ଲକ୍ଷ୍ନୌ,୮।୧: ସମାଜବାଦୀ ପାର୍ଟି(ଏସ୍ପି)କାର୍ଯ୍ୟକର୍ତ୍ତା ତଥା ଟୁଇଟର ଆଡମିନି ମନୀଷ ଜଗନ ଅଗ୍ରୱାଲଙ୍କୁ ଲକ୍ଷ୍ନୌ ପୋଲିସ ଶନିବାର ଗିରଫ କରିଛି। ଏହାକୁ ବିରୋଧ କରି ରବିବାର ଏସପି ସଭାପତି ଅଖିଳେଶ ଯାଦବ ପୋଲିସ ମୁଖ୍ୟାଳୟରେ ପହଞ୍ଚିଥିଲେ। ଏହି ସମୟରେ ବହୁ ସଂଖ୍ୟକ ଏସପି କର୍ମଚାରୀ ପୋଲିସ ମୁଖ୍ୟାଳୟରେ ପହଞ୍ଚି ଯୋଗୀ ସରକାରଙ୍କ ବିରୋଧରେ ସ୍ଲୋଗାନ ଦେଇଥିଲେ। ଗିରଫକୁ ବିରୋଧ କରି ଅଖିଳେଶ କହିଛନ୍ତି, ସରକାରଙ୍କ ଏକଛତ୍ରବାଦୀ ଶାସନ କାମ କରିବ ନାହିଁ। ଭାଜପା ନିର୍ଦ୍ଦେଶରେ ପୋଲିସ କାର୍ଯ୍ୟ କରୁଛି।
ପୋଲିସ ମୁଖ୍ୟାଳୟରେ ଉପସ୍ଥିତ ଥିବା ଅଧିକାରୀମାନେ ଉପସ୍ଥିତ ଏସପି ସଭାପତିଙ୍କୁ ଚା’ ପ୍ରଦାନ କରିଥିଲେ। ଚା’ ପିଇବାକୁ ଅଖିଳେଶ ସିଧା ମନା କରିଦେଇଥିଲେ। ସେ କହିଥିଲେ, ଯଦି ତୁମେ ବିଷ ମିଶେଇ ଥିବ … ତୁମ ଉପରେ ଅମାର ଭରସା ନାହିଁ। ବହୁତ କିଛି କହିବା ପରେ ଅଖିଳେଶ କହିଛନ୍ତି ଯେ ଆମେ ବାହାରୁ ଚା’ ଅର୍ଡର କରିବୁ ଏବଂ ଆପଣଙ୍କ କପ ନେବୁ। ଏହା କହି ସେ ତାଙ୍କ କର୍ମକର୍ତ୍ତାଙ୍କ ପାଇଁ ଚା’ ଅର୍ଡର କରିଥିଲେ।
ସୂଚନାଯୋଗ୍ୟ, ସମାଜବାଦୀ ପାର୍ଟିର ଟୁଇଟର୍ ଆଡମିନି ମନୀଷ ଜଗନ ଅଗ୍ରୱାଲଙ୍କୁ ଅଶ୍ଳୀଳ ଭାଷଣ ଦେବା ଅଭିଯୋଗରେ ଲକ୍ଷ୍ନୌ ପୋଲିସ ଗିରଫ କରିଥିଲା। ଲକ୍ଷ୍ନୌର ହଜରତଗଞ୍ଜ ପୋଲିସ ଷ୍ଟେଶନରେ ତାଙ୍କ ବିରୋଧରେ ତିନୋଟି ମାମଲା ରୁଜୁ ହୋଇଛି।
