ନୂଆଦିଲ୍ଲୀ,୭।୧୨: ଭାରତ ଏବଂ ପାକିସ୍ତାନ ମଧ୍ୟରେ କ୍ରିକେଟ ମ୍ୟାଚ ବିଷୟରେ ଶୁଣିବା ପରେ କ୍ରିକେଟ ପ୍ରେମୀମାନେ ଉତ୍ସାହିତ ହୋଇଯାଆନ୍ତି। ନିକଟରେ ଖେଳାଯାଇଥିବା ଦିନିକିଆ ବିଶ୍ୱକପ ୨୦୨୩ରେ ଭାରତ ଏବଂ ପାକିସ୍ତାନ ମଧ୍ୟରେ ସଂଘର୍ଷ ଦେଖିବାକୁ ମିଳିଥିଲା। ତେବେ ରୋହିତ ଶର୍ମାଙ୍କ ଅଧିନାୟକତ୍ୱରେଟିମ ଇଣ୍ଡିଆ ଏକପାଖିଆ ଭାବେ ମ୍ୟାଚ ଜିତିଥିଲା। ଏଥର ପୁଣି ପଡ଼ିଆରେ ମୁହାଁମୁହିଁ ହେବେ ଭାରତ-ପାକିସ୍ତାନ ଦଳ। ଡିସେମ୍ବର ୧୦ରେ ଭାରତ ଏବଂ ପାକିସ୍ତାନର କ୍ରିକେଟ ଦଳ ପୁଣି ଥରେ ପଡ଼ିଆରେ ମୁକାବିଲା ହେବ। ପୁରୁଷ ଅଣ୍ଡର-୧୯ ଏସିଆ କପ ଡିସେମ୍ବର ୮ରୁ ଆରମ୍ଭ ହେଉଛି। ଏଥିରେ ଭାରତ ଏବଂ ପାକିସ୍ତାନ ମଧ୍ୟରେ ମ୍ୟାଚ୍ ଡିସେମ୍ବର ୧୦ରେ ଦେଖାଯିବ। ଉଦୟ ସହାରଣ ଏହି ଟୁର୍ନାମେଣ୍ଟରେ ଭାରତର ନେତୃତ୍ୱ ନେବେ। ଭାରତ ଏବଂ ପାକିସ୍ତାନ ମଧ୍ୟରେ ମ୍ୟାଚ ଦୁବାଇର ଆଇସିସି ଏକାଡେମୀ ଓଭାଲ-୧ରେ ଖେଳାଯିବ।
ଏହି ୮ ଟିମ ଅଣ୍ଡର-୧୯ ଏସିଆ କପରେ ଭାରତ, ପାକିସ୍ତାନ, ଆଫଗାନିସ୍ତାନ, ନେପାଳ, ବାଂଲାଦେଶ, ଶ୍ରୀଲଙ୍କା, ୟୁଏଇ ଏବଂ ଜାପାନର ଦଳ ସାମିଲ ଅଛି। ଏହି ଦଳଗୁଡ଼ିକୁ ଦୁଇଟି ଗ୍ରୁପ ‘ଏ’ ଏବଂ ‘ବି’ ରେ ବିଭକ୍ତ କରାଯାଇଛି। ଏହି ଦଳରେ ଭାରତ, ପାକିସ୍ତାନ, ଆଫଗାନିସ୍ତାନ ଏବଂ ନେପାଳର ଦଳ ଅନ୍ତର୍ଭୁକ୍ତ। ଗ୍ରୁପ ବିରେ ବାଂଲାଦେଶ, ଶ୍ରୀଲଙ୍କା, ୟୁଏଇ ଏବଂ ଜାପାନର ଦଳ ସ୍ଥାନ ପାଇଛନ୍ତି।
