ନୂଆଦିଲ୍ଲୀ,୧୭।୧୧: ଇଣ୍ଡିଆନ୍ ପ୍ରିମିୟର ଲିଗ୍(ଆଇପିଏଲ୍)ର ୧୩ତମ ସିଜନ୍ରେ ଟାଇଟଲ ହାସଲ କରିଛି ମୁମ୍ବାଇ ଇଣ୍ଡିଆନ୍ସ। ଚଳିତ ବର୍ଷ ଆଇପିଏଲ୍ରେ ଅନେକ ଯୁବ ଖେଳାଳି ନିଜର ପ୍ରତିଭା ଦେଖାଇଥିଲେ। ଦେବଦତ୍ତ ପାଟିଲ, ଇଶାନ କିଶନ, ରାହୁଲ ତେବତିୟା, ଶୁଭମନ ଗିଲ ଆଦି ଖେଳାଳି ଚମତ୍କାର ପ୍ରଦର୍ଶନ ପାଇଁ ପ୍ରଶଂସା ଅର୍ଜନ କରିଥିଲେ। ହେଲେ ଜଣେ ଏଭଳି ଖେଳାଳି ଅଛନ୍ତି ଯିଏ ସବୁଠାରୁ ଅଧିକ ବାହା ବାଃ ପାଇଛନ୍ତି। ସେ ହେଲେ ରାଜସ୍ଥାନ ରୟାଲ୍ସର ଯୁବ ଦ୍ରୁତ ବୋଲର କାର୍ତ୍ତିକ ତ୍ୟାଗି। ସେ ନିଜର ଦ୍ରୁତ ଗତି ଏବଂ ଉନ୍ନତ ବୋଲିଂକୁ ନେଇ ସମସ୍ତଙ୍କୁ ପ୍ରଭାବିତ କରିଛନ୍ତି। ୨୦ ବର୍ଷୀୟ ଏହି ବୋଲର ୧୦ଟି ମ୍ୟାଚ୍ରେ ୯ ଓ୍ବିକେଟ୍ ନେଇଥିଲେ। ଏବେ ପୂର୍ବ ବୋଲର ଅଜିତ୍ ଅଗରକର ପ୍ରଶଂସା କରି ସେ ଖୁବ୍ଶୀଘ୍ର ଭାରତୀୟ ଟିମ୍ ପାଇଁ ଖେଳିବେ ବୋଲି କହିଛନ୍ତି।
ଅଗରକର ଏକ ଶୋ’ରେ ଭାଗ ନେଇ କହିଛନ୍ତି, ମୋ ମତରେ ଆଇପିଏଲ୍ରେ ଜଣେ ଯୁବ ଖେଳାଳିଙ୍କୁ ଦେଖି ମଜା ଲାଗୁଥିଲା। ସେ ହେଲେ ରାଜସ୍ଥାନ ରୟାଲ୍ସର କାର୍ତ୍ତିକ ତ୍ୟାଗି। ତାଙ୍କ ଭିତରେ ବହୁତ ପ୍ରତିଭା ରହିଛି, ହେଲେ ସେ ଅନବିଜ୍ଞ। ତାଙ୍କର ମନୋଭାବ ଭଲ ଥିଲେ। ହଠାତ୍ ଆସି ଆଇପିଏଲ୍ରେ ଭଲ ପ୍ରଦର୍ଶନ କରିବା ସହଜ ନୁହେଁ, ହେଲେ ଅନୁଭବରୁ ଅନେକେ ଶିଖନ୍ତି। ଆଗକୁ ଯିବା ପରେ ଭଲ ଶିଖିବେ ବୋଲି ଆଶା ରହିଛି ବୋଲି ସେ କହିଛନ୍ତି।
