ବମ୍ବେ: ବିବାଦୀୟ ରିଆଲିଟି ଶୋ’ ‘ବିଗ୍ବସ୍’ରେ ଅନେକ କଳାକାର ଲିଙ୍କଅପ୍କୁ ନେଇ ଚର୍ଚ୍ଚାରେ ରହିଥାନ୍ତି। ଠିକ୍ ସେଭଳି କିଛି ଘଟିଛି ଲୋକପ୍ରିୟ ଅଭିନେତା ରାକେଶ ବାପତଙ୍କ କ୍ଷେତ୍ର। ସେ ଏବେ ଶିଳ୍ପା ସେଟ୍ଟୀଙ୍କ ଭଉଣୀ ସମିତାଙ୍କ ପ୍ରେମରେ ଉବୁଟୁବୁ।
ନିକଟରେ ବିଗ୍ବସ୍ ଓଟିଟି ଫର୍ମାଟରେ ଦେଖାଯାଇଥିଲା। ଏହା ଦର୍ଶକଙ୍କୁ ବେଶ ମନୋରଞ୍ଜନ କରିଥିବା ବେଳେ ପ୍ରତିଯୋଗୀ ଥିବା ରାକେଶ-ସମୀତାଙ୍କ ଯୋଡ଼ିକୁ ପସନ୍ଦ କରାଯାଇଥିଲା। ଉଭୟ ପରସ୍ପରକୁ ଭଲ ଭାବେ ବୁଝିବା ସହ ଏକାଠି ସମୟ ବିତାଉଥିଲେ। ହେଲେ ଶୋ’ର ଫାଇନାଲ ଶେଷ ହେବା ପରେ ନିଜ ନିଜ ଘରକୁ ସେମାନେ ଫେରିଯାଇଥିଲେ। ଏହାକୁ ନେଇ ଦର୍ଶକ ପୁଣିଥରେ ସେମାନଙ୍କୁ ଏକାଠି ଦେଖିବାକୁ ଚାହୁଁଥିବା କହି ଆସୁଥିଲେ। ଶେଷରେ ତାହା ହିଁ ହୋଇଛି।
ଶୁକ୍ରବାର ଉଭୟ ଲଭବାର୍ଡଙ୍କୁ ଡିନର୍ ଡେଟ୍ରେ ଯାଇଥିବା ଦେଖାଯାଇଛି। ଏହାର ଅନେକ ଫଟୋ ଏବଂ ଭିଡିଓ ସୋସିଆଲ ମିଡିଆରେ ଘୁରି ବୁଲୁଛି। ସେମାନେ ରେଷ୍ଟୁରାଣ୍ଟ ବାହାରେ ହାତରେ ହାତ ଛନ୍ଦି ଫଟୋ ଉଠାଇବା ସହ ନିଜ ନିଜ ସୋସିଆଲ ପୃଷ୍ଠାରେ ଷ୍ଟାଟସ୍ ମଧ୍ୟ ଦେଇଛନ୍ତି। ଏଣୁ କିଛି କିଛି ନୁହେଁ ବରଂ ଉଭୟଙ୍କ ମଧ୍ୟରେ ବହୁତ କିଛି ଚାଲିଛି ବୋଲି ଚର୍ଚ୍ଚା ଜୋର ଧରିଛି।
