ନିକଟରେ କ୍ରିକେଟର ବିରାଟ କୋହଲି ଏବଂ ଅଭିନେତ୍ରୀ ଅନୁଷ୍କା ଶର୍ମା ସେମାନଙ୍କର ଷଷ୍ଠ ବିବାହ ବାର୍ଷିକୀ ପାଳନ କରିଛନ୍ତି। ସେ ଏହି ସ୍ବତନ୍ତ୍ର ଦିନର ବିଶେଷ ଉପହାର ଫଟୋ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଶେୟାର କରିଛନ୍ତି। ଅନୁଷ୍କା ଏବଂ ବିରାଟଙ୍କ ବାର୍ଷିକ ଉତ୍ସବରେ ଏହି ସେଲିବ୍ରିଟି ଦମ୍ପତିଙ୍କ ବ୍ୟତୀତ ଆଉ ଏକ କଥା ଅଛି ଯାହା ଚର୍ଚ୍ଚାର ବିଷୟ ପାଲଟିଛି। ଯେତେବେଳେ ବିରାଟ ଇନ୍ଷ୍ଟାଗ୍ରାମ୍ରେ ବିବାହ ବାର୍ଷିକୀ ଫଟୋ ଶେୟାର କରିଥିଲେ, ସେତେବେଳେ ଲୋକମାନେ ଉଭୟଙ୍କୁ ଅଭିନନ୍ଦନ ଜଣାଇବା ସହିତ ଆଉ ଗୋଟିଏ କଥା ଲକ୍ଷ୍ୟ କରିଛନ୍ତି। କିଛିଦିନ ପୂର୍ବରୁ ପୋଷ୍ଟ ହୋଇଥିବା ଏହି ଫଟୋକୁ ବର୍ତ୍ତମାନ ପର୍ଯ୍ୟନ୍ତ ପ୍ରାୟ ୮୭ ଲକ୍ଷ ପସନ୍ଦ କରିଥିବା ବେଳେ ବିରାଟଙ୍କ ଏକ ଘଣ୍ଟା ମଧ୍ୟ ଚର୍ଚ୍ଚାରେ ରହିଛି। ବାସ୍ତବରେ ବିରାଟ ଫଟୋରେ ପିନ୍ଧିଥିବା ହାତଘଣ୍ଟା ହେଉଛି କସମୋଗ୍ରାଫ ଡେଟୋନା ରୋଲେକ୍ସ ।
ଏକ ଫଟୋରେ ଅନୁଷ୍କା ବିରାଟିଙ୍କୁ ପଛରୁ ଆଲିଙ୍ଗନ କରୁଛନ୍ତ। ଉଭୟ ସୁନ୍ଦର ହସ ହସୁଛନ୍ତି। ବିରାଟ ଗାଢ଼ ବାଦାମୀ ଡେନିମ ଏବଂ ଧଳା ଜୋତା ସହିତ କଳା ଶର୍ଟ ପିନ୍ଧିଛନ୍ତି। ସେ ତାଙ୍କ ହାତରେ ଏକ ରୋଲେକ୍ସ ଘଣ୍ଟା ପିନ୍ଧିଛନ୍ତି। ଯେଉଁଥିରେ ୧୮ କ୍ୟାରେଟ ଗୋଲ୍ଡ ରହିଛି। ଏହି ଘଣ୍ଟାର ମୂଲ୍ୟ ହେଉଛି ୩୩ ଲକ୍ଷ ୮୯ ହଜାର ୫୦୦ଟଙ୍କା। ସେହିପରି ଅନୁଷ୍କା ତାଙ୍କ ଆଙ୍ଗୁଠିରେ ଏକ ଚମତ୍କାର ହୀରା ମୁଦି ପିନ୍ଧିଥିବା ନଜର ଆସିଛନ୍ତି। ଯାହା ଏବେ ଖୁବ୍ ଭାଇରାଲ ହେଉଛି।
