ଲକ୍ଷ୍ନୌ,୭ ।୨: ଉତ୍ତରାଖଣ୍ଡର ଚାମୋଲି ଜିଲାରେ ଋଷିଗଙ୍ଗାନଦୀ ଉପରେ ପାୱାର ପ୍ରୋଜେକ୍ଟର ବନ୍ଧ ଭାଙ୍ଗିଯିବା ଫଳରେ ଅକଳାନନ୍ଦା ନଦୀର ଜଳସ୍ତର ବୃଦ୍ଧି ହୋଇଛି । ଏହି ଘଟଣାରେ ପ୍ରାୟ ୧୫୦ ଜଣ ନିଖୋଜ ଥିବା କୁହାଯାଉଛି । ଏମିତି ସୂଚନା ମିଳିବା ପରେ ଉତ୍ତରପ୍ରଦେଶର ଗଙ୍ଗା କୂଳରେ ଥିବା ଗାଁ ଓ ସହରରେ ହାଇ ଆଲର୍ଟ ଜାରି କରାଯାଇଛି । ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ନିର୍ଦ୍ଦେଶ ଅନୁଯାୟୀ ସମସ୍ତ ଜିଲାପାଳ ହାଇ ଆଲର୍ଟରେ ଅଛନ୍ତି । ଏହାସହ ମୁଖ୍ୟମନ୍ତ୍ରୀ କହିଛନ୍ତି ଦେବଭୂମୀ ଉତ୍ତରାଖଣ୍ଡରେ ସୃଷ୍ଟି ହୋଇଥିବା ଏହା ପ୍ରାକୃତିକ ବିପତ୍ତି ପାଇଁ ସରକାର ଯଥା ସମ୍ଭବ ସହାୟତା ଯୋଗାଇ ଦେବେ । ଲଗାତାର ଭାବେ ସେ ଘଟଣା ଉପରେ ନଜର ରଖିଥିବା ବେଳେ ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ତ୍ରିଭେନ୍ଦ୍ର ସିଂ ରାୱତଙ୍କ ସହ କଥା ବି ହୋଇଛନ୍ତି ।
