ନୂଆଦିଲ୍ଲୀ,୧୧।୭: ଏସିଆର ୧୧ତମ ଧନୀ ଶିଳ୍ପପତି ମୁକେଶ ଅମ୍ବାନୀ ଏବଂ ନୀତା ଅମ୍ବାନୀଙ୍କ ପୁଅ ଅନନ୍ତଙ୍କ ବାହାଘର ହେବାକୁ ଯାଉଛି। ଅନନ୍ତ ଅମ୍ବାନୀ, ରାଧିକା ମର୍ଚାଣ୍ଟଙ୍କୁ ବିବାହ କରିବାକୁ ଯାଉଛନ୍ତି। ଶୁକ୍ରବାର ହେବାକୁ ଯାଉଥିବା ବିବାହ ସମାରୋହ ପାଇଁ ବହୁ ଶିଳ୍ପପତି, ବ୍ୟବସାୟୀ, ଅଭିନେତା ଓ ରାଜନେତାମାନେ ମୁମ୍ବାଇରେ ଭିଡ ଜମାଇଲେଣି। କୁହାଯାଉଛି ଖୋଦ୍ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅମ୍ବାନୀ ପରିବାରର ଅତିଥି ଭାବେ ଯୋଗ ଦେଇପାରନ୍ତି। ରାଧିକା ଏବେ ଗୋଟିଏ କମ୍ପାନୀରେ ପଦସ୍ଥ ଅଛନ୍ତି। ତେବେ ଆପଣ ଜାଣନ୍ତି କି, ଅମ୍ବାନୀଙ୍କ ସାନବୋହୂ କେଉଁ କାମ କରନ୍ତି ଆଉ କେତେ ଦରମା ପାଆନ୍ତି।
୨୯ ବର୍ଷିୟ ରାଧିକା ୧୯୯୪ ଡିସେମ୍ବର ୧୮ରେ ଜନ୍ମଗ୍ରହଣ କରିଛନ୍ତି। ସେ ଭିରେନ ମର୍ଚାଣ୍ଟ ଏବଂ ଶୈଲା ମର୍ଚାଣ୍ଟଙ୍କ ଝିଅ ଅଟନ୍ତି। ଭିରେନ ମର୍ଚାଣ୍ଟଙ୍କ ବିଷୟରେ କହିବାକୁ ଗଲେି ସେ ବିଶ୍ୱ ଫାର୍ମାସ୍ୟୁଟିକାଲ ମ୍ୟାନୁଫ୍ୟାକଚର ‘ଏନକୋର ହେଲଥ କେୟାର’ର ସିଇଓ ଅଟନ୍ତି। ସେ ନ୍ୟୁୟର୍କ ବିଶ୍ୱବିଦ୍ୟାଳୟରୁ ରାଜନୀତି ବିଜ୍ଞାନରେ ସ୍ନାତକ ହାସଲ କରିଛନ୍ତି। ଫୋର୍ବସ ଅନୁଯାୟୀ, ନ୍ୟୁୟର୍କ ୟୁନିଭରସିଟିରେ ପଢୁଥିବା ସମୟରେ ସେ ମୁମ୍ବାଇର ସିଡର କନ୍ସଲଟାଣ୍ଟରେ ବ୍ୟବସାୟିକ ପରାମର୍ଶଦାତା ଭାବେ ଇର୍ଣ୍ଟନସିପ କରିଛନ୍ତି।
ଆମେରିକାରୁ ଭାରତ ଫେରିବା ପରେ ସେ ବିଳାସପୂର୍ଣ୍ଣ ରିଏଲ ଇଷ୍ଟେଟ କମ୍ପାନୀ ଇସ୍ପ୍ରାଭା ରେ ଯୋଗ ଦେଇଥିଲେ। ବଷେର୍ର୍ କାମ କରିବା ପରେ ସେ ଏନକୋର ହେଲଥ କେୟାରରେ ଯୋଗ ଦେଇଥିଲେ। ବର୍ତ୍ତମାନ ସେ ଏନକୋର ସ୍ବାସ୍ଥ୍ୟସେବାର ନିର୍ଦ୍ଦେଶକ ବୋର୍ଡରେ କାର୍ଯ୍ୟ କରୁଛନ୍ତି। ରାଧିକା ମଧ୍ୟ ଜଣେ ବୃତ୍ତିଗତ ଶାସ୍ତ୍ରୀୟ ନୃତ୍ୟଶିଳ୍ପୀ। ସେ ମୁମ୍ବାଇର ଶ୍ରୀ ନିଭା ଆର୍ଟ ଡ୍ୟାନ୍ସ ଏକାଡେମୀର ଗୁରୁ ଭବନ ଠାକୁରଙ୍କଠାରୁ ଆଠ ବର୍ଷ ଧରି ଭାରତନାଟ୍ୟମ ଶିକ୍ଷା ଗ୍ରହଣ କରିଛନ୍ତି।
ଗଣମାଧ୍ୟମ ରିପୋର୍ଟ ଅନୁଯାୟୀ, ରାଧିକା ମର୍ଚାଣ୍ଟଙ୍କ ସମ୍ପତ୍ତି ମୂଲ୍ୟ ପ୍ରାୟ ୧୦କୋଟି ଟଙ୍କା। ତାଙ୍କର ସବୁଠାରୁ ବଡ ରୋଜଗାରର ଉତ୍ସ ହେଉଛି ତାଙ୍କ ପାରିବାରିକ ବ୍ୟବସାୟ ଏନକୋର ହେଲଥ କେୟାର। ସେ ଏହି ପାରିବାରିକ ବ୍ୟବସାୟରୁ ମଧ୍ୟ ଦରମା ପାଇଥା’ନ୍ତି।
