ୱାଶିଂଟନ,୨୮ ।୮: ଆଫଗାନିସ୍ତାନ ରାଜଧାନୀ କାବୁଲର ବିମାନ ବନ୍ଦରରେ ହୋଇଥିବା ବସ୍ଫୋରଣ ପରେ ଆମେରିକା ତା’ର ନାଗରିକଙ୍କୁ ସତର୍କ କରାଇ ଦେଇଛି । ସେ ତା’ର ନାଗରିକଙ୍କୁ ତୁରନ୍ତ ବିମାନ ବନ୍ଦର ଗେଟ ଛାଡି ଚାଲି ଯିବାକୁ କହିଛି । ଆମେରିକା ଦୂତାବାସ ପକ୍ଷରୁ ସୁରକ୍ଷା ଦୃଷ୍ଟିରୁ କାବୁଲ ବିମାନ ବନ୍ଦର ପର୍ଯ୍ୟନ୍ତ ନ ଯିବାକୁ ପରାମର୍ଶ ଦିଆଯାଇଛି । ତାଲିବାନ ନିୟନ୍ତ୍ରଣକୁ ଏହା ଆସିଯାଇ ଥିବାରୁ ଆଫଗାନିସ୍ତାନ ନାଗରିକଙ୍କ ସମେତ ହଜାର ହଜାର ସଂଖ୍ୟାରେ ଲୋକେ ଆଫଗାନିସ୍ତାନ ଛାଡି ବାହାରକୁ ପଳାଇ ଯାଉଛନ୍ତି । ହ୍ୱାଇଟ ହାଉସ ପକ୍ଷରୁ ଲୋକଙ୍କୁ ଉଦ୍ଧାର କରାଯିବା ପ୍ରକ୍ରିୟାକୁ ସବୁଠାରୁ ଭୟଙ୍କର ପ୍ରକିୟା ବୋଲି କହିଛି । କାବୁଲରେ ଥିବା ଆମେରିକା ଦୂତାବାସ ପକ୍ଷରୁ ସୂଚନା ଦିଆଯାଇଛି କି ଯେଉଁମାନେ ବି ଇଷ୍ଟ ଗେଟ, ନଥ ଗେଟ ଅବା ନୂଆ ମନ୍ତ୍ରଣାଳୟ ବା ଇଣ୍ଟରନାଲ ଗେଟେରେ ଅଛନ୍ତି ସେମାନେ ତୁରନ୍ତ ବାହାରିଯାଆନ୍ତୁ । ବିମାନ ବନ୍ଦରରେ ବିପଦ ଥିବାରୁ ଆମେରିକା ତା’ର ନାଗରିକଙ୍କୁ ବିମାନ ବନ୍ଦର ନ ଯିବାକୁ ପରାମର୍ଶ ଦେଇଛି । ଆମେରିକା ପୁଣିଥରେ କାବୁଲରେ ବିସ୍ଫୋରଣ ଆଶଙ୍କା କରି ଏଭଳି ସତର୍କତା ଜାରି କରିଛି ।
