ମୁମ୍ବାଇ: କମେଡି କିଙ୍ଗ କପିଲ ଶର୍ମା ନିକଟରେ ଓଟିଟି ଡେବ୍ୟୁ କରି ସାରିଛନ୍ତି । ନେଟଫ୍ଲିକ୍ସରେ ୨୮ ଜାନୁୟାରୀରେ କପିଲଙ୍କ ଶୋ ‘ଆଇ ଆମ୍ ନଟ୍ ଡନ୍ ୟେଟ’ ରିଲିଜ ହୋଇଛି ଯାହାର ଖୁବ୍ ଚର୍ଚ୍ଚା ହେଉଛି । ଏହି ଶୋ’ରେ କପିଲ ନିଜ ଡିପ୍ରେଶନ, ମୁମ୍ବାଇ ଆସିବା ପରର ଷ୍ଟ୍ରଗଲ, ପ୍ରଧାନମନ୍ତ୍ରୀଙ୍କୁ କରିଥିବା ଟୁଇଟଠାରୁ ନେଇ ମଦ ନିଶାରେ କରିଥିବା ଭୁଲ ସମ୍ପର୍କରେ ଖୋଲାଖୋଲି କଥା ହୋଇଥିଲେ । ତେବେ ୧ ଘଣ୍ଟା ମଧ୍ୟରେ କପିଲ ତାଙ୍କ ପର୍ସନାଲ ଲାଇଫକୁ ଉପସ୍ଥାପନ କରିବାକୁ ଚେଷ୍ଟା କରିଥିଲେ ।
‘ଆଇ ଆମ ନଟ ଡନ ୟେଟ’ ପରେ ଏବେ ନିକଟରେ କପିଲଙ୍କ ଶୋ’ରେ ପ୍ରମୋଶନ କରିବାକୁ ଆଉ ଏକ ଶୋ’ ଅର୍ଗାନାଇଜ କରାଯାଇଥିଲା । ଯେଉଁଥିରେ କମମେଡିଆନ ଭିଡିଓ କଲ ଜରିଆରେ ନିଜ ଫ୍ୟାନମାନଙ୍କ ସହ କଥା ହୋଇଥିଲେ । ଏହି ସମୟରେ କପିଲଙ୍କ କଲେଜର ଜଣେ ମଲିକ ମ୍ୟାଡାମ କଲ କରିଥିଲେ ଆଉ କପିଲଙ୍କ ସମ୍ପର୍କରେ ଅନେକ କଥା କହିଥିଲେ । ଏହି ସମୟରେ ଦୀର୍ଘ ପ୍ରାୟ ୨୦ ବର୍ଷ ପରେ କପିଲ ତାଙ୍କ ମଲିକ ମ୍ୟାଡାମଙ୍କ ସାମ୍ନାରେ ଏକ ସତ କଥା କହିଥିଲେ । ସେ କହିଥିଲେ କଲେଜରେ ପଢିବା ସମୟରେ ଦିନେ ସେ ଏକ ପ୍ଲେ ରିହରସଲ ପାଇଁ ମ୍ୟାଡାମଙ୍କ ଘରକୁ ଯାଇଥିବା ବେଳେ ସେଠାରେ ମ୍ୟାଡାମଙ୍କ ହଜବାଣ୍ଡଙ୍କର ଏକ ମଦ ବୋତଲ ଉପରେ ତାଙ୍କର ଆଖି ପଡିଥିଲା । ଆଉ ସେଥିରୁ ସେ ଟିପେ ପିଇଦେଇ ପ୍ଲେ ରିହରସଲ କରିଥିଲେ । ଅବଶ୍ୟ ଆଜି ପର୍ଯ୍ୟନ୍ତ ଏ ସର୍ମ୍ପକରେ ସେ ମ୍ୟାଡାମଙ୍କୁ ଜଣାଇ ନ ଥିଲେ । ତେବେ ଏହା ତାଙ୍କର ଟ୍ୟାଲେଣ୍ଟ ବୋଲି କହି ଶେଷରେ କପିଲ ଏକ ହସଖୁସିର ପରିବେଶ ସୃଷ୍ଟି କରିଥିଲେ ।
