କଟକ ଅଫିସ,୧୩।୧୧: କଟକ ମହାନଗର ନିଗମ(ସିଏମ୍ସି) ଅଞ୍ଚଳରେ ହୋଇଥିବା ସେରୋ ସର୍ଭେ ରିପୋର୍ଟ ଗୁରୁବାର ପ୍ରକାଶ ପାଇଛି। ରିଜିଓନାଲ ମେଡିକାଲ ରିସର୍ଚ୍ଚ ସେଣ୍ଟର (ଆର୍ଏମ୍ଆର୍ସି) ଭୁବନେଶ୍ୱର ଦ୍ୱାରା ହୋଇଥିବା ସର୍ବେକ୍ଷଣ ଅନୁଯାୟୀ, କଟକରେ ୪୬.୩୯ ପ୍ରତିଶତ ଲୋକଙ୍କ ଦେହରେ ଆଣ୍ଟିବଡି ସୃଷ୍ଟି ହୋଇଛି ବୋଲି ସିଏମ୍ସି କମିଶନର ଅନନ୍ୟା ଦାସ କହିଛନ୍ତି। ସର୍ଭେରେ ଉଭୟ କମ୍ୟୁନିଟି ଓ ହାଇରିସ୍କ ଗ୍ରୁପର ଲୋକମାନଙ୍କଠାରୁ ନମୁନା ସଂଗ୍ରହ କରାଯାଇଥିଲା। ସିଏମ୍ସି ଅଧୀନ ୨୫ଟି ୱାର୍ଡର ୨୨୭୪ ଜଣଙ୍କଠାରୁ ନମୁନା ସଂଗ୍ରହ କରାଯାଇଥିଲା। ସେଥିମଧ୍ୟରୁ ୧୦୫୫ ଜଣ ଅର୍ଥାତ୍ ୪୬.c୯ ପ୍ରତିଶତ ଲୋକଙ୍କ ଦେହରେ ଆଣ୍ଟିବଡି ତିଆରି ହୋଇଥିବା ଜଣାପଡିଛି। ସେହିପରି ବିଭିନ୍ନ ବୃତ୍ତିର ହାଇରିସ୍କ ଗ୍ରୁପରୁ ୧୬୩୪ ଜଣଙ୍କ ନମୁନା ସଂଗ୍ରହ କରାଯାଇଥିଲା। ଏମାନଙ୍କ ମଧ୍ୟରୁ ୫୬.୪୧ ପ୍ରତିଶତ ଲୋକଙ୍କ ଦେହରେ ଆଣ୍ଟିବଡି ସୃଷ୍ଟି ହୋଇଛି। କିନ୍ତୁ ଲିଙ୍ଗ ଓ ବୟସ ଦୃଷ୍ଟିକୋଣରୁ ଏହି ତଥ୍ୟରେ ସେତେଟା ଆଖିଦୃଶିଆ ଫରକ ନ ଥିବା ଜଣାପଡିଛି। ଆଗକୁ ଦୀପାବଳିରେ ଗହଳି ନ କରିବାକୁ ପରାମର୍ଶ ଦିଆଯାଇଛି। ମାସ୍କ ପିନ୍ଧିବା ସହ କରୋନା ନିୟମ ମାନି କାଳୀପୂଜା ପାଳନ କରିବାକୁ କୁହାଯାଇଛି। ଏପରି କି ବାଣ ଫୁଟାଇବାକୁ ସମ୍ପୂର୍ଣ୍ଣ ବାରଣ କରାଯାଇଛି।
