ନୂଆଦିଲ୍ଲୀ,୧୮।୪: ଭଗବାନ ଶିବଙ୍କ ଭକ୍ତମାନଙ୍କ ପାଇଁ ଏକ ଖୁସି ଖବର ଅଛି। ଆସନ୍ତ ଜୁନ୍ ୨୮ରୁ ପବିତ୍ର ଅମରନାଥ ଯାତ୍ରା ଆରମ୍ଭ ହେଉଥିବାବେଳେ ଏହାପୂର୍ବରୁ ବାବା ବର୍ଫାନୀଙ୍କ ଏକ ଦୁର୍ଲଭ ଚିତ୍ର ଅମରନାଥ ଗୁମ୍ଫାରୁ ଆସିଛି। ବାବା ଅମରନାଥଙ୍କ ପ୍ରଥମ ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି। ଏହି ଫଟୋ ଏପ୍ରିଲ ୧୪ର ବୋଲି କୁହାଯାଉଛି। ଫଟୋରେ ବାବା ବର୍ଫାନୀଙ୍କ ପୁରା ଆକାରରେ ଦେଖାଯାଉଛି। ତେବେ ଏହି ଭାଇରାଲ ଫଟୋର ସତ୍ୟତା ସମ୍ପର୍କରେ ପ୍ରଶାସନ କୌଣସି ମନ୍ତବ୍ୟ ଦେଇନାହିଁ। ସୂଚନାଯୋଗ୍ୟ, ଅମରନାଥ ଯାତ୍ରା ପାଇଁ ପଞ୍ଜୀକରଣ ଆରମ୍ଭ ହୋଇଛି। ସମଗ୍ର ଦେଶରେ ବଢୁଥିବା କରୋନା ମାମଲା ସତ୍ତ୍ୱେ ଅମରନାଥ ଯାତ୍ର ପାଇଁ ଭକ୍ତମାନଙ୍କ ମଧ୍ୟରେ ବହୁତ ଉତ୍ସାହ ରହିଛି । ଅମରନାଥ ଯାତ୍ରା ୨୦୨୧ ପାଇଁ ୫୦୦୦ ଯାତ୍ରୀ ଗତ ଦୁଇ ଦିନ ପୂର୍ବରୁ ଅନଲାଇନରେ ପଞ୍ଜୀକୃତ କରିଥିଲେ। ଏହା ବ୍ୟତୀତ ଦେଶର ବିଭିନ୍ନ ବ୍ୟାଙ୍କ ଶାଖାରେ ୨୧୦୦୦ଯାତ୍ରୀ ପଞ୍ଜିକୃତ କରିଛନ୍ତି। ଏପର୍ଯ୍ୟନ୍ତ ସେମାନଙ୍କ ସଂଖ୍ୟା ୨୬୦୦୦ ହୋଇଛି।
