ଚେନ୍ନାଇ, ୧୧ା୧୨ (ପି.ଟି.)- ଭାରତର କିମ୍ବଦନ୍ତୀ ଚେସ୍ ଖେଳାଳି ବିଶ୍ୱନାଥନ ଆନନ୍ଦ ଏକ ଏକାଡେମୀ ପ୍ରତିଷ୍ଠା କରିବେ। ଏଥିଲାଗି ସେ ଓ୍ବେଷ୍ଟବ୍ରିଜ୍ କ୍ୟାପିଟାଲ୍ସ ସହ ହାତ ମିଳାଇଛନ୍ତି। ୫ଥର ବିଶ୍ୱ ଚାମ୍ପିୟନ ଯୁବ ଖେଳାଳିମାନଙ୍କୁ ଟ୍ରେନିଂ ଦେବେ। ଏକାଡେମୀର ନାମ ଓ୍ବେଷ୍ଟବ୍ରିଜ୍-ଆନନ୍ଦ ଚେସ୍ ଏକାଡେମୀ (ଓ୍ବାକା) ରଖାଯାଇଛି। ଏଥିରେ ପ୍ରଥମେ ଭାରତର ୫ଜଣ ଉଦୀୟମାନ ଖେଳାଳିଙ୍କୁ ଟ୍ରେନିଂ ଦିଆଯିବ। ସେମାନେ ହେଲେ ୧୫ ବର୍ଷୀୟ ଆର୍. ପ୍ରଜ୍ଞାନନ୍ଦା, ନିହାଲ ସରିନ (୧୬), ରନାକ୍ ସାନ୍ଧଓ୍ବାନୀ (୧୫), ଡି. ଗୁକେଶ (୧୪) ଏବଂ ପ୍ରଜ୍ଞାନନ୍ଦାଙ୍କ ଭଉଣୀ ଆର୍. ବୈଶାଳୀ। ଏକାଡେମୀ ପ୍ରତିବର୍ଷ ପ୍ରତିଭା ଚିହ୍ନଟ କରିବ। ଓ୍ବାଲର୍ଡ ଟପ୍ ଚେସ୍ ର଼୍ୟାଙ୍କିଙ୍ଗ୍ରେ ପ୍ରବେଶ ପାଇଁ ସହାୟତା କରାଯିବ। ସେମାନଙ୍କୁ ଫେଲୋଶିପ୍ ମଞ୍ଜୁର କରାଯିବ।
