ମୁମ୍ବାଇ: ଅଭିନେତା ଶାହରୁଖ ଖାନଙ୍କ ଫିଲ୍ମ ‘ଯବାନ’ ବକ୍ସ ଅଫିସରେ ରେକର୍ଡ ସୃଷ୍ଟି କରିଛି। ବିଶ୍ୱବ୍ୟାପୀ ଏହି ଚଳଚ୍ଚିତ୍ର ୧୦୦୦କୋଟି ଟଙ୍କା କ୍ଲବରେ ସାମିଲ ହୋଇଛି ଏବଂ ଏହାର ରୋଜଗାର ଜାରି ରହିଛି। ଶାହରୁଖଙ୍କ ଫିଲ୍ମ ‘ଯବାନ’ କୁ ନେଇ ବର୍ତ୍ତମାନ ଅକ୍ଷୟ କୁମାର ପ୍ରଶଂସା କରିଛନ୍ତି। ନିକଟରେ ଅକ୍ଷୟ କୁମାରଙ୍କ ମିଶନ ରାଣିଗଞ୍ଜ ମୁକ୍ତିଲାଭ କରିଛି। ସେ ଏହି ଚଳଚ୍ଚିତ୍ର ପାଇଁ ଚର୍ଚ୍ଚାରେ ରହିଛନ୍ତି। ଅକ୍ଷୟ କୁମାର କହିଛନ୍ତି, ‘ଯବାନ’ ଭବିଷ୍ୟତ ପାଇଁ ୨୦୦୦-୩୦୦୦ କୋଟି ଟଙ୍କା ବେଚମାର୍କ ସେଟ୍ କରିଦେଇଛି।
ଶାହାରୁଖ ଖାନଙ୍କ ପଠାନ, ‘ଯବାନ’ ଏବଂ ସନ୍ନି ଦେଓଲଙ୍କ ଗଦର-୨ ବଡ଼ ପରଦାରେ ରେକର୍ଡ କରିଛି। ଏହି ତିନୋଟି ଚଳଚ୍ଚିତ୍ର ଉତ୍କୃଷ୍ଟ ସଂଗ୍ରହ କରିସାରିଛି ଏବଂ ଏପର୍ଯ୍ୟନ୍ତ ଚଳିତ ବର୍ଷର ସର୍ବାଧିକ ଆୟ କରିଥିବା ଚଳଚ୍ଚିତ୍ର ତାଲିକାରେ ସ୍ଥାନ ପାଇଛି। ବର୍ତ୍ତମାନ ଅକ୍ଷୟ କୁମାର ଚମତ୍କାର ଚଳଚ୍ଚିତ୍ର ସଂଗ୍ରହ ଉପରେ ପ୍ରତିକ୍ରିୟା ପ୍ରକାଶ କରିଛନ୍ତି।
ଏକ ସାକ୍ଷାତକାରରେ ଅକ୍ଷୟ କୁମାର ଶାହାରୁଖ ଖାନଙ୍କୁ ପ୍ରଶଂସା କରିଛନ୍ତି। ସେ କହିଛନ୍ତି, ମୁଁ ଆଶା କରୁଛି ଯେ ଇଣ୍ଡଷ୍ଟ୍ରି ଅଧିକ ହିଟ ଫିଲ୍ମ ଦେବ । ଯେତେବେଳେ ଶାହାରୁଖ ଖାନଙ୍କ ଯବାନ ଭଲ ବ୍ୟବସାୟ କରିଛି, ତାହାକୁ ନେଇ ମୁଁ ବହୁତ ଖୁସି । ଗଦର-୨ ଏବଂ ଓଏମଜି ଭଳି ଚଳଚ୍ଚିତ୍ର ମଧ୍ୟ ଭଲ ସଂଗ୍ରହ କରିଥିଲା। ଏହା ଇଣ୍ଡଷ୍ଟ୍ରି ପାଇଁ ଏହା ବହୁତ ଭଲ କଥା।
