ମୁମ୍ବାଇ: ତେଲ୍ଗୁ ଫିଲ୍ମ ଇଣ୍ଡଷ୍ଟ୍ରିର ସୁପରଷ୍ଟାର ଅଲ୍ଲୁ ଅର୍ଜୁନ ଆଜି ଅର୍ଥାତ୍ ଏପ୍ରିଲ ୮ରେ ତାଙ୍କର ୪୨ତମ ଜନ୍ମଦିନ ପାଳନ କରୁଛନ୍ତି। ଆଜିର ଏହି ଖାସ୍ ଦିନରେ ତାଙ୍କର କିଛି ଫିଲ୍ମ ଉପରେ ନଜର ପକାଇବା। ଯାହା ତାଙ୍କୁ ସାରା ବିଶ୍ୱରେ ପ୍ରସିଦ୍ଧ କରାଇଛି।
ଆର୍ଯ୍ୟ: ଏହି ଫିଲ୍ମଟି ଆର୍ଯ୍ୟ ନାମକ ଜଣେ ଯୁବକଙ୍କ କାହାଣୀ। ଯିଏ ପ୍ରେମିକାଙ୍କୁ ତାଙ୍କ ପ୍ରେମ ପ୍ରସ୍ତାବକୁ ପ୍ରତ୍ୟାଖ୍ୟାନ କଲେ ଛାତରୁ ଡେଇଁବାକୁ ଧମକ ଦେଇଥିଲେ। ଖୁବ୍ଶୀଘ୍ର ଆର୍ଯ୍ୟ ତାଙ୍କୁ ପ୍ରସ୍ତାବ ଦେଲେ କିନ୍ତୁ ସେ ଅନିଚ୍ଛା ପ୍ରକାଶ କଲେ। ସୁକୁମାରଙ୍କ ନିର୍ଦ୍ଦେଶିତ ଏହି ଫିଲ୍ମରେ ଅନୁ ମେହେଟ୍ଟା, ସୁନୀଲ, ଶିବ ବାଲାଜୀ, ରାଜନ ପି ଦେବ ଏବଂ ବେଣୁ ମାଧବ ମଧ୍ୟ ଅଭିନୟ କରିଛନ୍ତି। ଆର୍ଯ୍ୟ-୨ ମଧ୍ୟ ଆସିଥିଲା । ଏହାକୁ ବି ଦର୍ଶକମାନେ ଖୁବ୍ ପସନ୍ଦ କରିଥିଲେ।
ସେହିପରି ଅଲ୍ଲୁ ଅର୍ଜ୍ଜୁନଙ୍କ ଆଉ ଏକ ଫିଲ୍ମ ହେଉଛି ଆଲା ବୈକୁଣ୍ଠପୁରମୁଲୋ। ଏହି ଫିଲ୍ମରେ ଏମିତ୍ର ଏକ ଭୂମିକାରେ ଅଭିନୟ କରିଥିଲେ ଯିଏ କି ତାଙ୍କ ଜନ୍ମର ସତ୍ୟତା ଜାଣିଥିଲେ। ଏଥିରେ ଯୁବକ ଜଣକ କ୍ରମାଗତ ଭାବରେ ନିଜ ପିତାଙ୍କ ଅବମାନନାର ଶିକାର ହୋଇ ବଢ଼ିଥିଲେ। ଯେତେବେଳେ ସେ ତାଙ୍କର ପ୍ରକୃତ ପିତାମାତାଙ୍କ ବିଷୟରେ ଜାଣିଲେ ସେତେବେଳେ ସେ ସେହି ପରିବାରରେ ନିଜ ପାଇଁ ଏକ ସ୍ଥାନ ତିଆରି କରିବାକୁ ସ୍ଥିର କରନ୍ତି ଯେଉଁଠାରେ ସେ ପ୍ରକୃତରେ ଅଟନ୍ତି। ତ୍ରିବିକ୍ରମ ଶ୍ରୀନିବାସଙ୍କ ନିର୍ଦ୍ଦେଶିତ ଏହି ଫିଲ୍ମରେ ପୂଜା ହେଗଡେ, ନିଭଥା ପେଥୁରଜ, ଜୟରାମ, ସୁଶାନ୍ତ ଅନୁମୋଲୁ ଏବଂ ବୈଷ୍ଣବ ଚୈତନ୍ୟ ଅଭିନୟ କରିଛନ୍ତି।
ଏହା ବ୍ୟତୀତ ଏସ୍/ଓ ସତ୍ୟମୂର୍ତ୍ତି, ଦେଶମୁଦୁରୁ, ବେଦମ୍, ରେସ୍ ଗୁରମ, ସରାଇନୁଡୁ, ଜୁଲାଇ, ପୁଷ୍ପା ଦି ରାଇଜ୍ରେ ଅଲ୍ଲୁଙ୍କ ଦମ୍ଦାର ଅଭିନୟ ଦର୍ଶକଙ୍କ ହୃଦୟ ଜିଣିଛି।
