ମୁମ୍ବାଇ: ଅଭିନେତ୍ରୀ ଆଲିଆ ଭଟ୍ଟ ଏବଂ ଅଭିନେତା ରଣବୀର କପୁରଙ୍କ ଆଗାମୀ ଫିଲ୍ମ ‘ବ୍ରହ୍ମାସ୍ତ୍ର’କୁ ଦର୍ଶକମାନେ ଉତ୍ସାହର ସହିତ ଅପେକ୍ଷା କରିଛନ୍ତି। ରଣବୀର-ଆଲିଆଙ୍କ ବିବାହ ସମୟରେ ‘କେସରିୟା’ ଫିଲ୍ମର ଏକ ଗୀତର ଟିଜର ରିଲିଜ ହୋଇଥିଲା। ଯାହା ଦର୍ଶକଙ୍କ ଦ୍ୱାରା ବେଶ୍ ଆଦୃତ ହୋଇଥିଲା। ବର୍ତ୍ତମାନ ଏହି ଗୀତର ତେଲୁଗୁ ଭର୍ସନର ଟିଜର ‘କମ୍କୁମ୍ଲା’ ରିଲିଜ ହୋଇଛି।
ଆୟାନ ମୁଖାର୍ଜୀଙ୍କ ନିର୍ଦ୍ଦେଶିତ ଫିଲ୍ମ ‘ବ୍ରହ୍ମାସ୍ତ୍ର’ ପାନ ଇଣ୍ଡିଆରେ ରିଲିଜ ହେବ। ଆଲିଆ ଇନ୍ଷ୍ଟାଗ୍ରାମରେ ‘ବ୍ରହ୍ମାସ୍ତ୍ର’ ଗୀତର ତେଲୁଗୁ ଭର୍ସନର ଟିଜର ଶେୟାର କରିଛନ୍ତି। ‘କେସରିୟା’ ‘କୁମ୍କୁମ୍ଲା’ର ତେଲୁଗୁ ଭର୍ସନ। ଏହି ଗୀତଟିକୁ ସିଦ୍ଧ ଶ୍ରୀରାମ ଗାଇଛନ୍ତି ଏବଂ ପ୍ରୀତମଙ୍କ ଦ୍ୱାରା ରଚନା କରାଯାଇଛି।
ଆଲିଆ ରୋମାନ୍ସରେ ପରିପୂର୍ଣ୍ଣ ଏହି ଟିଜରକୁ ତାଙ୍କ ଇନ୍ଷ୍ଟାଗ୍ରାମରେ ଶେୟାର କରିଛନ୍ତି। ଏଥିରେ ସେ କ୍ୟାପଶନ ଲେଖିଛନ୍ତି, ‘କେସରିୟା’ କୁମ୍କୁମ୍ଲା’ ହୋଇଗଲା। ତେଲୁଗୁରେ ଟିଜର ଉପଭୋଗ କରନ୍ତୁ ଯାହାକୁ ଆପଣ ପସନ୍ଦ କରନ୍ତି। 9 ସେପ୍ଟେମ୍ବରରେ ହଲ୍ରେ ‘ବ୍ରହ୍ମାସ୍ତ୍ର ଭାଗ -୧’ ଆସୁଛି।
ଆୟାନ ମୁଖାର୍ଜୀଙ୍କ ନିର୍ଦ୍ଦେଶିତ ଫିଲ୍ମ ‘ବ୍ରହ୍ମାସ୍ତ୍ର’ର ତିନୋଟି ପାର୍ଟ ରହିବ। ପ୍ରଥମ ପାର୍ଟ ସେପ୍ଟେମ୍ବର ୯ରେ ମୁକ୍ତିଲାଭ କରିବ, ଅବଶିଷ୍ଟ ଏହା ପରେ ଆସିବ। ଏହି ଫିଲ୍ମର ଶୁଣିଂ ରଣବୀର ଏବଂ ଆଲିଆଙ୍କ ବିବାହ ପୂର୍ବରୁ ଶେଷ ହୋଇଥିଲା। ବିବାହ ସମୟରେ ଆୟନ ଏହି ଫିଲ୍ମରୁ ‘କେସରିୟା’ ଗୀତ ରିଲିଜ କରି ଉଭୟଙ୍କୁ ବିବାହ ଉପହାର ଦେଇଥିଲେ। ରଣବୀର-ଆଲିଆଙ୍କ ବ୍ୟତୀତ ଅମିତାଭ ବଚ୍ଚନ, ଡିମ୍ପଲ କାପାଡିଆ, ମୌନୀ ରାୟ ଏବଂ ନାଗାର୍ଜୁନଙ୍କ ପରି ଭେଟେରାନ ଅଭିନେତାମାନେ ମଧ୍ୟ ଏହି ଫିଲ୍ମରେ ନଜର ଆସିବେ।
ରଣବୀର-ଆଲିଆ ବିବାହ ପରେ ପ୍ରଥମ ଥର ପାଇଁ ପରଦାରେ ଏକାଠି ନଜର ଆସିବେ। ଉଭୟଙ୍କ ବିବାହ ୧୪ ଏପ୍ରିଲରେ ସମ୍ପନ୍ନ ହୋଇଥିଲା। ଫିଲ୍ମ ‘ବ୍ରହ୍ମାସ୍ତ୍ର’ରେ ପ୍ରଥମ ଥର ପାଇଁ ସ୍କ୍ରିନ୍ରେ ରୋମାନ୍ସ କରୁଥିବା ଉଭୟ ଷ୍ଟାରଙ୍କୁ ଦେଖିବାକୁ ମିଳିବ। କରଣ ଜୋହର ଏହି ଫିଲ୍ମର ନିର୍ମାତା ହୋଇଥିବାବେଳେ ଏହି ଫିଲ୍ମଟି ଆୟାନ ମୁଖାର୍ଜୀଙ୍କ ଦ୍ୱାରା ଲିଖିତ ଏବଂ ନିର୍ଦ୍ଦେଶିତ। ଉଭୟ ଆଲିଆ ଏବଂ କରଣ ଇନ୍ଷ୍ଟାଗ୍ରାମରେ ଫିଲ୍ମର ଫଟୋଗୁଡ଼ିକୁ ଶେୟାର କରୁଛନ୍ତି।