ମୁମ୍ବାଇ: ବଲିଉଡ ନାୟିକା ଆଲିଆ ଭଟ୍ଟ ନିକଟରେ ମା’ ହୋଇଥିବା ବେଳେ ଖୁବ୍ କମ୍ ସମୟ ମଧ୍ୟରେ ସେ ପୁଣିଥରେ ଗ୍ଲାମରସ ଲୁକରେ ନଜର ଆସିଛନ୍ତି । ଏଥର ସେ ଭିନ୍ନ ଢଙ୍ଗରେ ନୂଆ ବର୍ଷ ପାଳନ କରିଥିବା ବେଳେ ରବିବାର ସକାଳୁ ସୋସିଆଲ ମିଡିଆରେ ଏହାର କଛି ଫଟୋ ପ୍ରଶଂସକଙ୍କ ପାଇଁ ଶେୟାର କରିଛନ୍ତି । ଏଥିରେ ଆଲିଆ ଏକ ସିମ୍ପଲ ନାଇଟ ସୁଟ ଭଳି ଡ୍ରେସରେ ନଜର ଆସିଛନ୍ତି । ହେଲେ ଏବେ ଏହାର ଦାମ ଜାଣିବା ପରେ ଯେ କେହି ଚକିତ ହୋଇ ଯାଉଛନ୍ତି । ସୋସିଆଲ ମିଡିଆରେ ଏବେ ଏହି ଡ୍ରେସର ଦାମକୁ ନେଇ ଖୁବ୍ ଚର୍ଚ୍ଚା ହେଉଛି ।
ଆଲିଆ ତାଙ୍କ ଅଫିସିୟାଲ ଇନଷ୍ଟାଗ୍ରାମ ହ୍ୟାଣ୍ଡେଲରେ ଏହି ଫଟୋ ଶେୟାର କରିବା ପରେ ଏହାର ଚର୍ଚ୍ଚା ଖୁବ୍ ହେଉଛି । ସମସ୍ତେ ଏହି ସିମ୍ପଲ ଦେଖାଯାଉଥିବା ଡ୍ରେସର ଦାମ ଜାଣିବାକୁ ଆଗ୍ରହ ପ୍ରକାଶ କରିଛନ୍ତି । ସୂଚନଯୋଗ୍ୟ, ନୋ ଦେୟାର ଫ୍ୟାଶନ ଇନଷ୍ଟା ପେଜ ଆଲିଆ ନ୍ୟୁୟର ଇଭିନିଂରେ ପିନ୍ଧିଥିବା ଡ୍ରେସର ରିୟଲ ପ୍ରାଇସ ସମ୍ପର୍କରେ କହିଛି । ଏହା ଏକ ଭଲ ବ୍ରାଣ୍ଡର ଡ୍ରେସ । ଏହାର ଟପର ଦାମ ଭାରତୀୟ ମୁଦ୍ରାରେ ପ୍ରାୟ ୩୩ ହଜାର ୫୫୧ ହୋଇଥିବା ବେଳେ ଟ୍ରାଉଜରର ଦାମ ୪୧ ହଜାର ୯୮୪ ଟଙ୍କା ବୋଲି କୁହାଯାଉଛି । ସିମ୍ପଲ ଲାଗୁଥିଲେ ବି ଏହାର ଦାମ ସମସ୍ତଙ୍କୁ ଚମକାଇ ଦେଇଛି । ଡ୍ରେସଟି ପାଖାପାଖି ୭୫ ହଜାର ଟଙ୍କା । ଏହି ମହଙ୍ଗା ଡ୍ରେସ ପିନ୍ଧି ଅଭିନେତ୍ରୀ ତାଙ୍କ ପ୍ରଶଂସକଙ୍କୁ ନ୍ୟୁୟର ୱିଶ କରିଛନ୍ତି । ଏଥର ସେ ତାଙ୍କ ସ୍ୱାମୀ ରଣବୀରଙ୍କ ସହ ମିଶି ଖୁବ ଧୁମ ଧାମରେ ନୂଆବର୍ଷ ପାଳନ କରିଛନ୍ତି ।
