କୋଲକାତା,୯।୫:ପଶ୍ଚିମବଙ୍ଗର ସନ୍ଦେଶଖାଲି ନିବାସୀ ତିନିଜଣ ମହିଳାଙ୍କ ମଧ୍ୟରୁ ଜଣେ ତୃଣମୂଳ କଂଗ୍ରେସ (ଟିଏମସି) ନେତାଙ୍କ ବିରୋଧରେ ବଳାତ୍କାର ଅଭିଯୋଗ ପ୍ରତ୍ୟାହାର କରିନେଇଛନ୍ତି। ବଙ୍ଗଳାର ଉତ୍ତର ୨୪ ପରଗାନା ଜିଲାର ସନ୍ଦେଶଖାଲିର ଏହି ମହିଳା ଏହି ଅଭିଯୋଗ ପ୍ରତ୍ୟାହାର କରି କହିଛନ୍ତି,ତାଙ୍କ ସହ କୌଣସି ଯୌନ ଅପରାଧ କରାଯାଇ ନାହିଁ। ଭାଜପା ସଦସ୍ୟମାନେ ତାଙ୍କଠାରୁ ଏକ ଖାଲି କାଗଜରେ ଦସ୍ତଖତ କରିଥିଲେ ଏବଂ ପରେ ପୋଲିସ ସହିତ ଯୋଗାଯୋଗ କରିଥିଲେ।
ମହିଳା ଜଣକ କହିଛନ୍ତ, ଖାଲି କାଗଜପତ୍ରରେ ଦସ୍ତଖତ ଦେବା ସହ ବଳାତ୍କାର ଅଭିଯୋଗ ଦାଖଲ କରିବାକୁ ଭାଜପା ମୋତେ ଚାପ ପକାଇଥିଲା। ମିଥ୍ୟା ଅଭିଯୋଗ ପ୍ରତ୍ୟାହାର ପାଇଁ ମହିଳା ଜଣକ ଏବେ ଧମକ ଏବଂ ସାମାଜିକ ବହିଷ୍କାରର ସମ୍ମୁଖୀନ ହୋଇଛନ୍ତି। ଏହି ପରିପ୍ରେକ୍ଷୀରେ ମହିଳା ଜଣକ ସନ୍ଦେଶଖାଲି ଥାନାରେ ଏକ ନୂତନ ଅଭିଯୋଗ ମଧ୍ୟ କରିଛନ୍ତି। ସନ୍ଦେଶଖାଲି ରେ ମହିଳାଙ୍କୁ ବଳାତ୍କାର ଅଭିଯୋଗ ସାମ୍ନାକୁ ଆସିବା ପରେ ସେଠାରେ ଅନେକ ଆଲୋଡ଼ନ ଦେଖାଦେଇଥିଲା।
ମହିଳା ଜଣକ ଅଭିଯୋଗ କରିଛନ୍ତି ଯେ ସ୍ଥାନୀୟ ଭାଜପା ମହିଳା ମୋର୍ଚ୍ଚା ଅଧିକାରୀ ଏବଂ ଦଳର ଅନ୍ୟ ସଦସ୍ୟମାନେ ତାଙ୍କ ଘରକୁ ଆସିଥିଲେ। ଏହା ପରେ ତାଙ୍କୁ ଏକ ମିଥ୍ୟା ଅଭିଯୋଗରେ ଦସ୍ତଖତ କରିବାକୁ କୁହାଯାଇଥିଲା। ସେମାନେ ମୋର ନାମ ଗୃହ ଯୋଜନାରେ ଅନ୍ତର୍ଭୁକ୍ତ କରିବା ବାହାନାରେ ମୋର ଦସ୍ତଖତ ମାଗିଥିଲେ। ପରେ ସେମାନେ ମୋତେ ପୋଲିସ ଷ୍ଟେଶନକୁ ନେଇଗଲେ, ଯେଉଁଠାରେ ମୋତେ ବଳାତ୍କାର ଅଭିଯୋଗ ଦାଖଲ କରିବାକୁ କୁହାଯାଇଥିଲା। ମୋତେ ଟିଏମସି କାର୍ଯ୍ୟାଳୟରେ ଯୌନ ନିର୍ଯାତନା ଦିଆଯାଇ ନ ଥିଲା।
