ବେଙ୍ଗାଲୁରୁ, ୧୧ା୩ (ପି.ଟି.): ଭାରତ ଅଙ୍କିତା ରାଇନା ଓ ଋତୁଜା ଭୋସେଲ ଏଠାରେ ଚାଲିଥିବା ଆଇଟିଏଫ୍ ଓମେନ୍ସ ଓପନ ସିଙ୍ଗଲ୍ସ ସେମିଫାଇନାଲରେ ପ୍ରବେଶ କରିଛନ୍ତି। ଟୁର୍ନାମେଣ୍ଟରେ ଚତୁର୍ଥ ସିଡ୍ ରାଇନା ବୋସନିଆ ହର୍ଜଗୋଭିନାର ଦିଆ ହର୍ଜେଲାସ୍ଙ୍କୁ ୬-୧, ୬-୭ (୭), ୭-୫ରେ ପରାସ୍ତ କରିଥିବା ବେଳେ କେଏସ୍ଏଲ୍ଟିଏ ଷ୍ଟାଡିୟମରେ ଭୋସଲେ୍ ୮ମ ସିଡ୍ ବ୍ରିଟେନର ଇଡେନ୍ ସିଲ୍ଭାଙ୍କୁ ୩-୬, ୭-୬ (୫), ୬-୪ରେ ହରାଇ ଦେଇଛନ୍ତି। ରାଇନା ଶନିବାର ଏକ ଅଲ୍ ଇଣ୍ଡିଆନ ସେମିଫାଇନାଲରେ ଭୋସେଲ୍ଙ୍କୁ ଭେଟିବେ। ଆଇଟିଏଫ୍ ଓମେନ୍ସ ଓ୍ବାଲର୍ଡ ଟେନିସ ଟୁର୍ର ଏକ ଅଂଶବିଶେଷ ଏହି ଟୁର୍ନାମେଣ୍ଟର ଆୟୋଜକ ହେଉଛି କର୍ନାଟକ ରାଜ୍ୟ ଲନ୍ ଟେନିସ ଆସୋସିଏଶନ (କେଏସ୍ଏଲ୍ଟିଏ)। ପୂର୍ବରୁ ଚେକ୍ ରିପବ୍ଲିକର ବ୍ରେଣ୍ଡା ଫ୍ରୁଭିର୍ତ୍ତୋଭା ୬ଷ୍ଠ ସିଡ୍ ଇଣ୍ଡୋନେସିଆର ମେଡ୍ଲିନ୍ ନୁଗ୍ରୋହୋଙ୍କ ବିପକ୍ଷରେ ୬-୦, ୭-୫ରେ ବିଜୟ ହାସଲ କରି ସେମିଫାଇନାଲରେ ପ୍ରବେଶ କରିଥିଲେ। ଅନ୍ୟଏକ କ୍ୱାର୍ଟରଫାଇନାଲରେ ୫ମ ସିଡ୍ ଡାଲିଲା ଜାକୁପୋଭିଚ୍ ୬-୨, ୬-୦ ସିଧାସଳଖ ସେଟ୍ରେ ଇକୁମି ୟାମାଜାକିଙ୍କୁ ହରାଇ ଦେଇଛନ୍ତି। ପରେ ଏକ ଡବଲ୍ସ ସେମିଫାଇନାଲରେ ଭୋସେଲ୍ ଓ ତାଙ୍କ ସ୍ବିଡିଶ ପାର୍ଟନର ଜାକ୍ୱିଲିନ୍ ଆଓ୍ବାଦ ନମ୍ବର ଓ୍ବାନ ସିଡ୍ ଯୋଡ଼ି ଜର୍ଜ ଫ୍ରାନ୍ସିକା ଓ ଜର୍ଜ ମାଟିଲ୍ଡିଙ୍କଠାରୁ ୬-୨, ୩-୬, ୮-୧୦ରେ ପରାଜିତ ହୋଇଛନ୍ତି।
