ମୁମ୍ବାଇ: ଭଜନ ସମ୍ରାଟ ଅନୁପ ଜଲୋଟା ଓ ତାଙ୍କ ଶିଷ୍ୟା ଜଶଲିନ ମଥାରୁଙ୍କୁ ନେଇ ଏବେ ସୋସିଆଲ ମିଡିଆରେ ଚାଲିଛି ଚର୍ଚ୍ଚା । ଉଭୟ କୁଆଡେ ବିବାହ କରିଛନ୍ତି ବୋଲି ନିକଟରେ ଶୁଣିବାକୁ ମିଳିଥିଲା । ଏବେ ଏହାକୁ ନେଇ ମୁହଁ ଖୋଲିଛନ୍ତି ଭଜନ ସମ୍ରାଟ । ସେ କହିଛନ୍ତି ଆଶ୍ଚର୍ଯ୍ୟର କଥା ଯେ ଲୋକେ ସୋସିଆଲ ମିଡିଆରେ ଶେୟାର କରାଯାଇଥିବା ଫଟୋକୁ ବିଶ୍ୱାସ କରୁଛନ୍ତି । ପ୍ରକୃତରେ ଜଶଲିନ ହେଉଛନ୍ତି ଖୁବ୍ ମଡର୍ଣ୍ଣ । ହେଲେ ମୁଁ ଧୋତି ପିନ୍ଧା ସାଦାସିଧା ଲୋକ । ତାଙ୍କର ମୋ ସହ ସମ୍ପର୍କ କେବେବି ଖାପ ଖାଇବ ନାହିଁ । ଏମିତିକି ମୁଁ ଯଦି ୩୫ ବର୍ଷ ବୟସର ଯୁବକ ହୋଇଥାଆନ୍ତି ତେବେ ବି ମୁଁ ଜଶଲିନଙ୍କୁ ବିବାହ କରି ନ ଥାଆନ୍ି ବୋଲି ସେ କହିଛନ୍ତି । କାରଣ ମୁଁ ଓ ମୋ ପରିବାର ଆଧ୍ୟାତ୍ମିକ ମାର୍ଗର ଆଉ ଜଶଲିନ ସମ୍ପୂର୍ଣ୍ଣ ଆଧୁନିକା ନାରୀ । ଆମ ଭିତରେ କେବଳ ଗୁରୁ-ଶିଷ୍ୟାର ସମ୍ପର୍କ । ଏବେ ସୋସିଆଲ ମିଡିଆରେ ଯେଉଁ ଫଟୋଟି ଶେୟାର କରାଯାଇଛି ତାହା ଏକ ଫିଲ୍ମର ଫଟୋ ବୋଲି ଅନୁପ କହିଛନ୍ତି । ଯେଉଁଥିରେ ସେ ଜଶଲିନଙ୍କ ପିତା ଭୂମିକାରେ ଅଭିନୟ କରିଛନ୍ତି । ତେଣୁ ତାକୁ ନେଇ ଯେଉଁ ଭୁଲ୍ ତଥ୍ୟ ଦିଆଯାଇଛି ତାକୁ ବିଶ୍ୱାସ କରିବା ଅନୁଚିତ ବୋଲି ସେ କହିଛନ୍ତି । ସୂଚନାଯୋଗ୍ୟ, ଅନୁପ ଜଲୋଟା ଓ ଜଶଲିନଙ୍କ ସମ୍ପର୍କ ଏବେକାର ନୁହେଁ । ଉଭୟ ଯେତେବେେ ବିଗ୍ ବସ୍ରେ କପୁଲ ଭାବେ ଏଣ୍ଟ୍ରି କରିଥିଲେ ସେତେବେଳେ ବି ଉଭୟଙ୍କ ରିଲେଶନକୁ ନେଇ ଚର୍ଚ୍ଚା ହୋଇଥିଲା ।
