ଉତ୍ତର କୋରିଆକୁ ଧ୍ୱଂସ କରିଦେବ ଆମେରିକା: କିମଙ୍କୁ ବାଇଡେନଙ୍କ ଧମକ…

ଓ୍ବାଶିଂଟନ,୧୭।୧୨ : ଆଣବିକ ଆକ୍ରମଣ ସମ୍ପର୍କରେ ସ୍ପଷ୍ଟ ଉତ୍ତର ଦେଇ ଆମେରିକା ଉତ୍ତର କୋରିଆକୁ ଚେତାବନୀ ଦେଇଛି। ରାଷ୍ଟ୍ରପତି ଜୋ ବାଇଡେନଙ୍କ ସରକାର କହିଛିନ୍ତି ଆମେରିକା କିମ୍ବା ଏହାର ସହଯୋଗୀ ଦେଶ ବିରୁଦ୍ଧରେ ଆଣବିକ ଆକ୍ରମଣର ଉଚିତ ଜବାବ ଦିଆଯିବ। କିମ ଜୋଙ୍ଗ ଉନଙ୍କ ଶକ୍ତି ଶେଷ କରାଯିବ।
ବିବୃତ୍ତି ଅନୁଯାୟୀ ଆମେରିକା କହିଛି ଉତ୍ତର କୋରିଆ ଦ୍ୱାରା ଦକ୍ଷିଣ କୋରିଆ ବିରୁଦ୍ଧରେ କୌଣସି ଆଣବିକ ଆକ୍ରମଣ କଲେ ତୁରନ୍ତ ବଳିଷ୍ଠ ଏବଂ ନିର୍ଣ୍ଣାୟକ ପ୍ରତିକ୍ରିୟା ଦିଆଯିବ। ୱାଶିଂଟନରେ ଆମେରିକା ଏବଂ ଦକ୍ଷିଣ କୋରିଆର ଆଣବିକ ପରାମର୍ଶଦାତା ଗୋଷ୍ଠୀ (ଏନସିଜି) ର ଦ୍ୱିତୀୟ ବୈଠକ ଆୟୋଜିତ ହୋଇଥିଲା।

ଅନ୍ୟ ଏକ କ୍ଷେପଣାସ୍ତ୍ର ପରୀକ୍ଷା ପାଇଁ ଉତ୍ତର କୋରିଆ ପ୍ରସ୍ତୁତ ହେଉଛି ବୋଲି ବୈଠକରେ ଆଲୋଚନା ହୋଇଥିଲା। ଏଥିରେ ଉତ୍ତର କୋରିଆ ସହ ବିବାଦ ହେଲେ ସମ୍ଭାବ୍ୟ ଯୋଜନା ଉପରେ ମଧ୍ୟ ଚର୍ଚ୍ଚା କରାଯାଇଥିଲା। ସୂଚନାଯୋଗ୍ୟ ଉତ୍ତର କୋରିଆ ଅନେକ ବାଲିଷ୍ଟିକ କ୍ଷେପଣାସ୍ତ୍ର ବିକଶିତ କରିଛି ଏବଂ ପରୀକ୍ଷଣ କରୁଛି ଯାହା ଦକ୍ଷିଣ କୋରିଆ, ଜାପାନ ଏବଂ ଆମେରିକାରେ ସେମାନଙ୍କ ଲକ୍ଷ୍ୟରେ ପହଞ୍ଚିପାରିବ ଉତ୍ତର କୋରିଆ ଏହି ମାସରେ ଏକ ବାଲିଷ୍ଟିକ କ୍ଷେପଣାସ୍ତ୍ର ପରୀକ୍ଷା କରିବାର ଯୋଜନା କରିଛି।

ପରମାଣୁ ବିପଦ ଭାବରେ ବିବେଚନା କରାଯାଉଥିବା ଏହି ବିବୃତ୍ତି ସହିତ ଆମେରିକାର ପ୍ରତିକ୍ରିୟା ଆସିଛି। ଆସନ୍ତା ବର୍ଷ ଦକ୍ଷିଣ କୋରିଆରେ ଏନସିଜିର ତୃତୀୟ ବୈଠକ ଆୟୋଜିତ ହେବ।

ଏହାପୂର୍ବରୁ ଏପ୍ରିଲରେ ଆମେରିକାର ରାଷ୍ଟ୍ରପତି ଜୋ ବାଇଡେନ ମଧ୍ୟ ସମାନ ଚେତାବନୀ ଦେଇଥିଲେ। ବାଇଡେନ କହିଥିଲେ ଯଦି ଉତ୍ତର କୋରିଆ କୌଣସି ପ୍ରକାର ଆଣବିକ ଆକ୍ରମଣ ଆରମ୍ଭ କରେ ତେବେ ଏହା ପ୍ୟୋଙ୍ଗୟାଙ୍ଗ ସରକାରର ସମାପ୍ତ ହେବ ବୋଲି ଧରାଯିବ। ବିଶେଷ କଥା ହେଉଛି ଉତ୍ତର କୋରିଆ ଗତ ବର୍ଷ କହିଥିଲା ଆମେ ପରମାଣୁ କାର୍ଯ୍ୟକ୍ରମକୁ କେବେ ବନ୍ଦ କରିବୁ ନାହିଁ। ଆମରବଞ୍ଚିବା ପାଇଁ ଏହା ଜରୁରୀ।

ଗତ ମାସରେ, ପ୍ୟୋଙ୍ଗୟାଙ୍ଗ ପୃଥିବୀର କକ୍ଷପଥରେ ଏକ ସାମରିକ ଗୁପ୍ତଚର ଉପଗ୍ରହ ସ୍ଥାପନ କରିଥିଲା। ସେବେଠାରୁ ି ଦେଶ ଦାବି କରିଆସୁଛି ଆକାଶରେ ଏହାର ସାମରିକ ଗୁପ୍ତଚର ଉପଗ୍ରହ ଦ୍ୱାରା ଆମେରିକା ଏବଂ ଦକ୍ଷିଣ କୋରିଆର ପ୍ରମୁଖ ସାମରିକ ସ୍ଥାନଗୁଡିକର ଗୁରୁତ୍ୱପୂର୍ଣ୍ଣ ଫଟୋ ଯୋଗାଉଛି। କିମ ଜୋଙ୍ଗ ଉନଙ୍କ ଏହି ପଦକ୍ଷେପଗୁଡ଼ିକ ଆଣବିକ ଆକ୍ରମଣ ହେବାର ସମ୍ଭାବନାକୁ ନେଇ ଦକ୍ଷିଣ କୋରିଆ ଏବଂ ଆମେରିକାର ଚିନ୍ତାକୁ ଯଥେଷ୍ଟ ବୃଦ୍ଧି କରିଛି ।