ମୁମ୍ବାଇ: ୨୦୨୩ ର ବହୁ ପ୍ରତୀକ୍ଷିତ ଫିଲ୍ମ ‘ଆନିମଲ୍’ର ଟ୍ରେଲର ରିଲିଜ ହୋଇଛି। ଟ୍ରେଲରରେ ଏପରି ଧମାକାଦାର ଆକ୍ସନ ସିନ୍ ରହିଛି ଯାହାକୁ ଦେଖି ସିନେପ୍ରେମୀମାନେ ଏହାର ଖୁବ ପ୍ରଶଂସା କରିଛନ୍ତି। ରଣବୀର କପୁର ତାଙ୍କର ସିନେମା କ୍ୟାରିୟରରେ ପ୍ରଥମ ଥର ପାଇଁ ଏଭଳି ଭୟାନକ ଏବଂ ଦୁର୍ଦଶ ଚରିତ୍ରରେ ନଜର ଆସିଛନ୍ତି। ଯାହାକୁ ଦେଖିଲା ପରେ ଦର୍ଶକମାନେ ରଣବୀରଙ୍କ ଅଭିନୟ ଦେଖିବା ପାଇଁ ସିନେମା ଘରକୁ ଟାଣି ହୋଇଯିବେ।
ସେହିଭଳି ଫିଲ୍ମରେ ରଣବୀର କାପୁରଙ୍କୁ କଡ଼ା ଟକ୍କର ଦେଇଛନ୍ତି ବବି ଦେଓଲ। ଟ୍ରେଲରୁ ଜଣା ପଡୁଛି କି ଫିଲ୍ମରେ ବବି ଦେଓଲଙ୍କୁ ସ୍କ୍ରିନରେ ଖୁବ କମ୍ ସମୟ ମିଳିଥିବ କିନ୍ତୁ ସେହି ସ୍ୱଳ୍ପ ସମୟରେ ବବି ତାଙ୍କର ଦମଦାର ଅଭିନୟର ଯାଦୁ ଦେଖାଇଛନ୍ତି। ଏହି ଫିଲ୍ମରେ ବବି ଦେଓଲ ଭିଲେନ ଭୂମିକାରେ ଖ୍ବୁ ଭୟଙ୍କର ନଜର ଆସିଛନ୍ତି।
ଟ୍ରେଲରରେ ମୁଖ୍ୟ ସିନ୍ ରଣବୀର କପୁର ଏବଂ ବବି ଦେଓଲଙ୍କ ଫାଇଟିଂ ସିନ୍ ରହିଛି। ଏଥିରେ ୫୪ ବର୍ଷୀୟ ବବି ପାୱାରଫୁଲ ଗରମ ମିଜାଜ ସହିତ ରଣବୀରଙ୍କ ସହିତ ଫାଇଟିଂ କରୁଛନ୍ତି। ଯାହା ଟ୍ରେଲରର ଶେଷ ଭାଗରେ ରହିଛି। ଏହି ଫିଲ୍ମରେ ଦମଦାର ଅଭିନୟ ପାଇଁ ରଣବୀର କପୁର ଏବଂ ବବି ଦେଓଲଙ୍କୁ ସେମାନଙ୍କ ସିନେମା କ୍ୟାରିୟରକୁ ଏକ ନୂଆ ଦିଶା ଦେବ। ଟ୍ରେଲରରେ ଏପରି ଧମାକାଦାର ଅଭିନୟ ଦେଖି ସମ୍ପୂର୍ଣ୍ଣ ସିନେମା ଦର୍ଶକଙ୍କୁ ଏକ ଶ୍ରେଷ୍ଠ ଫିଲ୍ମ ଉପହାର ଦେଇପାରେ। ଫିଲ୍ମ ୧ ଡିସେମ୍ବରରେ ରିଲିଜ ହେବ। ଫିଲ୍ମରେ ଅନିଲ କପୁର ଏବଂ ରଶ୍ମିକା ମନ୍ଦାନା ଅନ୍ୟ ପ୍ରମୁଖ ଚରିତ୍ରରେ ନଜର ଆସିଛନ୍ତି।
