ମୁମ୍ବାଇ: ଆର୍ୟନ ଖାନ୍ଙ୍କୁ ତାଙ୍କର ଜଣେ ବନ୍ଧୁଙ୍କ ଘର ବାହାରେ ଦେଖିବାକୁ ମିଳିଛି। ବିଶେଷ କଥା ହେଉଛି ତାଙ୍କ ସହ ଅନନ୍ୟା ପାଣ୍ଡେଙ୍କୁ ମଧ୍ୟ ଦେଖିବାକୁ ମିଳିଛି। ଶାହରୁଖଙ୍କ ପୁଅ ଆର୍ୟନ ସୋସିଆଲ ମିଡିଆରେ ଚର୍ଚ୍ଚାରେ ରହିଥାନ୍ତି। ଡ୍ରଗ୍ସ ମାମଲାରେ ସେ ଜେଲରୁ ବାହାରିବା ପରଠାରୁ ସେ ତାଙ୍କର ଅଭିନୟ ଆରମ୍ଭ କରିଛନ୍ତି। ନିକଟରେ ଏକ ଇଭେଣ୍ଟରେ ସେ ତାଙ୍କର କିଛି ଖାସ୍ ବନ୍ଧୁ ଏବଂ ଅନନ୍ୟା ପାଣ୍ଡେଙ୍କୁ ଦେଖିବାକୁ ମିଳିଥିଲା।
ଗତ ବର୍ଷ ଡ୍ରଗ୍ସ ମାମଲାରେ ଆର୍ୟନ ଗିରଫ ହୋଇ ଜେଲ୍ ଯାଇଥିଲେ। ପରେ ଜାମିନରେ ଆସିଥିଲେ। ଶନିବାର ତାଙ୍କୁ ଏକ କାର୍ଯ୍ୟକ୍ରମରେ ଦେଖିବାକୁ ମିଳିଥିଲା। ତାଙ୍କ ସହ ତାଙ୍କ ପିଲାଦିନର ବନ୍ଧୁ ତଥା ଅଭିନେତ୍ରୀ ଅନନ୍ୟା ପାଣ୍ଡେ ମଧ୍ୟ ଏହି କାର୍ଯ୍ୟକ୍ରମରେ ଯୋଗ ଦେଇଥିବାର ନଜର ଆସିଥିଲେ। ସୋସିଆଲ ମିଡିଆରେ ଅନନ୍ୟା ଏବଂ ଆର୍ୟନଙ୍କ ଫଟୋ ଭାଇରାଲ ହେବାରେ ଲାଗିଛି।
ମାଧୁରୀ ଦୀକ୍ଷିତଙ୍କ ଫିଲ୍ମ ମଜା ମା’ର ସ୍କ୍ରିନିଂରେ ଦୁହେଁ ପରସ୍ପରକୁ ଅଣଦେଖା କରୁଥିବା ଦେଖିବାକୁ ମିଳିବ। ଏହାପୂର୍ବରୁ ଅନନ୍ୟା ପାଣ୍ଡେ କରଣ ଜୋହରଙ୍କ ଚାଟ୍ ଶୋ’ରେ ପ୍ରକାଶ କରିଥିଲେ ଯେ, ସେ ଆର୍ୟନଙ୍କୁ ପସନ୍ଦ କରନ୍ତି କିନ୍ତୁ ଉଭୟଙ୍କ ମଧ୍ୟରେ ସେମିତି କିଛି ସମ୍ପର୍କ ନାହିଁ। ଉଭୟ ମିଶି ଜଣେ ବନ୍ଧୁଙ୍କ ଘରକୁ ଯାଇଥିବାର ଦେଖିବାକୁ ମିଳିଛି। ଆର୍ୟନ ଏକ କଳା ଟି-ଶର୍ଟ ପିନ୍ଧିବା ସହ ଏକ ଜ୍ୟାକେଟ ବି ପିନ୍ଧିଥିଲେ। ସେହିପରି ଅନନ୍ୟା ପାଣ୍ଡେ ଏକ ଟପ୍ ସହ ଡେନିମ ଜିନ୍ସରେ ନଜର ଆସିଥିଲେ।
