ଭୁବନେଶ୍ୱର,୭।୩(ବ୍ୟୁରୋ): କଳାରାହାଙ୍ଗ ଓ ନନ୍ଦନବିହାର ଅଞ୍ଚଳକୁ ଚଳିତ ବର୍ଷ ପ୍ରଥମ ଥର ବିଏମସିର ୨ ନମ୍ବର ୱାର୍ଡରେ ସାମିଲ କରାଯାଇଛି । ଏ ନେଇ ଅଞ୍ଚଳ ଭୋଟରମାନଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି । ଏହି ନୂଆ ଅଞ୍ଚଳରେ ପାଖାପାଖି ୫ ହଜାର ଭୋଟର ରହୁଥିବାରୁ ବିଜେଡି ଓ ଭାଜପା ଦୁଇ ପ୍ରମୁଖ ଦଳ ନିଜ ନିଜ ପ୍ରାର୍ଥୀଙ୍କୁ ଏହି ଅଞ୍ଚଳରୁ ଚୟନ କରିଛନ୍ତି ।
୨ ନମ୍ବର ୱାର୍ଡ ପାଇଁ ଚୟନ ହୋଇଥିବା ବିଜେଡି ପ୍ରାର୍ଥୀନୀ ମୋନାଲିଶା ବେହେରା ସୋମବାର ତାଙ୍କ ସମର୍ଥକଙ୍କ ସହିତ ଏକ ବିରାଟ ଶୋଭାଯାତ୍ରାରେ ଯାଇ ପ୍ରାର୍ଥିପତ୍ର ଦାଖଲ କରିଥିଲେ । ସେହି ଭଳି ଭାଜପା ପ୍ରାର୍ଥୀ ଭାବେ ରୁତୁପୂର୍ଣ୍ଣା ଭୋଇ ପ୍ରାର୍ଥିପତ୍ର ଦାଖଲ କରିଛନ୍ତି ।
