ଆଜି ବଲିଉଡର ମେଗାଷ୍ଟାର ଅମିତାଭ ବଚ୍ଚନ ଏବଂ ଜୟା ବଚ୍ଚନଙ୍କ ୪୯ ତମ ବିବାହ ବାର୍ଷିକୀ। ଏହି ଅବସରରେ ଅମିତାଭ ଏକ ପୁରୁଣା ଫଟୋ ଶେୟାର କରି ପ୍ରଶଂସକଙ୍କୁ ଧନ୍ୟବାଦ ଜଣାଇଛନ୍ତି। ଦୀର୍ଘ ବର୍ଷ ଦାମ୍ପତ୍ୟ ଜୀବନକୁ ସଫଳତାର ସହ ଆଗେଇ ନେଇଥିବା ଅମିତାଭ ବଚ୍ଚନ ଏବଂ ଜୟା ସମସ୍ତଙ୍କ ପାଇଁ ଉଦାହରଣ ସାଜିଛନ୍ତି।
‘କୌନ ବନେଗା କରୋଡପତି’ରେ ଅମିତାଭ ବଚ୍ଚନ ଜଣେ ପ୍ରତିଯୋଗୀ ପଚାରିବାରୁ ଜୟା ବଚ୍ଚନଙ୍କ ବିଷୟରେ ଅନେକ ଖୁଲାସା କରିଥିଲେ। ଅମିତାଭ କହିଥିଲେ, ଜୟାଙ୍କ ଫୋନ୍ ନମ୍ବର ଜେବିରେ ସେ ଫୋନରେ ସେଭ୍ କରି ରଖିଛନ୍ତି। ଏହା ସହ ବିବାହର ଏକ ରୋଚକ କାହାଣୀ ଅମିତାଭ ନିଜେ କିଛି ବର୍ଷ ପୂର୍ବେ ବର୍ଣ୍ଣନା କରିଥିଲେ। ସେ କହିଥିଲେ- ମୁଁ ଏବଂ ଜୟା ଫିଲ୍ମ ‘ଜଞ୍ଜୀର’ରେ ଏକାଠି କାମ କରୁଥିଲୁ। ନିଷ୍ପତ୍ତି ନିଆଗଲା ଯେ ଯଦି ଫିଲ୍ମ ହିଟ ହୋଇଯାଏ, ତେବେ ସମସ୍ତେ ଲଣ୍ଡନ ଯିବେ। ଏହା ଜାଣିବା ପରେ ଅମିତାଭଙ୍କ ପିତା ରାଗିଯାଇଥିଲେ। ସେ କହିଥିଲେ ବିବାହ ପରେ ହିଁ ମୁଁ ତୁମକୁ ଏକାଠି ଲଣ୍ଡନ ଯିବାକୁ ଦେବି। ଏହାପରେ ଉଭୟ ତୁରନ୍ତ ବିବାହ କରିବାକୁ ନିଷ୍ପତ୍ତି ନେଇଥିଲେ। ଏକ ଅତି ସରଳ ସମାରୋହରେ ଉଭୟଙ୍କ ହାତଗଣ୍ଠି ପଡିଥିଲା।
ଜୁନ ୩, ୧୯୭୩ରେ ଦୁହେଁ ବିବାହ କରିଥିଲେ। ଏହି ବିବାହ ଜୟା ବଚ୍ଚନଙ୍କ ଜଣେ ବନ୍ଧୁଙ୍କ ଘରେ ଅନୁଷ୍ଠିତ ହୋଇଥିଲା। ଏହି ବିବାହରେ କେବଳ ପରିବାର ଏବଂ ଘନିଷ୍ଠ ବ୍ୟକ୍ତି ଉପସ୍ଥିତ ଥିଲେ। ବିଗ ବି କହିଥିଲେ ଯେ, ସେତେବେଳେ ସେ ଏକ ଭଡା ଘରେ ରହୁଥିଲେ, ତେଣୁ ଜୟାଙ୍କ ବନ୍ଧୁଙ୍କ ଘରେ ଏହି ବିବାହ ହୋଇଥିଲା। ଫିଲ୍ମ ‘ଜଞ୍ଜୀର’ ମଧ୍ୟ ହିଟ ହୋଇଥିଲା ଏବଂ ପରେ ପୁରା ଟିମ ଏକାଠି ଲଣ୍ଡନ ଯାଇଥିଲେ। ଚଳଚ୍ଚିତ୍ରର ଉତ୍ସବ ସହିତ ସେ ଏଠାରେ ତାଙ୍କର ହନିମୁନ ମଧ୍ୟ ପାଳନ କରିଥିଲେ। ଦୁହେଁ ଏକାଠି ଅନେକ ଫିଲ୍ମ କରିଛନ୍ତି । ଏଥିମଧ୍ୟରେ ‘ଶୋଲେ’, ‘ମିଲି’, ‘ଗୁଡି’ ଏବଂ ‘ସିଲସିଲା’ ଭଳି ଚଳଚ୍ଚିତ୍ର ଅନ୍ତର୍ଭୁକ୍ତ। ଉଭୟଙ୍କର ଅଭିଷେକ ବଚ୍ଚନ ଏବଂ ଶ୍ୱେତା ବଚ୍ଚନଙ୍କର ଦୁଇଟି ସନ୍ତାନ ଅଛନ୍ତି।
