ବ୍ରାହ୍ମଣୀଗାଁ ୨୮\୧(ମନୋରଞ୍ଜନ ରଣା): ଆଜି ଋଷୀମାଳ ମହାବିଦ୍ୟାଳୟ ପରିସରରେ ବାର୍ଷିକ କ୍ରୀଡ଼ା ଉତ୍ସବ ଅନୁଷ୍ଠିତ ହୋଇଯାଇଛି । ମୁଖ୍ୟ ଅତିଥି ଭାବେ ସ୍ଥାନୀୟ ସରପଞ୍ଚ ଶ୍ରୀମତୀ ସଂଯୁକ୍ତା ମଳିକ ଦୀପପ୍ରଜଳନ କରି ଉଦଘାଟନ କରିଥିଲେ । ଯୁକ୍ତ ଦୁଇ ଅଧ୍ୟକ୍ଷ ଦେବରାଜ ବଳିଆର ସିଂ ଏଵଂ ସ୍ନାତକ ମହାବିଦ୍ୟାଳୟର ଅଧ୍ୟକ୍ଷ ଡ଼. ଭାସ୍କର ଚରଣ ନାୟକ ଙ୍କ ମିଳିତ ଅଧ୍ୟକ୍ଷତା ରେ ବାର୍ଷିକ କ୍ରୀଡ଼ା ଉତ୍ସବ ହୋଇଯାଇଛି। ଏହି କାର୍ଯ୍ୟକ୍ରମ ୩ ଦିନ ଧରି ଆୟୋଜିତ ହେବ । ହାଇ ଜମ୍ପ୍ , ଲଙ୍ଗ ଜମ୍ପ, ରନିଙ୍ଗ , ସଟ୍ ଫୁଟ୍, ଡିସ କସ୍, ଜାଭଲୀନ କ୍ରୀଡ଼ା ରେ ୬୦୦ ଜଣ ଛାତ୍ରୀ ଛାତ୍ର ଅଂଶଗ୍ରହଣ କରିଛନ୍ତି । ଏହି କାର୍ଯ୍ୟକ୍ରମ କୁ କ୍ରୀଡ଼ା ଶିକ୍ଷକ ରବି ନାରାୟଣ ତ୍ରୀପାଠୀ ପରିଚାଳନା କରିଥିବା ବେଳେ ମାଧବ ଖୁଣ୍ଟିଆ, ଲୋକନାଥ ମହଙ୍କୁଡ଼, ରାଜେଶ କୁମାର ସାହୁ , ପ୍ରକାଶ ଚନ୍ଦ୍ର ମହାରଣା କ୍ରୀଡ଼ା ଶିକ୍ଷକ ସହଯୋଗ କରିଥିଲେ ।
