ନୂଆଦିଲ୍ଲୀ,୧୨।୧୨: ଅନ୍ତଃରାଷ୍ଟ୍ରୀୟ ଅଟୋମୋବାଇଲ କମ୍ପାନୀ ବିଏମଡବ୍ଲ୍ୟୁର ବହୁ ପ୍ରତୀକ୍ଷିତ ତଥା ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ଅଲ ନ୍ୟୁ ବିଏମଡବ୍ଲ୍ୟୁ ଏସ ୧୦୦୦ ଆର୍ଆର୍ର ସର୍ବଭାରତୀୟ ଉନ୍ମୋଚନ ହୋଇଯାଇଛି। ଏପରିକି ନିକଟରେ ଦିଲ୍ଲୀ ଜବାହର ଲାଲ ନେହେରୁ ଇଣ୍ଡୋର ଷ୍ଟାଡିୟମଠାରେ ଆୟୋଜିତ ଜୟ ଟାଉନ କାର୍ଯ୍ୟକ୍ରମରେ କମ୍ପାନୀର ୩ଟି ଡିଜାଇନ ମଧ୍ୟ ସର୍ବଭାରତୀୟ ଉନ୍ମୋଚନ କରାଯାଇଥିଲା। ଏଥିରେ ସମସ୍ତ ପ୍ରକାରର ଆଧୁନିକ ସୁବିଧା ସଂଯୋଗ ଥିବାବେଳେ ୩ଟି ରଙ୍ଗ ଓ ଡିଜାଇନ ସହ ସ୍ପୋର୍ଟିଂ ପ୍ୟାକେଜରେ ସ୍ବତନ୍ତ୍ର ଭାବେ ପ୍ରସ୍ତୁତି କରାଯାଇଛି।
ଏହାର ଏକ୍ସ ଶୋରୁମ (ଇଣ୍ଡିଆ)ର ମୂଲ୍ୟ ୨୦ ରୁ ୨୫ ଲକ୍ଷ ଟଙ୍କା ମଧ୍ୟରେ ରହିଛି। ଏ ସମ୍ପର୍କରେ ବିଏମଡବ୍ଲ୍ୟୁ ଗ୍ରୁପର ଇଣ୍ଡିଆ ସଭାପତି ତଥା ସିଇଓ ବିକ୍ରମ ପଓ୍ବା କହିଛନ୍ତି କମ୍ପାନୀ ଦ୍ୱାରା ସ୍ବତନ୍ତ୍ର ଭାବେ ଡିଜାଇନ କରାଯାଇଥିବା ଏସ ୧୦୦୦ଆରଆର ବିଏମଡବ୍ଲ୍ୟୁ ମୋଟରର ରେସିଂ ଡିଏନଏ ବର୍ଗରେ ସାମିଲ ରହିଛି। ଏଥିରେ ଅନେକ ବୈଶିଷ୍ଟ୍ୟ ରହିଛି। ଏହା ବିଶେଷ କରି ବର୍ତ୍ତମାନର ଯୁବ ବର୍ଗ ଓ ରେସିଂ ବର୍ଗର ଚାଳକଙ୍କ ପାଇଁ ପ୍ରସ୍ତୁତି କରାଯାଇଛି। ସେହିଭଳି ଜୟ ଟାଉନ କାର୍ଯ୍ୟକ୍ରମରେ କମ୍ପାନୀ ଆଉ ୨ଟି ପ୍ରିମିୟମ କାରର ମଧ୍ୟ ଉନ୍ମୋଚନ କରାଯାଇଛି। ବିଶେଷ କରି ଜୟ ଟାଉନରେ ଆୟୋଜିତ ଅନେକ କାର୍ଯ୍ୟକ୍ରମ ମଧ୍ୟରେ ନୂତନ ଯାନ ଉନ୍ମୋଚନ ଅନ୍ୟତମ ରହିଥିଲା। ସେହିଭଳି ଜୟ ଟାଉନ ପରିପ୍ରେକ୍ଷୀରେ ଆୟୋଜିତ ବିଭିନ୍ନ କାର୍ଯ୍ୟକ୍ରମରେ ଶହ ଶହ ଲୋକ ଭାଗ ନେଇ ନାଚ, ଗୀତ, ଖାଦ୍ୟ ଓ ସାଂସ୍କୃତିକ କାର୍ଯ୍ୟକ୍ରମର ମଜା ନେଇଥିବା ବିଷୟରେ ପଓ୍ବା ଆଲୋକପାତ କରିଥିଲେ। ଉକ୍ତ କାର୍ଯ୍ୟକ୍ରମରେ କମ୍ପାନୀର ବହୁ ବରିଷ୍ଠ ଅଧିକାରୀ ଓ ଅନ୍ୟମାନେ ଉପସ୍ଥିତ ଥିଲେ।
