ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତଙ୍କ ପୂର୍ବତନ ଗର୍ଲଫ୍ରେଣ୍ଡ ଅଙ୍କିତା ଲୋଖଣ୍ଡେ ପୁଣି ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କ ଉପରେ ବର୍ଷିଛନ୍ତି। ଅଙ୍କିତା ପୁଣି ଥରେ ସୋସିଆଲ ମିଡିଆରେ ଏକ ଲମ୍ବା ପୋଷ୍ଟ ଶେୟାର କରିଛନ୍ତି। ରିୟାଙ୍କୁ ଟାର୍ଗେଟ କରି ଅଙ୍କିତା କହିଛନ୍ତି ଯେ ଯିଏ ଦାବି କରେ ଯେ ସେ କାହାକୁ ବହୁତ ଭଲ ପାଏ ଏବଂ ତାଙ୍କ ମାନସିକ ସ୍ବାସ୍ଥ୍ୟ ବିଷୟରେ ଜାଣନ୍ତି, ସେ ତାଙ୍କୁ ଡ୍ରଗ୍ସ ଦେବାକୁ ଚାହିଁିବେ କି? ଯଦି କେହି ଏହା କରନ୍ତି, ତେବେ ଏହାକୁ ଅବହେଳା ଏବଂ ଦାୟିତ୍ୱହୀନ କାର୍ଯ୍ୟ ଭାବରେ ବିବେଚନା କରାଯିବା ଉଚିତ ନୁହେଁ କି? ଗଣମାଧ୍ୟମ ମୋତେ ବାରମ୍ବାର ପଚାରୁଛି, ସୁଶାନ୍ତଙ୍କ ମାମଲା ଆତ୍ମହତ୍ୟା ନା ହତ୍ୟା? ମୁଁ ଏହା ସ୍ପଷ୍ଟ କରିବାକୁ ଚାହେଁ ଯେ ମୁଁ କେବେ କହିନାହିଁ ଏହା ଏକ ହତ୍ୟା କିମ୍ବା ଏଥିପାଇଁ କୌଣସି ବିଶେଷ ବ୍ୟକ୍ତି ଦାୟୀ। ମୁଁ ମୋର ବନ୍ଧୁ ସୁଶାନ୍ତ ସିଂ ରାଜପୁତଙ୍କ ପାଇଁ ସର୍ବଦା ନ୍ୟାୟ ଦେବା ପାଇଁ ଆଗକୁ ଆସିଛି। ମୁଁ ତାଙ୍କ ପରିବାର ସହିତ ଛିଡା ହୋଇଛି। ତାଙ୍କ ମୃତ୍ୟୁ ପଛରେ କଣ ରହିଛି ରହସ୍ୟ ତାହା ପଦାକୁ ଆସୁ। ସେ ଆହୁରି ମଧ୍ୟ କହିଛନ୍ତି ଜଣେ ମହାରାଷ୍ଟ୍ର ଏବଂ ଭାରତୀୟ ନାଗରିକ ଭାବରେ ମୋର ମହାରାଷ୍ଟ୍ର ରାଜ୍ୟ ସରକାର/ ପୋଲିସ ଏବଂ କେନ୍ଦ୍ର ସରକାରଙ୍କ ଉପରେ ସମ୍ପୂର୍ଣ୍ଣ ବିଶ୍ୱାସ ଅଛି। ଯେତେବେଳେ ମୋତେ ସଉତୁଣୀ ଏବଂ ବିଧବା ଭଳି ଶବ୍ଦ ବ୍ୟବହାର କରାଗଲା ସେତେବେଳେ ମୁଁ କୌଣସି ପ୍ରତିକ୍ରିୟା ଦେଇ ନ ଥିଲି। ମୁଁ କେବଳ ୨୦୧୬ ପର୍ଯ୍ୟନ୍ତ ସୁଶାନ୍ତ ଏବଂ ତାଙ୍କ ମାନସିକ ସ୍ବାସ୍ଥ୍ୟ ବିଷୟରେ ଜଣାଇବାକୁ ଆଗକୁ ଆସିଥିଲି ବୋଲି ସେ କହିଛନ୍ତି।
ସୂଚନାଯୋଗ୍ୟ, ଏହି ମାମଲାର ମୁଖ୍ୟ ଅଭିଯୁକ୍ତ ସୁଶାନ୍ତଙ୍କ ଗର୍ଲଫ୍ରେଣ୍ଡ ରିୟା ଏନସିବି ଦ୍ୱାରା ଗିରଫ ହୋଇଛନ୍ତି। ରିୟା ବାଇକୁଲ୍ଲା ମହିଳା କାରାଗାରରେ ଅଛନ୍ତି।
https://www.instagram.com/p/CE7A8achrmM/?utm_source=ig_web_copy_link
