ମୁମ୍ବାଇ: କରୋନା ମହାମାରୀ ଯୋଗୁ ଦୀର୍ଘ ପ୍ରାୟ ୭ ମାସ ହେବ ବନ୍ଦ ରହିଛି ସାରା ଦେଶର ସିନେମା ହଲ୍ । ଏବେ କିନ୍ତୁ ଅନ୍ଲକ୍ ୦.୫ ଆରମ୍ଭ ହୋଇ ଯାଇଥିବା ବେଳେ କେତେକ ରାଜ୍ୟରେ ଫିଲ୍ମ ହଲ୍ ଖୋଲିବାକୁ ସରକାର ଅନୁମତି ପ୍ରଦାନ କରିଛନ୍ତି । ଏହା ଜଣାପଡିବା ପରେ ଏବେ ବଲିଉଡ୍ ଖିଲାଡି ବୟେ ତାଙ୍କ ଫ୍ୟାନମାନଙ୍କୁ ଦେଇଛନ୍ତି ଖୁସି ଖବର । ଅର୍ଥାତ୍ ତାଙ୍କ ଅଭିନୀତ ଫିଲ୍ମ ମଧ୍ୟରୁ ପ୍ରଥମେ ବେଲ୍ ବଟମ ସିନେମା ହଲ୍ରେ ରିଲିଜ୍ ହେବ ବୋଲି ସେ କହିଛନ୍ତି । ଏହାସହ ତାରିଖ ମଧ୍ୟ ଘୋଷଣା କରିଛନ୍ତି । ଆସନ୍ତା ଏପ୍ରିଲ ୨, ୨୦୨୧ରେ ତାଙ୍କ ଅଭିନୀତ ଫିଲ୍ମ “ବେଲ ବଟମ’ ସିନେମା ହଲରେ ରିଲିଜ୍ ହେବ ବୋଲି ସେ ସୋସିଆଲ ମିଡିଆ ମାଧ୍ୟମରେ ଜଣାଇଛନ୍ତି । ଏହାର ଏକ ପୋଷ୍ଟର ମଧ୍ୟ ଶେୟାର କରିଛନ୍ତି ଖିଲାଡିବୟ । ସଞ୍ଜିତ ଏମ୍ ତିୱାରିଙ୍କ ଦ୍ୱାରା ନର୍ଦ୍ଦେଶିତ ଏହି ଫିଲ୍ମଟି ହେଉଛି ଏକ ସ୍ପାଇ ଥ୍ରିଲର ଫିଲ୍ମ । ଏଥିରେ ତାରା ଦତ୍ତା ଓ ହ୍ୟୁମା କ୍ୟୁରେସିଙ୍କୁ ମଧ୍ୟ ଦେଖିବାକୁ ମିଳିବ ।
