରାଜସ୍ବ ନିରୀକ୍ଷକ, ଭାରପ୍ରାପ୍ତ ଚିକିତ୍ସାଧିକାରୀଙ୍କ ଦ୍ୱାରା ଜୁଲାଇ ୧୩ତାରିଖରେ ପ୍ରସ୍ତୁତ ରିପୋର୍ଟକୁ ନେଇ ସାଧାରଣରେ ଉକ୍ତ ଅଧିକାରୀମାନଙ୍କ ସ୍ବଚ୍ଛତା ଉପରେ ଅଙ୍ଗୁଳି ନିର୍ଦ୍ଦେଶ କରାଯାଇଛି ା ରିପୋର୍ଟରେ ଉକ୍ତ ଜାଗା ସ୍କୁଲ ଦ୍ୱାରା ବ୍ୟବହୃତ ହେଉ ନ ଥିବା ଏବଂ କୌଣସି ବଡ ଗଛ ନ ଥିବା ଉଲ୍ଲେଖ କରାଯାଇଛି ା ହେଲେ ଏହି ୫୫ ଡିସମିଲ ଜମି ଉପରେ ଥିବା ବଡ ବଡ ଗଛକୁ ଠିକାଦାର କାଟି ବିକ୍ରି କରିଥିବା ଏବଂ ଯାହାର ଗଣ୍ଡି ଏବେ ମଧ୍ୟ ପଡିରହିଛି ା
ଆସୁଥିବା ରୋଗୀଙ୍କ ପାଇଁ ଆହାର କେନ୍ଦ୍ରର ଗୁରୁତ୍ୱ ନିଶ୍ଚିତ ରହିଛି ହେଲେ ଆଜି ବି ବିଦ୍ୟାଳୟର ବହୁ କାର୍ଯ୍ୟ ଯଥା ଛାତ୍ରାବାସ, ଷ୍ଟାଫ କ୍ୱାର୍ଟର୍ସ, ଖେଳପଡିଆର ଆବଶ୍ୟକତା ଥିବାରୁ ବିଦ୍ୟାଳୟ ଭବିଷ୍ୟତ ଉନ୍ନୟନ କାର୍ଯ୍ୟକୁ ପ୍ରାଥମିକତା ଦିଆଯିବା ଆବଶ୍ୟକ ବୋଲି ଆଲୁମିନି ସଭାପତି ମୁକ୍ତିକାନ୍ତ ଶତପଥି କହିଛନ୍ତି ା ସ୍କୁଲ ଜାଗାର ସୀମା ନିର୍ଦ୍ଧାରଣ କରାଯାଇ ସମସ୍ତ ଜାଗା ସ୍କୁଲକୁ ଫେରାଇ ଦିଆଯାଉ ବୋଲି କମିଟି ସଭାପତି ସଞ୍ଜୟ ସାହୁ କହିଛନ୍ତି ା ସାଧାରଣ ଲୋକଙ୍କ ହିତକୁ ଦୃଷ୍ଟିରେ ରଖି କିଛି ଲୋକଙ୍କ ଆବେଦନ ପରେ ଏହି ଜମି ମେଡିକାଲକୁ ଦିଆଯାଇଥିବା ନେଇ ତହସିଲଦାର ପ୍ରଶାନ୍ତ କୁମାର ମହାରଣା କହିଛନ୍ତି ା
ଚିଠଟି ଦେଖିବା ପରେ ତାଙ୍କର ଦସ୍ତଖତ କି ନୁହେଁ କହିପାରିବେ ବୋଲି ବିଇଓ ଗଦାଧର ଦାସ କହିଛନ୍ତି ା
