![](https://www.dharitri.com/wp-content/uploads/2024/05/df-4.jpg)
ନୂଆଦିଲ୍ଲୀ,୧୬।୫: ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ ଆଦମୀ ପାର୍ଟି ମୁଖ୍ୟ ଅରବିନ୍ଦ କେଜ୍ରିୱାଲ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏବଂ ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହାଙ୍କ ବିଷୟରେ ଏକ ବଡ଼ ଦାବି କରିଛନ୍ତି। କେଜ୍ରିୱାଲ କହିଛନ୍ତି ଯେ, ଯଦି ଭାଜପା ନିର୍ବାଚନରେ ଜିତେ ତେବେ ଅମିତ ଶାହାଙ୍କୁ ପ୍ରଧାନମନ୍ତ୍ରୀ କରାଯିବ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅମିତ ଶାହାଙ୍କ ପାଇଁ ଭୋଟ ଚାହୁଁଛନ୍ତି। ଭାଜପା ମଧ୍ୟ ଦୁଇ ମାସ ମଧ୍ୟରେ ୟୁପି ସିଏମ ଯୋଗୀ ଆଦିତ୍ୟନାଥଙ୍କୁ ତାଙ୍କ ପଦରୁ ହଟାଇବାକୁ ଯାଉଛି।
ଲକ୍ଷ୍ନୌରେ ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବଙ୍କ ସହ ମିଳିତ ସାମ୍ବାଦିକ ସମ୍ମିଳନୀ କରୁଥିବାବେଳେ ଅରବିନ୍ଦ କେଜ୍ରିୱାଲ ଭାଜପାକୁ ଟାର୍ଗେଟ କରିଛନ୍ତି। ସେ କହିଛନ୍ତି, ଭାଜପା ସମ୍ବିଧାନରେ ପରିବର୍ତ୍ତନ ଆଣିବାକୁ ଚାହୁଁଛି, ସେଥିପାଇଁ ୪୦୦ଟି ଆସନର ସ୍ଲୋଗାନ ଦିଆଯାଉଛି। ଆଜି ମୁଁ ଲକ୍ଷ୍ନୌକୁ ଆସିଛି, ୟୁପି ଭୋଟରଙ୍କୁ ଇଣ୍ଡିଆ ମେଣ୍ଟକୁ ଭୋଟ ଦେବାକୁ ଅନୁରୋଧ କରିଛି। ମୁଁ ଏଠାରେ ଚାରୋଟି ପ୍ରସଙ୍ଗ ବିଷୟରେ କହିବାକୁ ଚାହେଁ। ପ୍ରଥମେ ଏହି ନିର୍ବାଚନରେ ପ୍ରଧାନମନ୍ତ୍ରୀ ମୋଦି ଅମିତ ଶାହାଙ୍କୁ ପ୍ରଧାନମନ୍ତ୍ରୀ କରିବେ। ଦ୍ୱିତୀୟରେ, ଯଦି ଭାଜପା କ୍ଷମତାକୁ ଆସେ ତେବେ ସିଏମ ଯୋଗୀ ୨-୩ ମାସ ମଧ୍ୟରେ ତାଙ୍କ ପଦବୀରୁ ହଟାଯିବ। ତୃତୀୟରେ ସେମାନେ ସମ୍ବିଧାନ ପରିବର୍ତ୍ତନ କରିବେ। ଚତୁର୍ଥ ସେମାନେ ଏସସି ଏବଂ ଏସଟି ପାଇଁ ସଂରକ୍ଷଣରେ ପରିବର୍ତ୍ତନ କରିବାକୁ ଯାଉଛନ୍ତି।