ମୁମ୍ବାଇ: ବଲିଉଡ୍ ମେଗାଷ୍ଟାର ଅମିତାଭ ବଚ୍ଚନ ୭୮ ବର୍ଷରେ ପାଦ ରଖିଛନ୍ତି । ଏହି ଅବସରରେ ସବୁ ମହଲରୁ ତାଙ୍କ ନିକଟକୁ ଶୁଭେଚ୍ଛାର ସୁଅ ଛୁଟିଛି । ହେଲେ ଏଥର କରୋନା ମହାମାରୀ ଓ ‘କୌନ ବନେଗା କରୋଡ ପତି’ର ଶୁଟିଂରେ ବ୍ୟସ୍ତ ଥିବାରୁ ସେ ଜନ୍ମଦିନ ପାଳନ କରିବେ ନାହିଁ ବୋଲି ପୂର୍ବରୁ କହିଥିଲେ । ତେବେ ତାଙ୍କ ଜନ୍ମଦିନରେ ଆଉ ଗୋଟିଏ କଥା ଜାଣିବାକୁ ମିଳିଛି କି ଅମିତାଭ ରେଖାଙ୍କ ପୂର୍ବରୁ ଆଉ ଜଣେ ଝିଅଙ୍କୁ ମନ ଦେଇ ବସିଥିଲେ । ତେବେ ରେଖା-ଅମିତାଭଙ୍କ ପ୍ରେମ କାହାଣୀକୁ ନେଇ ଆଜିବି ଚର୍ଚ୍ଚା ହେଉଥିବା ବେଳେ ଅମିତାଭଙ୍କ ପ୍ରଥମ ପ୍ରେମ ବିଷୟରେ ଖୁବ୍ କମ୍ ଲୋକ ଜାଣନ୍ତି । ଅମିତାଭ ନିଜେ ‘କୌନ ବେନଗା କରୋଡ ପତି’ରେ ହିଁ ଏହି କଥା କହିଥିଲେ । ଯେତେବେଳେ ସେ ଦିଲ୍ଲୀରେ ପାଠ ପଢୁଥିଲେ ଓ ଡିଟିସି ବସ୍ରେ ଯିବା ଆସିବା କରୁଥିଲେ ସେତେବେ ତାଙ୍କର ପ୍ରେମ ହୋଇଥିଲା । କନ୍ନଡ ପ୍ଲେସରୁ ବସ୍ରେ ଉଠୁଥିବା ଜଣେ ସୁନ୍ଦରୀଙ୍କ ପ୍ରେମରେ ପଡିଥିଲେ ଅମିତାଭ । ହେଲେ ଝିଅଟି ସେତେବେଳେ ପ୍ରାଣ ନାମକ ଜଣେ ପୁଅଙ୍କ ପ୍ରେମରେ ପଡି ସାରିଥିଲେ । ଏମାନେ ଉଭୟ ଏକାଠି ଯିବା ଆସିବା କରୁଥିଲେ ବି ଅମିତାଭ କିନ୍ତୁ ତାଙ୍କ ପ୍ରେମରେ ପଡିଯାଇଥିଲେ । ହେଲେ ସେ କେବେ ତାଙ୍କ ମନ କଥା କହି ପାରି ନ ଥିଲେ । ଏମିତି ସମୟ ଆସିଥିଲା ଯେତେବେଳେ ସେହି ଝିଅ ଜଣକ ବି ଅମିତାଭଙ୍କ ପ୍ରେମରେ ପଡିଯାଥିଲେ । ଆଉ ଶେଷରେ କହିଥିଲେ “ପ୍ରାଣ ଯାଏ ପର ବଚନ ନ ଯାୟେ” ଅର୍ଥାତ୍ ତାଙ୍କ ପୁରୁଷ ବନ୍ଧୁ ପ୍ରାଣଙ୍କୁ ସେ ଭୁଲି ଯାଇ ପାରିବେ ହେଲେ ଅମିତାଙ୍କ ବଚ୍ଚନଙ୍କୁ ନୁହେଁ । କିନ୍ତୁ ଏହା ବିବାହର ରୂପ ନେଇ ପାରି ନ ଥିଲା । କାରଣ ଥିଲା ଅମିତାଭ ଥିଲେ ରକ୍ଷଣଶୀଳ ପରିବାରର ପିଲା ।
