କରାଚୀ, ୨୯ା୭ (ପି.ଟି.)-ବ୍ୟାଟ୍ସମ୍ୟାନ ଫଓ୍ବାଦ ଆଲାମ ୧୧ ବର୍ଷ ବ୍ୟବଧାନରେ ପାକିସ୍ତାନ ଟେଷ୍ଟ ଦଳକୁ ଫେରିଛନ୍ତି। ଇଂଲଣ୍ଡ ବିପକ୍ଷ ଆସନ୍ତା ଟେଷ୍ଟ ସିରିଜ ପାଇଁ ପାକିସ୍ତାନର ୨୦ ଜଣିଆ କ୍ରିକେଟ ଦଳ ମନୋନୀତ କରାଯାଇଛି। ଏଥିରେ ଦୁଇଜଣ ସ୍ପେଶାଲିଷ୍ଟ ସ୍ପିନର ସ୍ଥାନ ପାଇଛନ୍ତି। ମୁଖ୍ୟ କୋଚ୍ ତଥା ଚୟନକର୍ତ୍ତା ମିସ୍ବା ଉଲ୍ ହକ୍ଙ୍କ ଅଧ୍ୟକ୍ଷତାରେ ଗଠିତ ସିଲେକ୍ସନ କମିଟି ବ୍ୟାଟ୍ସମ୍ୟାନ ଇଫ୍ତିକର ଅହମ୍ମଦ, ଖୁସ୍ ଦିଲ ଶାହା, ଫଖର ଜମାନ ଓ ହାଇଦର ଅଲିଙ୍କୁ ବାଦ ଦେଇଥିବାବେଳେ ଫଓ୍ବାଦଙ୍କୁ ସୁଯୋଗ ଦେଇଛି। ଏହି ବାମହାତି ବ୍ୟାଟ୍ସମ୍ୟାନ ଶେଷ ଥର ୨୦୦୯ରେ ନ୍ୟୁଜିଲାଣ୍ଡରେ ୩ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଖେଳିଥିଲେ। ଚୟନକର୍ତ୍ତାମାନେ ଦୁଇ ଅଲରାଉଣ୍ଡର ଫହିମ୍ ଅଶ୍ରଫ ଓ ଶଦାବ ଖଁାଙ୍କ ବ୍ୟତୀତ ଦୁଇ ସ୍ପେଶାଲିଷ୍ଟ ସ୍ପିନର କାଶିଫ ଭଟି ଓ ଅଭିଜ୍ଞ ୟାସିର ଶାହାଙ୍କୁ ଦଳରେ ନେଇଛନ୍ତି। କୋଭିଡ୍-୧୯ ମହାମାରୀ ଯୋଗୁ ପାକିସ୍ତାନର ୨୯ ଖେଳାଳି ପୃଥକ୍ ପୃଥକ୍ ଭାବେ ଇଂଲଣ୍ଡରେ ପହଞ୍ଚତ୍ଥିଲେ। ଡର୍ବିଶାୟାରଠାରେ ଦୁଇଟି ୪ ଦିନିଆ ଇଣ୍ଟ୍ରା ସ୍କ୍ବାର୍ଡ ମ୍ୟାଚ ପରେ ୨୦ ଜଣିଆ ଦଳ ମନୋନୟନ କରାଯାଇଥିଲା। ଉଇକେଟକିପର ବ୍ୟାଟ୍ସମ୍ୟାନ ସର୍ଫରାଜ ଅହମ୍ମଦଙ୍କୁ ଅଧିନାୟକ କରାଯାଇଛି। ଟେଷ୍ଟ ସିରିଜ ଅଗଷ୍ଟ ୫ରେ ମାଞ୍ଚେଷ୍ଟରରେ ଆରମ୍ଭ ହେବ।
ପାକିସ୍ତାନ ଟେଷ୍ଟ ଦଳ: ଆଝାର ଅଲି (ଅଧିନାୟକ), ବାବାର ଆଜାମ (ଉପ-ଅଧିନାୟକ), ଆବିଦ୍ ଅଲି, ଅସାଦ ସାଫିକ୍, ଫହିମ୍ ଅଶ୍ରଫ, ଫଓ୍ବାଦ ଆଲାମ୍, ଇମାମ୍ ଉଲ୍ ହକ୍, ଇମ୍ରାନ ଖାଁ (ସିନିୟର), କାଶିଫ୍ ଭଟି, ମହମ୍ମଦ ଆବାସ, ମହମ୍ମଦ ରିଜଓ୍ବାନ, ନସିମ ଶାହା, ସର୍ଫରାଜ ଅହମ୍ମଦ, ଶଦାବ ଖାଁ, ଶାହିନ ଶାହା ଆଫ୍ରିଦୀ, ଶାନ୍ ମାସୁଦ୍, ସୋହଲେ ଖାଁ, ଉସ୍ମାନ ସିନଓ୍ବାରୀ, ଓ୍ବାହାବ ରିଆଜ୍ ଓ ୟାସିର ଶାହା।
